30-Nov-2020

ବଲାଙ୍ଗିର, (ପ୍ରେରଣା ଖବର) - ବଲାଙ୍ଗିର-ତୁଷୁରା ରାସ୍ତାର ଡଙ୍ଗାପଥର ଗାଁ ନିକଟରେ ବାଇକକୁ ସାମ୍ନା ପଟରୁ ଧକ୍କାଦେଲା କ୍ରେନ । ଯାହା ଫଳରେ ବାଇକରେ ଥିବା ତିନି ଯୁବକଙ୍କ ମଧ୍ୟରୁ ଜଣକର ମୃତ୍ୟୁ ହୋଇଥିବା ବେଲେ ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି । ଗୁରୁତର ଯୁବକ ମାନଙ୍କୁ ବଲାଙ୍ଗିର ଭୀମ ଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି । ମୃତ ଯୁବକ ଜଣକ ବଲାଙ୍ଗିର ସହର ସାଗରପଡାର ହେମନ୍ତ ମନହୀରା ବୋଲି ଜଣା ପଡିଛି । ବଲାଙ୍ଗିର ସହରର ତିନି ଯୁବକ ତୁଷୁରା ନିକଟରେ ଥିବା ଉଡାଜାହାଜ ପଡିଆ ନିକଟରେ ରଂଗ କାମ କରି ଫେରୁଥିବା ସମୟରେ କ୍ରେନ ଧକ୍କା ଦେଇଥିଲା । ଏବେ ବି ମୃତ ଯୁବକଙ୍କ ଶବ କ୍ରେନ ତଲେ ଚାପି ହୋଇ ପଡିରହିଛି । କ୍ରେନର ମାଳିକ ଆସି ଥିବାରୁ କ୍ଷତିପୂରଣ ଦାବୀରେ ରାସ୍ତା ରୋକ କରୁଛନ୍ତି ସ୍ଥାନୀୟ ଲୋକେ । ସେପଟେ ଦେଓଗାଁ ଓ ତୁଷୁରା ପୋଲିସ ଘଟଣାସ୍ଥଳରେ ପହଚିଂ ଆନ୍ଦୋଳନକାରୀଙ୍କ ସହିତ ଆଲୋଚନା ଜାରୀ ରଖିଛନ୍ତି ।