24-Aug-2022

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକର ଜଉଁରାଭଉଁରା ପଂଚାୟତର ରାଧାନଗର ମନ୍ଦିର ଠାରେ ସମ୍ପର୍କର ସେତୁ କାର୍ଯ୍ୟକ୍ରମ ବୁଧୁବାର ଅନୁଷ୍ଠିତ ହୋଇଛି । ଜିଲ୍ଲା ପ୍ରଶାସନ ଓ ବ୍ଲକ ପ୍ରଶାସନ ପକ୍ଷରୁ ଆୟୋଜିତ ହୋଇଥିବା ଏହି କାର୍ଯ୍ୟକ୍ରମକୁ ଜିଲ୍ଲାପାଲ ଆବୋଲି ସୁନିଲ ନରୱାଣେ ଯୋଗଦେଇ ଲୋକଙ୍କ ବିଭିନ୍ ଆପତି ଅଭିଯୋଗ ଶୁଣିଥିଲେ । ବିଶେଷକରି ଜଉଁରାଭଉଁରା ପଂଚାୟତ ଉପାନ୍ତ ଅଂଚଲରେ ରହିଥିବା ବେଲେ ପ୍ରାୟତଃ ଆଦିବାସୀ ସଂପ୍ରଦାୟର ଲୋକମାନେ ବସବାସ କରୁଛନ୍ତି । ସରକାରଙ୍କ କାର୍ଯ୍ୟକାରୀ ହେଉଥିବା ଯୋଜନା ଗୁଡିକ ସମସ୍ତଙ୍କ ପାଖରେ ପହଂଚାଇବା ଏହି କାର୍ଯ୍ୟକ୍ରମର ମୁଲ ଲକ୍ଷ ବୋଲି ଜିଲ୍ଲାପାଲ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମରେ ସମସ୍ତ ବିଭାଗର ଅଧିକାରୀ ମାନେ ଯୋଗଦେଇ କାର୍ଯ୍ୟକାରୀ ହେଉଥିବା ଯୋଜନା ବିଷୟରେ ଲୋକଙ୍କୁ ଅବଗତ କରାଇବା ସହ କିକି ସୁବିଧା ସୁଯୋଗ ପାଇପାରିବେ ସେ ଉପରେ ବୁଝାଇଥିଲେ । ଏହି ଅବଶରରେ ପଂଚାୟତ ବାସୀଙ୍କ ପକ୍ଷରୁ ଜଉଁରାଭଉଁରା ଠାରେ ଏକ ଆଦିବାସୀ ହସ୍ଟେଲ, ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର , ଯାତାୟାତ ଏକ ବସ ଚଲାଚଲର ସୁବିଧା ଏବଂ ଧାନ ମଣ୍ଡି ଖୋଲିବା ପାଇଁ ଦାବି କରିବା ସହ ବିଭିନ୍ନ ସମସ୍ୟା ନେଇ ଲିଖିତ ଭାବରେ ଜିଲ୍ଲାପାଙ୍କ ଠାରେ ଅଭିଯୋଗ କରିଥିଲେ ।    କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ପିଡିଆରଡିଏ ନିହାର ରଞ୍ଜନ କହଁର, ସିଡିଏମଓ ବିଶ୍ୱ ରଂଜନ ପତି, ଉଲୁଣ୍ଡା ବିଡିଓ ହେମସାଗର ଭୋଇ, ଡିଏସଡବ୍ଲୁଓ ଗୌରିମଣୀ ହାଂସଦା, ସ୍ଥାନୀୟ ସରପଂଚ ସୁନିତା ସିଙ୍ଗରା, ସମିତ ସଭ୍ୟା ଶୁଷମା ଭୋଇ ପ୍ରମୁଖ ମଂଚାସୀନ ହୋଇଥିଲେ । ପିଇଓ ସ୍ୱୟମ୍ଭୁ ପୁରୋହିତ ଏବଂ ଜିଆରଏସ ମନମୋହନ ମିଶ୍ର ସହଯୋଗ କରିଥିଲେ ।