25-Sep-2022

କଳାହାଣ୍ଡି,କୋକସରା (ତ୍ରିନାଥ ବେଶ୍ରା)
- କଳାହାଣ୍ଡି ବିଶ୍ୱବିଦ୍ୟାଳୟ ଆୟୋଜନ ରେ ସର୍ଵ ଭାରତୀୟ ଟ୍ରାଇବଲ ଏନସିସି ଟ୍ରେକିଂ କ୍ୟାମ୍ପ କଳାହାଣ୍ଡି ଜିଲ୍ଲାର ଅନ୍ୟତମ  ପର୍ଯ୍ୟଟନ ସ୍ଥଳି କୋକସରା ବ୍ଲକ ଗୁଡାହାଣ୍ଡି ଡୋକାରିଚଞ୍ଚରା ଠାରେ ଟ୍ରାଇବଲ ଏନସିସି ଟ୍ରେକିଂ କ୍ୟାମ୍ପ ଅନୁଷ୍ଠିତ ହୋଇଯାଇଛି। କୋକସରା ଡିଗ୍ରୀ ମହାବିଦ୍ୟାଳୟ ଏହି କାର୍ଯ୍ୟକ୍ରମ ର ଆୟୋଜନ ଓ ପରିଚାଳନା କରିଥିବା ବେଳେ କାର୍ଯ୍ୟକ୍ରମ ରେ ଯୋଗଦେବାକୁ ଆସିଥିବା କଳାହାଣ୍ଡି ବିଶ୍ୱବିଦ୍ୟାଳୟ ର କୁଳପତି ପ୍ରଫେସର  ଡ଼.ସଞ୍ଚୟ ଶତପଥୀ,ନାଭାଲ,ଏନସିସି  ଅଧିକାରୀ,ଅତିଥି ଓ କ୍ୟାଡେଟ ମାନଙ୍କୁ  ଡିଗ୍ରୀ ମହାବିଦ୍ୟାଳୟ ର କର୍ମକର୍ତ୍ତା ଓ ଡୋକାରିଚଞ୍ଚରା ଉନ୍ନୟନ କମିଟି ପକ୍ଷରୁ କଳାହାଣ୍ଡି ର ଲୋକନୃତ୍ୟ ଘୁମୁରା ଓ ଲୋକବାଦ୍ୟ ର ତାଲେ ତାଳେ ଭବ୍ୟ ସ୍ୱାଗତ ଓ ସମ୍ବର୍ଦ୍ଧନା ଦିଆଯାଇଛି। କଳାହାଣ୍ଡି ବିଶ୍ୱବିଦ୍ୟାଳୟ ର କୁଳପତି ପ୍ରଫେସର ଡ଼. ସଞ୍ଜୟ କୁମାର ଶତପଥୀ ଙ୍କ ପୃଷ୍ଠପୋଷକତା ରେ ସର୍ବ ଭାରତୀୟ ସ୍ତର ରେ ୧୪ ରାଜ୍ୟର ୫୧୦ ଜଣ ଏନସିସି କ୍ୟାଡେଟ  ପ୍ରକୃତି କୋଳ ରେ ଥିବା ପର୍ଯ୍ୟଟନ ସ୍ଥଳି ରେ ପର୍ବତାରୋହଣ ର ପ୍ରଶିକ୍ଷଣ ର ଅନୁଭୂତି ନେଇଛନ୍ତି। ଆୟୋଜିତ କାର୍ଯ୍ୟକ୍ରମ ୧୪ ରାଜ୍ୟ ରୁ ଯୋଗ ଦେଇଥିବା ପ୍ରଶିକ୍ଷକ ଛାତ୍ରଛାତ୍ରୀ ମାନେ ବନ୍ଦେ ମାତାରାମ କୁ ସମ୍ମାନ ଜଣାଇ ଶିବିର ଆରମ୍ଭ କରିଥିଲେ। ପ୍ରଥମେ କ୍ୟାଡେଟ ମାନେ ଆନ୍ତର୍ଜାତିକ ପର୍ବାତାରୋହି ଯୋଗବ୍ୟାସ ଭୋଇଙ୍କ ତତ୍ୱାବଧାନ ରେ ଗୁଡାହାଣ୍ଡି ପର୍ବତ ଶିଖରରେ ଟ୍ରେକିଂ ର ପ୍ରଶିକ୍ଷଣ ନେବାପରେ ଡୋକାରୀଦର ରେ ୨୦୦ ଫୁଟ ତଳକୁ ଟ୍ରେକିଂ କରି ଯୋଗବ୍ୟାସ ଓ ତାଙ୍କ ଟିମ ର ସଦସ୍ୟ ଓଲ୍ଲେଇଥିଲେ। ଟ୍ରେକିଂ କ୍ୟାମ୍ପ ରେ ଓଡ଼ିଶା ଆନ୍ଦ୍ରପ୍ରଦେଶ ତେଲେଙ୍ଗାନା ପଶ୍ଚିମବଙ୍ଗ ମଧ୍ୟପ୍ରଦେଶ ଛତିଶଗଡ଼ ଓ ଉତ୍ତରପୂର୍ବାଞ୍ଚଳ ନିର୍ଦେଶଳୟ ର ୫୧୦ ଜଣ କ୍ୟାଡେଟ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମ ରେ ନାଭାଲ କମାଣ୍ଡିଙ୍ଗ ଅଧିକାରୀ ଭବାନୀପାଟଣା ସୁନିଲ ବେହେରା କଳାହାଣ୍ଡି ଲୋକସମ୍ପର୍କ ଓ ସୁଚନା ଅଧିକାରୀ ମନୋଜ ବେହେରା, ଉପଖଣ୍ଡ ପୋଲିସ ଅଧିକାରୀ ଧିରଜ କୁମାର ଚୋପଦାର, ଡିଗ୍ରୀ ମହାବିଦ୍ୟାଳୟ ର ଅଧ୍ୟକ୍ଷ ଗୁଣାକାର ପଣ୍ଡା, ଏନସିସି କ୍ୟାପଟେନ ଅଶ୍ୱିନୀ କୁମାର ପଟ୍ଟନାୟକ, ଅଧ୍ୟାପକ ସୁବ୍ରତ କୁମାର ବେହେରା,ଅଇରି ନାସନ ଚିନ୍ଦା,ପୁଷ୍ପରାଜ ମେହେର, ଲଡୁଗା କଲେଜ ଅଧ୍ୟକ୍ଷ ଡ଼. ନିହାରକାନ୍ତ ପଣ୍ଡା, କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ, ଜିଲ୍ଲା ପରିଷଦ ସଭ୍ୟ ହେମନ୍ତ ମାଝୀ, ଶିକ୍ଷାବିଦ ସୁଧୀର କୁମାର ପଣ୍ଡା,ଏନ ସି ସି କୋଡ଼ି ନେଟର ଚିତ୍ରସେନ ଖୁଣ୍ଟିଆ, ବରିଷ୍ଠ ବିଜେଡି ନେତା ପ୍ରଦୀପ ମୁଣ୍ଡ ପ୍ରମୁଖ ଉପସ୍ଥିତ ରହି ପ୍ରାକୃତିକ ସୌନ୍ଦର୍ଯ୍ୟ ରେ ଭରପୁର ପର୍ଯ୍ୟଟନ ସ୍ଥଳି ଡୋକାରିଚଞ୍ଚରା ରେ ସର୍ଵ ଭାରତୀୟ ଟ୍ରାଇବଲ ଏନସିସି ଟ୍ରେକିଂ କ୍ୟାମ୍ପ ଆୟୋଜକ କଳାହାଣ୍ଡି ବିଶ୍ୱ ବିଦ୍ୟାଳୟ ର କୁଳପତି ଓ କର୍ତ୍ତୃପକ୍ଷ ଙ୍କୁ ଧନ୍ୟବାଦ ଦେବାସହ ଆଗାମୀ ଦିନ ରେ ଏହିଭଳି କ୍ୟାମ୍ପ ଆୟୋଜନ ଦ୍ୱାରା ପର୍ଯ୍ୟଟନ ସ୍ଥଳି ର  ପ୍ରଚାର ପ୍ରସାର ହେବା ସହ ପର୍ଯ୍ୟଟକ ଙ୍କ ଦୃଷ୍ଟିଗୋଚର ଓ ଅଞ୍ଚଳ ର ବିକାଶ ହେବ ବୋଳି ମତ ରଖିଥିଲେ। ପ୍ରଥମ ଥର ପାଇଁ ସର୍ଵ ଭାରତୀୟ ଟ୍ରେକିଂ କ୍ୟାମ୍ପ ଡୋକାରିଚଞ୍ଚରା ରେ ଆୟୋଜିତ ହୋଇଥିବା କାରଣରୁ  ବହୁ ସଂଖ୍ୟକ ଦର୍ଶକ ଙ୍କ ଉପସ୍ଥିତି ଦେଖିବାକୁ ମିଳିଥିଲା।