28-Oct-2022

ବଲାଙ୍ଗୀର(ସନ୍ତୋଷ କୁମାର ଠାକୁର) :- ରାଜ୍ୟରେ ଧନ୍ଦାମୂଳକ ଶିକ୍ଷା ବିଗତ ୨୦୧୬ ରୁ ଆରମ୍ଭ ହୋଇ ୬ ବର୍ଷ ନିର୍ଦ୍ଵନ୍ଦରେ ପୂର୍ଣ୍ଣ ହୋଇଛି । ଦୁର୍ଭାଗ୍ୟର ବିଷୟ ଏହି ବିଭାଗରେ ନିଯୁକ୍ତି ପାଇଥିବା ୨୦୦୦ ଭୋକେଶନାଲ ଟ୍ରେନର୍ସ୍ ଏଭଳି ମହଙ୍ଗା ଯୁଗରେ ସେହି ସମାନ ଦରମାରେ କାମ କରି ଆସୁଛନ୍ତି ।ଦୁଇ ଦୁଇ ଥର ସରକାର ଙ୍କୁ ଜଣାଇଥିଲେ ମଧ୍ୟ ଏପର୍ଯ୍ୟନ୍ତ ସରକାର ନିରାଶ କରି ପ୍ରଶିକ୍ଷକ ପ୍ରଶିକ୍ଷିକା ମାନଙ୍କର ଧର୍ଯ୍ୟ ପରୀକ୍ଷା କରୁଛନ୍ତି ।କିଛିଦିନ ତଳେ ସରକାର ଠିକା ନିଯୁକ୍ତି ପ୍ରଥା ଉଚ୍ଛେଦ କଲେ କିନ୍ତୁ ଧନ୍ଦାମୂଳକ ଶିକ୍ଷକ ଙ୍କ ପ୍ରତି ବୈମାତୃକ ମନୋଭାବ ପୋଷଣ କଲେ ।ଗୁରୁତ୍ୱପୂର୍ଣ୍ଣ ବିଷୟ ,ଏହି ବିଭାଗରେ କାର୍ଯ୍ୟରତ ୨୦୦୦ ଧନ୍ଦାମୂଳକ ଶିକ୍ଷକ ଙ୍କୁ ଏଯାବତ୍ ଚାକିରି ସୁରକ୍ଷା ମିଳି ପାରି ନାହିଁ।ସରକାର ବିଭିନ୍ନ ଠିକା ସଂସ୍ଥା କୁ ସଂପୂର୍ଣ୍ଣ ଏହି ବିଭାଗକୁ ଟେକି ଦେଇ କିଛି ନ ଜାଣିଲା ଭଳି ଅଭିନୟ କରୁଥିବା ବିଷୟ କୁ ନିନ୍ଦା କରାଯାଇଛି ।ତେବେ ସରକାରଙ୍କ ଟାଳଟୁଳ ନୀତି ଯୋଗୁ ଧନ୍ଦାମୂଳକ ପ୍ରଶିକ୍ଷକ ମାନେ ନିଜ ନିଜ କର୍ମସ୍ଥଳୀ ରେ ସଂକଳ୍ପ ନେବା ସହ ସରକାର ଙ୍କ ବୈମାତୃକ ମନୋଭାବ କୁ ବିରୋଧ ପୂର୍ବକ ଆଗାମୀ ମହା ଆନ୍ଦୋଳନ ରେ ସାମିଲ ହେବା ପାଇଁ ସଂକଳ୍ପବଦ୍ଧ ହୋଇଛନ୍ତି । ଆସନ୍ତା ଅକ୍ଟୋବର ୩୧ ତାରିଖରେ ହେବାକୁ ଥିବା ବିଶାଳ ଗଣ ଆନ୍ଦୋଳନ ପାଇଁ ସଂଘ ତରଫରୁ ରାଜ୍ୟ ସଭାପତି ସୁନିଲ କୁମାର ଦେବତା ଏବଂ ସମ୍ପାଦକ ଶେଖ୍ ବେଲାଳୁଦ୍ଦିନ ସୂଚନା ଦେବା ସହ ସରକାରଙ୍କୁ ଚରମ ଚେତାବନୀ ଦେଇଛନ୍ତି।