20-Nov-2022

  ସମ୍ବଲପୁର: ଅଗ୍ରଣୀ ସାମାଜିକ ଏବଂ ସାଂସ୍କୃତିକ ସଂଗଠନ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ସମ୍ବଲପୁରୀ ଭାଷା  ଏବଂ ନାଟ୍ୟ ଆନ୍ଦୋଳନର ପୁରୋଧା ନାଟ୍ୟ ମହର୍ଷି ଗୁରୁ ଭଗବାନ ସାହୁଙ୍କର ୨୨ତମ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ  ଅନୁଷ୍ଠିତ ହୋଇ ଯାଇଛି  । ସମ୍ବଲପୁରୀ ଭାଷା ସଂସ୍କୃତି ଏବଂ ନାଟକ ପାଇଁ ସାରା ଜୀବନ ବଲିଦାନ ଦେଇଥିବା ଗୁରୁ ଭଗବାନ ସାହୁଙ୍କର ଫଟୋଚିତ୍ର ରେ ପୁଷ୍ପ ଅର୍ପଣ କରାଯିବା ସହ ତାଙ୍କର ତ୍ଯାଗ ଏବଂ ବଲିଦାନ ଉପରେ ଆଲୋଚନା କରାଯାଇ ଥିଲା। ସମ୍ବଲପୁର ତାଙ୍କର କର୍ମଭୂମି ରହିଥିବା ବେଲେ ବହୁ ଆୟୋଜନ ସେ ସମ୍ବଲପୁର ରେ କରିଥିଲେ। ଲୋକ ମହୋତ୍ସବ ର ଆରମ୍ଭ,୧୯୫୦ ମସିହା ଠାରୁ ସମ୍ବଲପୁରୀ ନାଚ କୁ ନାଟକ ମଂଚରେ ପ୍ରଦର୍ଶନ, ବୀର ସୁରେନ୍ଦ୍ର ସାଏଂକର ଜୀବନ ସଂଗ୍ରାମ କୁ ସଂଗ୍ରହ କରିବା ସହ ସମ୍ବଲପୁରୀ ନାଟକରେ ରୁପାନ୍ତରିତ କରି ଲୋକପ୍ରୀୟ କରାଇବା, ବିଭିନ୍ନ ସ୍ଥାନରେ ଶିକ୍ଷାନୁଷ୍ଠାନ ପ୍ରତିଷ୍ଠା କରିବା ସହ ବିଶେଷ କରି ନୁଆଖାଇ କୁ ଗୋଟିଏ ଦିନରେ କରିବା ପାଇଁ ତାଙ୍କର ଉଦ୍ୟମ ପଶ୍ଚିମାଞ୍ଚଲ ର ଏକତା କୁ ସୁଦ୍ରୁଢ କରିପାରିଛି । ଗୁରୁ ସତ୍ଯ ନାରାୟଣ ସମ୍ବଲପୁରୀ ଐତିହ୍ୟ କେନ୍ଦ୍ର ରେ  ଗୁରୁ ଭଗବାନ ସାହୁଙ୍କର ସ୍ମୁତି ରକ୍ଷା ପାଇଁ ଉଦ୍ୟମ କରାଯିବା ପାଇଁ ଆଲୋଚନା କରାଯାଇ ଥିଲା। ସମାଜ ଭବନ ଠାରେ ଅନୁଷ୍ଠିତ ସ୍ମୁତି ସଭା ରେ ପଶ୍ଚିମାଞ୍ଚଲ ଏକତା ମଂଚ ସମ୍ବଲପୁର ଶାଖାର ସଂଯୋଜକ ଲଲିତ ମୋହନ ବେବର୍ତ୍ତାଂକ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମ କାର୍ଯ୍ୟକ୍ରମ ରେ  ଆବାହକ ଭବାନୀଶ ଭୋଇ ଗୁରୁ ଭଗବାନ ସାହୁଙ୍କର ଅବଦାନ ବିଷୟ ରେ ଆଲୋକପାତ କରିଥିଲେ। କାର୍ଯ୍ୟକ୍ରମ ରେ କେନ୍ଦ୍ରୀୟ କାର୍ଯ୍ୟକ୍ରମ ସଂଯୋଜକ ଡ ପ୍ରମୋଦ ରଥ, ସଂଗଠନ  ସଂଯୋଜକ ସୁବୋଧ କୁମାର ଦୋରା,  ମହିଳା ସଂଯୋଜିକା କାନ୍ତି ମେହେର, ସମ୍ବଲପୁରୀ ଭାଷା ସାହିତ୍ୟ ସଂଯୋଜିକା ପଂକଜିନି ମେହେର, ଐତିହ୍ୟ କେନ୍ଦ୍ର ସଂଯୋଜକ ସୁଦାମ ମେହେର ,ଶାଖା ସଂଗଠନ ସଂଯୋଜକ ସୁରେନ୍ଦ୍ର ବଗର୍ତୀ,  ଭାରତୀ ସମାଜ ର ଯୁବ ସଂଯୋଜକ ସୁସ୍ମିତ କୁମାର ପଣ୍ଡା, ଶାନ୍ତାନୁ ପାଢୀ, ସୋମ୍ୟ ଶାଶ୍ବ ଭୋଇ ପ୍ରମୁଖ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ପଶ୍ଚିମାଞ୍ଚଲ ଏକତା ମଂଚ ସମ୍ବଲପୁର ଶାଖାର  କାର୍ଯ୍ୟକ୍ରମ ସଂଯୋଜକ ରାଜେଶ ସ୍ବାଇଁ, ଧନ୍ଯବାଦ ଅର୍ପଣ କରିଥିଲେ।
(ସମ୍ବଲପୁରରୁ ସଂଜୀବ ପାଣିଗ୍ରାହୀଙ୍କ  ରିପୋର୍ଟ)