30-Oct-2022

ବଲାଙ୍ଗୀର (ମଳୟ ମିଶ୍ରଙ୍କ ରିପୋର୍ଟ ): କିଛିଦିନତଳେ ବଲାଙ୍ଗୀର ଜିଲ୍ଲାର ବିଭିନ୍ନ ସ୍ଥାନରେ ମୃତ୍ତିକା ସଂରକ୍ଷଣ ବିଭାଗ ବନାମ ଜଳଛାୟା ପ୍ରକଳ୍ପରେ ଚାଲିଥିବା ମନରେଗା ଯୋଜନାରେ ଫାର୍ମପଣ୍ଡ୍ ବା ଚହଲା ଖନନ ନାଁ'ରେ କୋଟି କୋଟି ଟଙ୍କାର ଚଳୁ କରାଯାଉଥିବା 'ପ୍ରେରଣା ' ତଥା ଅନ୍ୟାନ୍ୟ ଗଣମାଧ୍ୟମରେ ପ୍ରକାଶ ପାଇଥିଲା । ଏବେ ପାଟଣାଗଡ ସହକାରୀ ମୃତ୍ତିକା ସଂରକ୍ଷଣ ଅଧିକାରୀଙ୍କୁ ଲରମ୍ଭା ପଞ୍ଚାୟତର ଖୋରିପାଣି ଓ ଫଟାମୁଣ୍ଡା ଗ୍ରାମରେ ଚହଲା ଖୋଳା ନଯାଇ ଚାରାରୋପଣ ନାଁ'ରେ ଅନ୍ୟ ଗ୍ରାମର କେତେକଙ୍କ ଜବ୍ କାର୍ଡ ରେ ଟଙ୍କା ପକାଇ ଜଣେ ବିଭାଗୀୟ କର୍ମଚାରୀ ବୁର୍ଡାବାହାଲର ସୌକିଲାଲ ସାହୁଙ୍କ ଦ୍ବାରା ଏହା ଉଠାଣ କରାଯାଇ ବାଟମାରଣା କରାଯାଇଥିବା ପ୍ରକାଶ ପାଇଛି । ସବୁଠାରୁ ଆଶ୍ଚର୍ଯ୍ୟର ବିଷୟ ଯେ ସେ ମଧ୍ୟ ଏହି ଦୁର୍ନୀତିକୁ ସ୍ବୀକାର କରିଥିବା ପ୍ରକାଶ  ! ଏଥରୁ ଏହି କର୍ମଚାରୀମାନେ କେତେ ନିରଙ୍କୁଶ , ଏଥିରୁ ପ୍ରମାଣିତ  ! ଉଲ୍ଲେଖନୀୟ ଯେ , ଏହି ବିଭାଗର ପ୍ରକଳ୍ପ ନିର୍ଦ୍ଦେଶକ , ଯେ କି ପଡୋଶୀ ନୂଆପଡା ଜିଲ୍ଲାର ଦାୟିତ୍ୱରେ ମଧ୍ୟ ଅଛନ୍ତି , ମହୀତୋଷ ଦାଶ ଏକ ଅନୌପଚାରିକ ଆଲୋଚନାବେଳେ ତାଙ୍କ ବଲାଙ୍ଗୀର ଅଫିସ୍ ରେ ଆମ ପ୍ରତିନିଧିଙ୍କ ଆଗରେ ' ମାଡାମ୍ ତାଙ୍କୁ ଭଲପାଆନ୍ତି ବୋଲି ବାହାଦୂରୀ ମାରିଥିଲେ । ଓଡିଶା ରାଜ୍ୟ ଶାସନରେ ଏହି ମାଡାମ୍ ଜଣକ କିଏ , ଏକଥା ବୁଝାଇବାକୁ ପଡିବନି  ! ତେଣୁ ବଲାଙ୍ଗୀର ଜିଲ୍ଲାରେ ଗତବର୍ଷ ଏହି ବିଭାଗରେ ମନରେଗା ଫାର୍ମପଣ୍ଡ୍ ଯୋଜନାରେ ୬ . ୦ ୨ କୋଟି ଟଙ୍କା ଖର୍ଚ୍ଚ ଦର୍ଶାଯାଇଥିବା ଓ ପୂର୍ବବର୍ଷମାନଙ୍କରେ ଓ ଅନ୍ୟାନ୍ୟ ଜିଲ୍ଲାରେ ଏହି ପରିମାଣ ବା ଏଥିରୁ କେତେ ବାଟମାରଣା କରାଯାଇ ଆସୁଛି ଏବଂ ଏହି ଅଧିକାରୀ ବନାମ କର୍ମଚାରୀଙ୍କ ଦୁଃସାହସ କେତେ , ଅନୁମେୟ  !

ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଲା , ଏହି ଜାତୀୟ ଯୋଜନାରେ  ବଲାଙ୍ଗୀର , ନୂଆପଡା ପରି ଦାଦନପ୍ରବଣ ଜିଲ୍ଲାରେ ଏଭଳି ଜାଲିଆତିରେ ମିଥ୍ୟାଶ୍ରମଦିବସ ଓ  ଜାଲ୍ ଶ୍ରମିକଙ୍କ ନାଁ'ରେ କୋଟି କୋଟି ମନରେଗା ମଜୁରୀ ହଡପର ଚେର ତଳୁ ଉପର ପର୍ଯ୍ୟନ୍ତ ଲମ୍ବିଛି  ! 

ଆଉ ଏକ କଥାହେଉଛି , ମୃତ୍ତିକା ସଂରକ୍ଷଣ ବିଭାଗ ବନାମ ଜଳଛାୟା ପ୍ରକଳ୍ପର ଅଫିସ୍ ରେ କେହି ରହନ୍ତିନାଇଁ । ନାମମାତ୍ର ଅଫିସ୍ ଚାଲେ ଓ ଏହାର ଅଧିକାରୀଙ୍କଠୁଁ କର୍ମଚାରୀଙ୍କ ପର୍ଯ୍ୟନ୍ତ ସମସ୍ତେ ଚାଷୀ ଓ ଭଡା ଜବ୍ କାର୍ଡ ସଂଗ୍ରହ କରି ଜେସିବିରେ ମିଟିଖୋଳିବା ପରି ଯାବତୀୟ ଦୁର୍ନୀତିରେ ଜଡିତ । ସରକାର ଏହା ଜାଣୁଥିଲେ ହେଁ , ନୀରବ କାହିଁକି ଜଣାପଡୁନାହିଁ  !