20-Oct-2022

ସମ୍ବଲପୁର,: ସମ୍ବଲପୁର ସହରରେ ଦିନକୁ ଦିନ ବଢିଚାଲିଥିବା ଜନସଂଖ୍ୟା ଓ ଯାନବାହନକୁ ଦୃଷ୍ଟିରେ ରଖି ସହର ମଧ୍ୟରେ ଥିବା ମୁଖ୍ୟ ସଡ଼କ କଚେରୀ ଛକ - ଧୁଚୁରାପଡ଼ା ଉପରେ ନିର୍ମିତ ଫ୍ଲାଏଓଭର ବ୍ରିଜ୍ ଆସନ୍ତା ୨୧ ତାରିଖ ଶୁକ୍ରବାର ଉଦଘାଟିତ ହେବ I ପ୍ରଶାସନ ପକ୍ଷରୁ ଏନେଇ ପ୍ରସ୍ତୁତି ଜୋରସୋରରେ ଚାଲିଛି I ତେବେ ୨୦୧୬ ମସିହାରେ ଏହାର ନିର୍ମାଣ କାର୍ଯ୍ୟ ଆରମ୍ଭ ହୋଇଥିବା ବେଳେ  ଦୀର୍ଘ ୬ ବର୍ଷ ପରେ ଏହା ଉଦଘାଟିତ ହେବ I ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବହୁ ପ୍ରତିକ୍ଷୀତ ଏହି ଫ୍ଲାଏଓଭର ବ୍ରିଜ୍ କୁ ଭିଡିଓ କନଫ୍ରେସିଂ ଜରିଆରେ ରାଜଧାନୀ ଭୁବନେଶ୍ୱରରୁ ଉଦ୍ଘାଟନ କରିବେ ବୋଲି ଜଣାଯାଇଛି I ଏହି ଫ୍ଲାଏଓଭର ୨୦୧୬ ମସିହା ଫେବୃଆରୀରୁ ଆରମ୍ଭ ହୋଥିବାବେଳେ ୨୦୧୭ ମଇ ମାସ ସୁଦ୍ଧା ଏହାର କାମ ସାରିବାକୁ ସରକାରୀ ନିର୍ଦ୍ଦେଶ ଥିଲା I ପ୍ରଥମେ ଏହାର ବ୍ୟୟ ଅଟକଳ ଥିଲା ୬୩ କୋଟି ୩୮ ଲକ୍ଷ ଟଙ୍କା ଥିଲା I ଏହା ପରେ ୩ ଥର ଏହାର ମୂଳ ଡିଜାଇନକୁ ପରିବର୍ତ୍ତନ କରି ବ୍ୟୟ ଅଟକଳକୁ ୧୪୩  କୋଟି କରାଯାଇଥିଲା I ପ୍ରଥମେ ଏହାର ଦୀର୍ଘତା ୧୫୪୦ ମିଟର ଥିବା ବେଳେ ପରବର୍ତ୍ତୀ ସମୟରେ ଏହାର ୧୮୮୦ ମିଟର ଲମ୍ବା କରାଯିବ ବୋଲି ନିଷ୍ପତ୍ତି କରାଯାଇଥିଲା I

(ସମ୍ବଲପୁର ରୁ ସଂଜୀବ ପାଣିଗ୍ରାହୀଙ୍କ  ରିପୋର୍ଟ୍)