15-Oct-2022

ପୁରୀ(ପ୍ରେରଣା ଖବର ବ୍ୟୁରୋ)   ୨୦୨୪ ନିର୍ବାଚନ ପାଖେଇ ଆସୁଛି । ଏବେଠୁ ନିର୍ବାଚନ ଉଷ୍ମତା ଦେଖା ଦେଇଛି । ନବୀନ ମାଲା ଜପୁ ଛନ୍ତି ତାଙ୍କ ଶରଣାର୍ଥୀ । ଭଜ ଗୋବିନ୍ଦ ନୁହଁ,ଭଜ ନବୀନ ଅଟେ । ଓଡ଼ିଶାର ପ୍ରତି ଜଳବିନ୍ଦୁ ରେ ନବୀନ ,ନବୀନ ଶବ୍ଦ ପ୍ରତିଧ୍ଵନି ହେଉଥିବା ଲୋକଙ୍କ ମଧ୍ୟରେ ଚର୍ଚ୍ଚା ହେଉଛି ।ଜଗନ୍ନାଥ ଙ୍କ ଡୋରି ଲାଗିଲେ ଜଗନ୍ନାଥ ଦର୍ଶନ ମିଳେ । କିନ୍ତୁ ପୁରୀ ଶ୍ରୀମନ୍ଦିର ରେ ମଧ୍ୟ ନବୀନ ପ୍ରଭାବ ପଡିଛି।ଯାହା ଗଳାରେ ନବୀନ ବାବୁ ଙ୍କ ମାଳା ସେ ନିର୍ଦ୍ଵନ୍ଦରେ ମନ୍ଦିର ଭିତରେ ଯେତେ ଭିଡ଼ ଥିଲେ ମଧ୍ୟ ପ୍ରବେଶ କରି ପାରିବେ । ସାମ୍ବାଦିକ ମାନେ ନିଜ ପରିଚୟ ଦେଇ ଜଗନ୍ନାଥ ଙ୍କୁ ଦର୍ଶନ କରିବା ପାଇଁ କହିଥିଲେ ସୁଦ୍ଧା ସେଠାରେ ଥିବା ପୋଲିସ ମାନେ ନବୀନ ପଟ୍ଟା ନ ଦେଖିଲେ ଛାଡ଼ିବେ ନାହିଁ କାହିଁକି ନା ସି ସି ଟି ଭି ଲାଗିଛି ,ନବୀନ ଜଗିଛି । ଚାକିରି ଚାଲିଯିବ ।କାର୍ତ୍ତିକ ମାସରେ ମନ୍ଦିର ଭାରି ଭିଡ଼ । ହବିଷ ପାଳନ କରୁଥିବା ମାଁ ମାନେ ଜଗନ୍ନାଥ ଙ୍କୁ ଦର୍ଶନ କରିବା ପାଇଁ ସେଠାରେ କାର୍ଯ୍ୟରତ ଥିବା ପୋଲିସ ମାନଙ୍କୁ ନେହୁରା ହୋଇ କହିଥିଲେ ମଧ୍ୟ ,ନବୀନ ପଟ୍ଟା ନ ଦେଖିଲେ ଛାଡ଼ିବା ପାଇଁ ମନା କରିଦେଇଥିଲେ । ବାୟସାଧିକ ହୋଇଥିବାରୁ ଲମ୍ବା ଲାଇନ୍ ରେ ଛିଡ଼ା ହୋଇ ରହିବା କଷ୍ଟକର ।ଏଣୁ ଜଗନ୍ନାଥ ଙ୍କ ଦର୍ଶନ ସାରି ସେମାନେ ବାକି ନିତ୍ୟକର୍ମ କରିବେ ।ଆଶର୍ଯ୍ୟ ର ବିଷୟ ନବୀନ ମନ୍ତ୍ର ଜଗନ୍ନାଥ ମନ୍ତ୍ର ଠୁ ବଳୀୟାନ ବୋଲି ପୁରୀ ମନ୍ଦିର ଭିତରେ ଚର୍ଚ୍ଚା ଜୋର୍ ହେଉଛି ।