14-Oct-2022

ବିନିକା(ହିମାଂଶୁ ଶେଖର ପୁଟେଲ)ପ୍ରଥମ କରି ପାଦ ପକାଇଥିବା ବିନିକା ବ୍ଳକ ଅନ୍ତର୍ଗତ ବାଉଁଶୁଣି ଶ୍ରୀଜଗନ୍ନାଥ ଉଚ୍ଚ ମାଧ୍ୟମିକ ବିଦ୍ୟାଳୟ ଛାତ୍ରଛାତ୍ରୀ ମାନଙ୍କୁ ଆଜି କଲେଜ ତରଫରୁ ସ୍ଵାଗତ ସମ୍ବର୍ଦ୍ଧନା ଦିଆଯାଇଥିଲା । ଏହି ଅବସରରେ ଆୟୋଜିତ ସଭାରେ ଅଧ୍ୟକ୍ଷ ବନ ବିହାରୀ ମିଶ୍ର ଅଧ୍ୟକ୍ଷତା କରି ନୂଆଁକରି ଯୋଗଦାନ କରିଥିବା ସମସ୍ତ ଛାତ୍ରଛାତ୍ରୀ ମାନଙ୍କୁ ନିୟମିତ ଆସି ଶିକ୍ଷା ଗ୍ରହଣ କରିବା,ସମୟାନୁବର୍ତିତା ଅବଲମ୍ବନ,ଶାନ୍ତି ଶୃଙ୍ଖଳା ରକ୍ଷା କରିବା ଆଦି ଦିଗରେ ପରାମର୍ଶ ଦେଇଥିଲେ ।ଏଥିରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା,ସମ୍ମାନିତ ଅତିଥି ଭାବେ ବିନିକା ବ୍ଳକ ପୂର୍ବତନ ଅଧ୍ୟକ୍ଷ ଅଶୋକ ନନ୍ଦ,ଉପାଧ୍ୟକ୍ଷ ନିର୍ମଳ ଷାଣ୍ଡ,ସରପଞ୍ଚ ରୀନା ମହଲା ଯୋଗଦେଇ ଛାତ୍ରଛାତ୍ରୀଙ୍କ ଭବିଷ୍ୟତ କ୍ୟାରିଅର ଉଜ୍ଜଳମୟ ହେଉ ବୋଲି କହିଥିଲେ । ଏହି ଅବସରରେ ପୂର୍ବରୁ ଅଧ୍ୟକ୍ଷଙ୍କ ତରଫରୁ ହୋଇଥିବା କାଉନସିଲିଙ୍ଗ ପରୀକ୍ଷାରେ ସର୍ବୋଚ୍ଚ ନଂ ରଖିଥିବା ଛାତ୍ରୀ ସୁମନ ସୁଚରିତା ହୋତାଙ୍କୁ ପ୍ରଥମ ପୁରସ୍କାର ୩ହଜାର ଟଙ୍କା,ଦ୍ଵିତୀୟ ଜୈଲେନ୍ଦ୍ରି ବାରିକଙ୍କୁ ୨ହଜାର,ତୃତୀୟ ପ୍ରାଚୀମୟୀ ହୋତାଙ୍କୁ ୧ହଜାର ଟଙ୍କା ପ୍ରଦାନ କରାଯାଇଥିଲା ।ଅନୁଷ୍ଟିତ ଏହି କାର୍ଯ୍ୟକ୍ରମ ପରିଚାଳନାରେ ଅଧ୍ୟାପକ ରାଜେଶ ପଟ୍ଟନାୟକ,ରଞ୍ଜନ ମହଲା, ଶିବଦତ୍ତ ପଣ୍ଡା,ବିଶେଶ୍ୱର ଗୁରୁ, ଗ୍ରନ୍ଥାକାରିକ ହରିବୋଲ ସା,ଶାନ୍ତନୁ ସାହୁ ପ୍ରମୁଖ ସହଯୋଗ କରିଥିଲେ ।