03-Oct-2022

ବଲାଙ୍ଗୀର(ପ୍ରେରଣା ଖବର) ଆଜି ବଲାଙ୍ଗୀର ମୁନିସିପାଲିଟି ଆନ୍ତର୍ଗତ ରେଲୱେ ଷ୍ଟେସନ ରୋଡ ସାଲେପାଲି ଠାରେ ଜଣେ ଲୋକଙ୍କୁ କିଛି ଦୁର୍ବୃତ୍ତ ମରଣାନ୍ତକ ଆକ୍ରମଣ କରିବା ସହ ଟଙ୍କା ଲୁଟ୍ କରିଥିବା ଜଣାପଡିଛି । ସୂଚନାରୁ ପ୍ରକାଶ ଯେ, ଏମ୍‌ଡି ନଉସାଦ ଆଲମ(୪୯) ନାମକ ଜଣେ ବ୍ୟକ୍ତି ସିଲିକନ ଭେଲିରେ ଘର କାମରେ ନିୟୋଜିତ ଥିଲା । ଆଜି ନଉସାଦ ଆଲମ କାମ ସାରି ନିଜ ଘରକୁ ଯାଉଥିବା ସମୟରେ ବାଟରେ କିଛି ଦୃର୍ବୃତ୍ତ ମରଣାନ୍ତକ ଆକ୍ରମଣ କରିବା ସହ ନାଉସାନଙ୍କ ପକେଟରେ ଥିବା ୧୫ ହଜାର ୫୦୦ ଟଙ୍କା ଲୁଟି ନେଇ ଘଟଣାସ୍ଥଳରୁ ଫେରାର୍ ମାରିଥିଲେ । ଆକ୍ରମଣରେ ୍‌ୁରୁତର ଆହାତ ହୋଇଥିବା ନଉସାଦ ବର୍ତ୍ତମାନ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି ।  ଦୁର୍ବୃତ୍ତମାନେ ସାଲେପାଲି ଅଂଚଳର ବୋଲି ପୋଲିସକୁ ଦିଆଯାଇଥିବା ଏଫ୍‌ଆଇଆର୍ ରେ ଉଲ୍ଲେଖ ରହିଛି । ଏ ସଂକ୍ରାନ୍ତରେ ନଉସାଦ ଙ୍କ ପରିବାର ପକ୍ଷରୁ ବଲାଙ୍ଗୀର ଟାଉନଥାନାରେ ଲିଖିତ ଅଭିଯୋଗ କରିଥିଲେ ମଧ୍ୟ ଦୁର୍ବୃତ୍ତ ମାନଙ୍କୁ ପୋଲିସ ଏ ପର୍ଯ୍ୟନ୍ତ ଗିରଫ କରିପାରି ନାହିଁ ।