24-Aug-2022

,ବଲାଙ୍ଗିର(ଅନ୍ତର୍ଯ୍ୟାମୀ ସାହୁ ), ବଲାଙ୍ଗିର ଜିଲାର ଦେଓଗାଁ ପଞ୍ଚାୟତ ସମିତି ଡିଗ୍ରୀ ମହାବିଦ୍ୟାଳୟ ଦେଓଗାଁ ଠାରେ ବଲାଙ୍ଗିର ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ରକ୍ଷକର ଦ୍ୱିତୀୟ ପର୍ଯ୍ୟାୟ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବଲାଙ୍ଗିର ଜିଲ୍ଲା ଆଞ୍ଚଳିକ ପରିବହନ ଅଧିକାରୀ ଦାସ ପ୍ରଭାସ କୁମାର ବାଘାଲାଙ୍କ ସଭାପତିତ୍ୱ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଲାଙ୍ଗିର ସବ୍ ଡିଭିଜନର ଉପଜିଲ୍ଲାପାଳ କୁମାର ନାରାୟଣ ଭୂଷଣ ଓ ସମ୍ମାନିତ ଅତିଥି ଭାବରେ ଦେଓଗାଁ ତହସିଲଦାର ଯୁଗଲ କିଶୋର ବିଶ୍ୱାଲ, ଦେଓଗାଁ ଅତିରିକ୍ତ ଥାନା ଅଧିକାରୀ ଜଗତ୍ ଜିବନ ସା ପଞ୍ଚାୟତ ସମିତି ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ  ରମେଶ ଚନ୍ଦ୍ର ପ୍ରଧାନୀ ପ୍ରମୁଖ ଯୋଗଦାନ ଦେଇଥିଲେ । ଜୀବନ ଏକ ଅମୂଲ୍ୟ ରତ୍ନ ଏବଂ ତାର ସୁରକ୍ଷା ଆମ ସମସ୍ତଙ୍କର ନୈତିକ ଦାୟିତ୍ୱ ଅଟେ । ସଡକ ଦୁର୍ଘଟଣାରେ ଆହତ ବ୍ୟକ୍ତିକୁ ରକ୍ଷକ ସେବା ମନୋବୃତ୍ତି ନେଇ ଡାକ୍ତରଙ୍କ ପାଖରେ ବା ଡାକ୍ତରଖାନାରେ ପହଞ୍ଚାଇ ଆଘାତପ୍ରାପ୍ତ ବ୍ୟକ୍ତି ଜୀବନ ବଞ୍ଚାଇଥାଏ । ତେଣୁ ଯଥାର୍ଥରେ  ପ୍ରତ୍ୟେକ ରକ୍ଷକ ଜଣେ ଜଣେ ଜୀବନଦାତା ଅଟନ୍ତି ବୋଲି ଉପସ୍ଥିତ ଅତିଥି ଗଣ ମତପ୍ରକାଶ କରିଥିଲେ । କାର୍ଯ୍ୟକ୍ରମରେ ବ୍ଲେକ ସ୍ପର୍ଟ ନିକଟବର୍ତ୍ତି ଉଠା ଦୋକାନୀ, ଚା ଦୋକାନୀ ତଥା ସ୍ୱେଚ୍ଛାସେବୀମାନଙ୍କୁ ରକ୍ଷକ ତାଲିମଦାତାଗଣ ତାଲିମ ପ୍ରଦାନ କରିଥିଲେ । ତାଲିମଦାତା ଭାବରେ ରେଡ଼କ୍ରସ କାଉନସିଲର ପ୍ରଭାକର ଛନ୍ଦ, ଡ. ପୂର୍ଣ୍ଣଚନ୍ଦ୍ର ତ୍ରିପାଠୀ, ବିରଞ୍ôଚ ନାରାୟଣ ଦାସ, ମଦନ ମୋହନ ପ୍ରଧାନ, ଡ. ଦୈତାରୀ ପୁଝାରୀ, ରଶ୍ମିରାଣୀ ଦାଶ, ଦୁର୍ଯ୍ୟୋଧନ ପଶାୟତ, ରାମନାରାୟଣ ଦାଶ କାର୍ଯ୍ୟ ତୁଳାଇଥିଲେ । କାର୍ଯ୍ୟକ୍ରମରେ ପରିବହନ କାର୍ଯ୍ୟାଳୟର ସେକ୍ସନ ଅଫିସର କୁତାର୍ଥ ସେଲମା, ଜିଆରଏସ୍ ଶ୍ରୀକାନ୍ତ ନାଏକ, ଉମେଶ ବାଗ, ଜିତେନ୍ଦ୍ର ମନହିରା, ସୁମନ୍ତ ମଲ୍ଲିକ, ହଳଧର ନାଏକ ପ୍ରମୁଖ ସହଯୋଗ କରିଥିଲେ । କାର୍ଯ୍ୟକ୍ରମକୁ ରକ୍ଷକ ତାଲିମଦାତା ଅରବିନ୍ଦ କୁମ୍ଭାର ପରିଚାଳନା କରିଥିବା ବେଳେ ଚଞ୍ଚଳ ମିଶ୍ର ଧନ୍ୟବାଦ ଅର୍ପଣ କରିଥିଲେ ।