28-Oct-2022

ବିନିକା(ହିମାଂଶୁ ଶେଖର ପୁଟେଲ) ରାଜ୍ୟ ନବୀନ ସରକାରଙ୍କ ଲୋକପ୍ରିୟତା,ବିଭିନ୍ନ ଜନକଲ୍ୟାଣ କାର୍ଯ୍ୟକ୍ରମ ଓ ବିନିକା ବ୍ଳକ ଅଞ୍ଚଳର ବିଭିନ୍ନ ଗ୍ରାମରେ ଚାଲିଥିବା ଜନହିତକର  କାର୍ଯ୍ୟକୁ ଲୋକଙ୍କ ପାଖରେ ପହଞ୍ଚାଇବା ସହ ବିଜେଡ଼ି ଦଳର ନୀତି ଆଦର୍ଶରେ ସବୁ ବର୍ଗର ଲୋକଙ୍କୁ ସାମିଲ କରିବା ନେଇ ଗୁରୁବାର ବିଜେଡ଼ିର ତୃତୀୟ ପର୍ଯ୍ୟାୟ ପଦଯାତ୍ରା ବିନିକା ୨ନଂ ଜିଲ୍ଲାପରିଷଦ ଜୋନ ମହାଦେବ ପାଲି ପଞ୍ଚାୟତରେ ଅନୁଷ୍ଠିତ ହୋଇଥିଲା । ବିନିକା ବ୍ଳକ ବିଜେଡ଼ି ସଭାପତି ଦ୍ବାରିକାନାଥ ସାହୁ ଙ୍କ ତତ୍ତ୍ଵାବଧାନରେ ଅନୁଷ୍ଟିତ ଏହି ପଦଯାତ୍ରାରେ ମାନ୍ୟବର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଭାବେ ଯୋଗଦେଇଥିଲେ  । ପଦଯାତ୍ରା ଅଙ୍ଗ ନଦୀ କୂଳରେ ଥିବା ପଣ୍ଡକିଟାଲ ଗ୍ରାମରୁ ଆରମ୍ଭ ହୋଇ ଦେହେରୀ ଗୁଠ,ଘୋଡାଧାର,ସଂସମୁରା,କର୍ତଙ୍ଗ, ମହାଦେବ ପାଲି,ପ୍ରଧାନ ପାଲି ଅତିକ୍ରମ କରିଥିଲା ।ଏହି ଅବସରରେ ଗ୍ରାମବାସୀଙ୍କ ତରଫରୁ ଆୟୋଜିତ ସଭାରେ ବିଧାୟକ ଶ୍ରୀ ବେହେରା ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ଉପରେ ଲୋକଙ୍କୁ ଅବଗତ କରିବା ସହ ଦଳର ନୀତି ଆଦର୍ଶରେ ଅନୁପ୍ରାଣିତ ହେବାକୁ ଲୋକଙ୍କୁ ସଚେତନ କରିଥିଲେ l  ଅନୁଷ୍ଟିତ ଏହି ପଦଯାତ୍ରାରେ ସୁବର୍ଣ୍ଣପୁର ଜିଲ୍ଲା ବିଜେଡ଼ି ଯୁବ ସଭାପତି ତଥା ପୂର୍ବତନ ବ୍ଳକ ଅଧ୍ୟକ୍ଷ ଅଶୋକ କୁମାର ନନ୍ଦ,ଜିଲ୍ଲାପରିଷଦ ସଦସ୍ୟ ବଶିଷ୍ଠ ଭରା ସାଗର,  ବିନିକା ନଗର ସଭାପତି ସୋମନାଥ ମିଶ୍ର,ନଗରପାଳ ସୁବାସ ଚନ୍ଦ୍ର ଭୋଇ,ବ୍ଳକ ଉପାଧ୍ୟକ୍ଷ ନିର୍ମଳ ଷାଣ୍ଡ,ବ୍ଳକ ସମ୍ପାଦକ ଟଙ୍କଧର ମେଲ୍ଲି,ଦାଶରଥି ନନ୍ଦ,ବିହାରୀ ଲାଲ ମିଶ୍ର,ଦଶରଥ ପ୍ରଧାନ,ମନୋରଞ୍ଜନ ପ୍ରଧାନ,ମହେଶ୍ୱର ପ୍ରଧାନ,ରବି ଦାସ,ସୁରେଶ ପୂଜାରୀ,ପ୍ରଶାନ୍ତ ପୂଜାରୀ,ପବିତ୍ର ନାୟକ,ବ୍ରହ୍ମାନନ୍ଦ ପୂଜାରୀ,ମନୋଜ ପୂଜାରୀ,କେଦାର ପଣ୍ଡା,ପୀତବାସ ମେହେର ପ୍ରମୁଖଙ୍କ ସମେତ ଶତାଧିକ କର୍ମୀ ସାମିଲ ହୋଇଥିଲେ ।