14-Oct-2022

ବରଗଡ:-ବରଗଡ ଜିଲ୍ଲା ବିଜେପୁର ମହାବିଦ୍ୟାଳୟ ଠାରେ ବରଗଡ଼ ନେହେରୁ ଯୁବକେନ୍ଦ୍ର ଓ ବିଜେପୁର ମହାବିଦ୍ୟାଳୟ ଆନୁକୂଲ୍ୟରେ ବୃକ୍ଷରୋପଣ ଏବଂ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀମାନ ପ୍ରଦୀପ କୁମାର ମିଶ୍ର ଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ନେହେରୁ ଯୁବକେନ୍ଦ୍ର ର ଅଧିକାରୀ ଶ୍ରୀ ରୋଶନ ଟଣ୍ଡନ୍ ମୁଖ୍ୟଅତିଥି,ଯୁବକେନ୍ଦ୍ର ର ଉପଦେଷ୍ଟା ଶ୍ରୀଯୁକ୍ତ ଶତପଥି ସାର,ସମ୍ମାନୀତ ଅତିଥିଭାବେ ଜିଲ୍ଲା ଯୁବ ଓ କ୍ରିଡ଼ା ଅଧିକାରୀ ଶ୍ରୀଯୁକ୍ତ ମିଶ୍ର ସାର ଓ ମୁଖ୍ୟବକ୍ତା ଭାବେ ପ୍ରକୃତିବନ୍ଧୁ ମୀନକେତନ ସାହୁ ଯୋଗଦାନ କରି ଛାତ୍ରଛାତ୍ରୀ ମାନଙ୍କୁ ପରିବେଶ,ଜଳବାୟୁ ନିୟନ୍ତ୍ରଣ,ସ୍ୱଚ୍ଛ ଭାରତ,ନାରୀ ସଶକ୍ତିକରଣ ଆଦି ଅନେକ ବିଷୟରେ ଦୂରଦୃଷ୍ଟି ସଂପନ୍ନ ବକ୍ତବ୍ୟ ପ୍ରଦାନ କରିଥିଲେ ।ସଭା ସଂଯୋଜକ ଭାବେ ଇତିହାସ ବିଭାଗର ଅଧ୍ୟାପକ ନୀଳାଞ୍ଚଳ ବାରିକ ସଭାକାର୍ଯ୍ୟ ପରିଚାଳନା କରିଥିବାବେଳେ,ଇଂରାଜୀ ବିଭାଗ ର ଅଧ୍ୟାପିକା ଶ୍ରୀମତୀ ପ୍ରତୀକ୍ଷା ସେଠ୍ ଧନ୍ୟବାଦ ଅର୍ପଣ କରିଥିଲେ ।ସଭାକାର୍ଯ୍ୟ ସମାପ୍ତି ପରେ କଲେଜ ପରିସରରେ ସଫେଇ କାର୍ଯ୍ୟ ଅନୁଷ୍ଠିତ ହେବା ସହିତ ପ୍ରତ୍ୟକ ଛାତ୍ରଛାତ୍ରୀ ମାନଙ୍କୁ ଗୋଟାଏ ଲେଖାଏଁ ଚାରା ବଣ୍ଟନ କରାଯାଇଥିଲା ।ଏହି ସଭାକାର୍ଯ୍ୟରେ ମହେନ୍ଦ୍ର ପ୍ରଧାନ,ରେବନ୍ତ କୁମାର ମେହେର,ସୁରେଶରାମ ମେହେର,ଅମୁଲ୍ୟନିଧି ପ୍ରଧାନ,ସରୋଜ କୁମାର ପାଣିଗ୍ରାହୀ,ଡ.ଚିନ୍ମୟ ସାହୁ,ଦିନେଶ ଅଗ୍ରୱାଲା,ମାନସୀ ମହାରଣା,ଅନୀମା କର୍ମୀ,ଅନୁପମା ପଧାନ,ପୂଜା ପଧାନ ପ୍ରମୁଖ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଉପସ୍ଥିତ ରହି ସଭାକାର୍ଯ୍ୟଟିକୁ ସାଫଲ୍ୟ ମଣ୍ଡିତ କରିଥିଲେ ।