15-Oct-2022

କଳାହାଣ୍ଡି,କୋକସରା(ତ୍ରିନାଥ ବେଶ୍ରl)
ବିଶ୍ୱ ନିୟନ୍ତା ମହାପ୍ରଭୁ ଶ୍ରୀ ବୁଢ଼ାରଜା ଙ୍କ ଦଶହରା କାହିଁ କେତେ କାଳରୁ କଳାହାଣ୍ଡି ଜିଲ୍ଲା କୋକସରା ବ୍ଲକ  ଆମପାଣି ଗ୍ରାମରେ  ଆମପାଣି ଓ ପଡୋଶୀ ଜ଼ିଲ୍ଲା ନବରଙ୍ଗପୁର ସୀମାରେ ଥିବା ଘାଟି ଉପରେ ଶ୍ରୀ ଶ୍ରୀ ମହାପ୍ରଭୁ ବୁଢାରଜା ପୂଜା ପାଇ ଆସୁଛନ୍ତି |ଦଶହରା ସମୟରେ କଳାହାଣ୍ଡି ଜ଼ିଲ୍ଲାରେ ଥିବା ସର୍ବ ଦେବାଦେବି ଙ୍କ  ଦଶହରା ପୂଜା ସରିଲା ପରେ କାର୍ତ୍ତିକ ମାସର କୃଷ୍ଣପକ୍ଷ  ତୃତୀୟା ଦିନ ମହାପ୍ରଭୁ ବୁଢା ରଜା ଙ୍କ ଦଶହରା ପର୍ବ ପାଳନ କରାଯାଏ| ଆମପାଣି ଘାଟି ଉପରେ ପ୍ରଭୁ ବୁଢାରଜା ଙ୍କ ଅବତାର ହେଲା ଦିନଠାରୁ ଲକ୍ଷ୍ୟାଧିକ ଭକ୍ତଙ୍କ ସମାଗମରେ ବେଶ ଆଡମ୍ବର ସହିତ ଧୁମ୍ ଧାମରେ ପାଳନ ହୋଇଛି |

ଦୀର୍ଘ ଦୁଇ ବର୍ଷରେ  ଭୟଙ୍କାରୀ ରୂପରେ କରୋନାର କୁପ୍ରଭାବ ଲୋକଙ୍କୁ ମହାମାରୀ ରୂପରେ ରୋଗ କ୍ରାନ୍ତ କରୁଥିବାଯୋଗୁଁ ପ୍ରଭୁ ବୁଢା ରଜାଙ୍କ ଦଶହରା ପର୍ବରେ ବିନା ଭକ୍ତରେ ପାଳିତ ହେଉ ଥିଲା |ଯାହାକୁ ନେଇ ବୁଢାରଜା ଙ୍କ ଦର୍ଶନ ପାଉ ନ ଥିବା ଯୋଗୁଁ ଭକ୍ତ ମହଲରେ ଆଖିରୁ ପାଣି ଝରି ମନ ଦୁଃଖରେ ରହି ଆସିଥିଲା |ଏବର୍ଷ କୋରାନାର କୋହଳ ହୋଇ ଥିବା ଯୋଗୁଁ ଲକ୍ଷାଧିକ ଭକ୍ତଙ୍କ ସମାଗମ କୁ ଦୃଷ୍ଟିରେ ରଖି କଳାହାଣ୍ଡି ଜ଼ିଲ୍ଲା ପ୍ରଶାସନ ଓ ଜ଼ିଲ୍ଲା ପୋଲିସ  ତରଫରୁ ଶାନ୍ତି ଶୃଙ୍ଖଲା ପାଇଁ ସଜାଗ କରାଯାଇଛି |ଏବର୍ଷ ପ୍ରଭୁ ବୁଢାରଜା ଙ୍କ ଦଶହରା ରେ ବୁଢାରଜା ଙ୍କ ଦର୍ଶନ ପାଇବା ନିମନ୍ତେ ବହୁ ଭକ୍ତଙ୍କ ସମାଗମ ଦେଖିବାକୁ ମିଳିଥିଲା |ଏହି ଦଶହରା ପର୍ବ ଶନିବାର ଦିନ ପାଳିତ ହୋଇ ଯାଇଛି | ଆଜି ମଧ୍ୟାହ୍ନ ୧୨ ଘଣ୍ଟା ପରେ ବୁଢାରଜା ଙ୍କ ମୁଖ୍ୟ ପୂଜକ ଫକୀର ମୋହନ ପୂଝାରୀ ଙ୍କ ଘରୁ ଲାଠି, କଳସୀ ବାହାରି ବାଜା, ନାଗରା, ମହୁରୀ, ଶଙ୍ଖ,ଘଣ୍ଟ ଧୁନି ସହିତ ଘୁମୁରା ଓ ନାଗରା ର ତାଳେ ତାଳେ ମହାପ୍ରଭୁ ବୁଢା ରଜାଙ୍କ ଲାଠି ମନ୍ଦିରରେ ପହଂଚି ଵିଧି ଅନୁସାରେ ପୂଜା କରାଯାଇ ଥିବା ଦେଖିବାକୁ ମିଳିଥିଲା |ଆଜି ଦୁଇ ବର୍ଷପରେ ଭକ୍ତ ମାନେ ପ୍ରଭୁଙ୍କ ଦର୍ଶନ  ପାଇ ବହୁତ ଆନନ୍ଦିତରେ ଜୟ ପ୍ରଭୁ ବୁଢାରଜା ଉଚ୍ଚାରଣ ସହ ଘଣ୍ଟ, ଶଙ୍ଖରେ  ପ୍ରକମ୍ପିତ ରେ ନିଜକୁ ଧନ୍ୟ ମନେ କରି ତାଙ୍କରି କୃପା ଲାଭ କରିଥିଲେ |ବହୁଜନ ସମାଗମ କୁ ଦୃଷ୍ଟିରେ ରଖି ପୋଲିସ ପ୍ରଶାସନ ତରଫରୁ କଡା ସୁରକ୍ଷା ଦିଆ ଯାଇଥିଲା |ସମସ୍ତ ବିଧି ବିଧାନ ଅନୁସାରେ   ପୁଜା କାର୍ଯ୍ୟ ସମାପନ ହୋଇ ଥିଲା lଦଶହରା ରେ ଉପଭୋଗ ପାଇଁ ନବରଙ୍ଗପୁର ଜିଲ୍ଲା ଓ ପଡୋଶୀ ରାଜ୍ୟ ଛତିଶଗଡ଼ ଥିବାରୁ  ଏଠାରେ ଭକ୍ତଙ୍କ ଯାତ୍ରା ଦେଖିବା ପାଇଁ ବହୁ ସମାଗମରେ ମନ୍ଦିର ପ୍ରାଙ୍ଗଣର ଉଛୁଳି ପଡିଥିଲା l  ଏଠାରେ ନାଟକ,ଘୁମୁରା,ମିନା  ବଜାରରେ ଭକ୍ତମାନେ ବେଶ୍ ଯାତ୍ରା ଦେଖି ଆନନ୍ଦ ନେଇ ଖୁସି ମନାଇ ଥିଲେ |