06-Oct-2022

ବଲାଙ୍ଗୀର, ଗତ ୨ଠ୨୧ ଖରିପ ଋତୁରେ ବଲାଙ୍ଗୀର ଜିଲ୍ଲାର ୨ଠ୭ଟି ପଂଚାୟତର ଚାଷୀ ମାନେ ପ୍ରଧାନମନ୍ତ୍ରୀ ଫସଲ ବୀମା  ଯୋଜନାରେ କୃଷି ବୀମା ପାଇଁ ଆବେଦେନ କରିଥିଲେ । ତେବେ ଦୁଇ ବର୍ଷ ବିତିଯାଇଥିଲେ ସୁଦ୍ଧା ଜିଲ୍ଲାର ୯ଠ ଟି ପଂଚାୟତର ଚାଷୀ ମାନଙ୍କୁ ତାଙ୍କର କୃଷି ବୀମା ରାଶି ପ୍ରଦାନ କରାଯାଇ ପାରି ନାହିଁ ।  ପ୍ରଧାନମନ୍ତ୍ରୀ ଫସଲ ବୀମା ଯୋଜନାକୁ କେନ୍ଦ୍ର ସରକାର କିଛି ମୁନାଫାଖୋର ଘରୋଇ କଂପାନୀ ହାତରେ ଟେକି ଦେଇଛନ୍ତି । ଚାଷୀ ମାନଙ୍କ ଏହି ନ୍ୟାର୍ଯ୍ୟ ଦାବି ପୂରଣ ପାଇଁ ଅତିତରେ କୃଷକ ମହାସଂଘ ଅନେକ ଆନ୍ଦୋଳନ କରିଛି ।  ତେବେ ସରକାର ପ୍ରତିଶୃତି ଉପରେ ପ୍ରତିଶୃତି ଦେଇଥିଲେ ମଧ୍ୟ ଚାଷୀ ମାନଙ୍କ  ଦୁଃଖ ପ୍ରତି ଧ୍ୟାନ ଦେଇନାହାନ୍ତି ବୋଲି କୃଷକ ମହାସଂଘ କହିଛି । ସରକାରଙ୍କ ଚାଷୀ ମାରଣ ନୀତି ବିରୁଦ୍ଧରେ ବଲାଙ୍ଗୀର ଜିଲ୍ଲା କୃଷକ ମହାସଂଘ ତୀବ୍ର ଅସନ୍ତୋଷ ପ୍ରକାଶ କରିଛି । ଜିଲ୍ଲାର ୯ଠଟି ପଂଚାୟତର ଚାଷୀ ମାନଙ୍କୁ ତାଙ୍କ ହକ୍ ପ୍ରଦାନ କରା ନ ଗଲେ ଆସନ୍ତା ଅକ୍ଟୋବର ୧୪ ତାରିଖରୁ ଟିଟିଲାଗଡ଼ ରେଳଷ୍ଟେସନ ଠାରେ ରେଳ ରୋକ୍ ଆନ୍ଦୋଳନ କରାଯିବ ବୋଲି ମହାସଂଘ ପକ୍ଷରୁ ଚେତାବନୀ ଦିଯାଇଛି । ଆଜି ଏହି ପରିପ୍ରେକ୍ଷୀ ବଲାଙ୍ଗୀର ଜିଲ୍ଲା କୃଷକ ମହାସଂଘ ପକ୍ଷରୁ ଅନୁଷ୍ଠିତ ଏକ ପ୍ରେସ ମିଟ୍ ରେ ଏହି ସୂଚନା ଦିଆଯାଇଛି । ଆଜି ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ମହାସଂଘର ସଭାପତିଯତି ପ୍ରଧାନ ଓ ସଂପାଦକ ସୌମେନ୍ଦ୍ର ପରିଛା ଉପସ୍ଥିତ ରହି ସରକାରଙ୍କ ଚାଷୀ ମାରଣ ନୀତିକୁ ଘୋର ନିନ୍ଦା କରିଥିଲେ ।