26-Sep-2022

କଳାହାଣ୍ଡି,କୋକସରା(ତ୍ରିନଥ ବେଶ୍ରା): ନରେଗା ସଂଘର୍ଷ ମୋର୍ଚା ଦ୍ଵାରା ଆହୁତ ନରେଗା ଆଇନକୁ ନେଇ ତିନିଦିନିଆ କାର୍ଯ୍ୟ ଦିବସ ଅଭିଯାନ ଅବସରରେ କଳାହାଣ୍ଡି ଜିଲ୍ଲାର ଶହ ଶହ ନରେଗା ଶ୍ରମିକମାନେ ରାଲି, ସାଧାରଣ ସଭା ରଥ ସାମାଜିକ ଗଣମାଧ୍ୟମକୁ ବ୍ୟବହାର ମାଧ୍ୟମରେ କେନ୍ଦ୍ର ସରକାରଙ୍କ ନରେଗା ଆଇନକୁ ଉଲଂଘନର ବିରୋଧ କରିବା ସହିତ ନରେଗା ପାଇଁ  ପର୍ଯ୍ୟାପ୍ତ ଅର୍ଥ ପ୍ରଦାନ, ଠିକ ସମୟରେ ଦେୟ ଦେବାକୁ ଦାବୀ କରିଥିଲେ । ଓଡିଶା ଶ୍ରମଜୀବୀ ମଞ୍ଚ (OSM)ଏବଂ ମହିଳା ଶ୍ରମଜୀବୀ ମଞ୍ଚ ଓଡିଶା (MSMO)ଙ୍କ ନେତୃତ୍ବରେ ଜିଲ୍ଲା ନାଗରିକ ବିକାଶ  ସଂଗଠନ ପକ୍ଷରୁ ଏହି ତିନି ଦିନିଆ ଅଭିଯାନରେ ଜିଲ୍ଲାପାଳଙ୍କ ମାଧ୍ୟମରେ ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ତଥା ପ୍ରଧାନ ମନ୍ତ୍ରୀଙ୍କ ନିକଟରେ ଏକ ସ୍ମାରକ ପତ୍ର ପ୍ରଦାନ କରିଛନ୍ତି 
ଏହି ଦାବିପତ୍ରରେ ଉଲ୍ଲେଖ କରାଯାଇଛି ଯେ, ନରେଗା ଆଇନର ସଫଳ କାର୍ଯ୍ୟନ୍ବୟନ କରିବା,ବ୍ୟବସ୍ଥିତ ଦୁର୍ନୀତିକୁ ଦୂର କରିବା, ଶ୍ରମିକ ମାନେ ଯେମିତି ଏହି ଆଇନ ଅନ୍ତର୍ଗତ ମୌଳିକ ସୁବିଧା ପାଇପାରିବେ ତାକୁ ସୁନିଶ୍ଚିତ କରିବା ,ଠିକ ସମୟରେ ମଜୁରି ପ୍ରଦାନ କରିବା , ଚାହିଦା ଅନୁଯାୟୀ କାର୍ଯ୍ୟ, ବିଳମ୍ବ ହେଲେ ଦେୟ କ୍ଷତି ପୂରଣ,  ବେକାରି ଭତ୍ତା ଦେବା ପାଇଁ ସରକାର ପ୍ରୟାସ କରିବା ଆବଶ୍ୟକ । 
ଆମର ଦାବୀ ସମୂହ ୭ ରୁ ୧୫ ଦିନ ମଧ୍ୟରେ ଶ୍ରମିକ ମାନଙ୍କର ମଜୁରି ପ୍ରଦାନ ନିଶ୍ଚିତ କରାଯାଉ, ଅଣକୁଶଳୀ ଶ୍ରମିକଙ୍କୁ ସର୍ବନିମ୍ନ ମଜୁରି ୮୦୦ ଟଙ୍କା ପ୍ରଦାନ, ବଜେଟରେ ଆବଶ୍ୟକ ପରିମାଣର  ଅର୍ଥ  ବ୍ୟବସ୍ଥା କରାଯାଉ, ସମସ୍ତ କାର୍ଯ୍ୟ କରିବାକୁ ଆବଶ୍ୟକ ଉପକରଣ ଉପଲବ୍ଧ କରାଯାଉ, ଶ୍ରମିକମାନଙ୍କୁ ମଜୁରୀର ୧୦% ଯାତାୟାତ ଖର୍ଚ ପ୍ରଦାନ କରାଯାଉ, ଆପ  ଆଧାରିତ ଦିନକୁ ଦୁଇଥର ଶ୍ରମିକ ଉପସ୍ଥାନ ପ୍ରତ୍ୟାହାର କରିବା,ଦୁର୍ନୀତି ନିବାରଣ ବ୍ୟବସ୍ଥା କରିବା ଆମର ଦାବୀ । ଉକ୍ତ ଦାବିପତ୍ର କଳାହାଣ୍ଡି ଜିଲ୍ଲାପାଳଙ୍କୁ ପ୍ରଦାନ କରିବା ସମୟରେ ନାଗରିକ ବିକାଶ ସଂଗଠନର ଜିଲ୍ଲା ଜନ ଓକିଲାତି କମିଟିର କାର୍ଯ୍ୟକର୍ତ୍ତାମାନେ ଯଥା- ଉପେନ୍ଦ୍ର ସୁନାନୀ, ପବିତ୍ର ନାଏକ, ଗୌରବ ସୁନାନୀ, ଜଗନ୍ନାଥ ଶଗଡିଆ, ମଧୁସୂଦନ ନାଏକ, ପ୍ରବୀଣା ଖମାରି, ରଜତକ।ନ୍ତି ଦୂର୍ଗା, ସରସ୍ଵତୀ ଖରସେଲ, ରତ୍ନାବତୀ ନାଏକ ପ୍ରମୁଖ ଉପସ୍ଥିତ ଥିଲେ ।