30-Oct-2022

ବୀରମହାରାଜପୁର/ମୁର୍ଷୁଣ୍ଢି (ଆର୍ତ୍ତତ୍ରାଣ ଖୁର୍ଡିଆ)
ବୀରମହାରାଜପୁର ବ୍ଳକ ଅଧିନସ୍ଥ କେନଝିରିଆପାଲି ପଞ୍ଚାୟତଠାରେ ଥିବା ଆଞ୍ଚଳିକ ଉଚ୍ଚ ବିଦ୍ୟାପୀଠ କେନଝିରିଆପାଲି ପ୍ରାଙ୍ଗଣରେ ରଜତ ଜୟନ୍ତି ପାଳନ ନିମନ୍ତେ ପୁରାତନ ଛାତ୍ର ସଂଗଠନ ତରଫରୁ ଦ୍ୱିତୀୟ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଚଳିତ ବର୍ଷ ଡିସେମ୍ବର ମାସରେ ଅନୁଷ୍ଠିତ ହେବାକୁ ଥିବା ରଜତ ଜୟନ୍ତୀର କାର୍ଯ୍ୟକ୍ରମ ବିଷୟରେ ଆଲୋଚନା ଓ ପର୍ଯ୍ଯାଲୋଚନା ପୂର୍ବକ ଉପସ୍ଥିତ ସଦସ୍ଯଙ୍କ ସକରାତ୍ମକ ମତକୁ  ଗ୍ରହଣ କରି  ବିଦ୍ୟାଳୟ କାର୍ଯ୍ୟନିର୍ବାହୀ କମିଟି ଗଠନ କରାଯାଇଥିଲା। ଉକ୍ତ କମିଟୀରେ ସ୍କୁଲର ପ୍ରଧାନ ଶିକ୍ଷକ ସଭାପତି ‐ବ୍ରଜମୋହନ ବାରିକ,ଉପ ସଭାପତି- ପ୍ରମୋଦ ପାତ୍ର, ସମ୍ପାଦକ-ଗୌରୀ ଶଙ୍କର ପୂଜାରୀ, ସହ ସମ୍ପାଦକ - ଜୀବର୍ଦ୍ଧନ ରଣା, ସଙ୍ଗଠକ- ସୁରେନ୍ଦ୍ର ପ୍ରଧାନ, କୋଷାଧ୍ୟକ୍ଷ-ଜଗଦୀଶ ପ୍ରଧାନ, ସରକାରୀସମ୍ପାଦକ-ସତ୍ୟନାରାୟଣ ରାଜହଂସ ଓ ଦିନବନ୍ଧୁ ପଧାନଙ୍କୁ ମାର୍ଗଦର୍ଶକ ଭାବରେ ସର୍ବସମ୍ମତି କ୍ରମେ ମନୋନୀତ କରାଯାଇଥିବା ସୂଚନା ମିଳିଛି। ସଭା ଶେଷରେ ପୁରାତନ ଛାତ୍ର ସଂଗଠନର କାର୍ଯ୍ୟକର୍ତ୍ତା ଉମାକାନ୍ତ ପ୍ରଧାନ ଧନ୍ୟବାଦ ଅର୍ପଣ କରିଥିବା ବେଳେ ଚିତ୍ତରଞ୍ଜନ ପଧାନ,ମୀନକେତନ ରଣା,ଲାଲାଜୀ ବେହେରା,ରାଜେନ୍ଦ୍ର ଖେତୀ ଓ ଅନ୍ଯାନ୍ଯଙ୍କ ସମେତ ବିଦ୍ଯାଳୟର ସମସ୍ତ କର୍ମଚାରୀ ଉପସ୍ଥିତ ଥିଲେ।