23-Aug-2022

ବଲାଙ୍ଗୀର,(ବିନୋଦ ଦୀପ) - ସଇଁନ୍ତଲା ବ୍ଲକ ଅନ୍ତର୍ଗତ ବୁର୍ଡା ଗ୍ରାମରେ ରେଡକ୍ରସ କର୍ମୀମାନଙ୍କ ତରଫରୁ ଗ୍ରାମବାସୀମାନଙ୍କୁ ମେଲେରିଆ ଓ ଡେଙ୍ଗୁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରେଡକ୍ରସ କର୍ମୀ ରାମ ନାରାୟଣ ଦାଶଙ୍କ ତତ୍ତ୍ୱାବଧାନ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଡେଙ୍ଗ ସରପଞ୍ଚ ଈତିଶ୍ରୀ ସାହୁ ଓ ସମ୍ମାନୀତ ଅତିଥି ଭାବରେ ଗୁଡଭେଲା ବ୍ଲକ ଅନ୍ତର୍ଗତ ଘୁନା ହାଇସ୍କୁଲର ଜୁନିୟର ରେଡକ୍ରସ କାଉନ୍ସେଲର ପ୍ରଭାକର ଛନ୍ଦ ଓ ଦେଓଗାଁ ବ୍ଲକ ଅନ୍ତର୍ଗତ ସାଲେପାଲି ହାଇସ୍କୁଲର ଜୁନିୟର ରେଡକ୍ରସ

କାଉନ୍ସେଲର ଅରବିନ୍ଦ କୁମ୍ଭାର ଯୋଗଦାନ କରିଥିଲେ । ମାଈ ଏନୋଫିଲିଶ ମଶା ଦ୍ୱାରା ମେଲେରିଆ ଓ ଏଡିସ ମଶା କାମୁଡିବା ଦ୍ୱାରା ଡେଙ୍ଗୁ ବ୍ୟାପିଥାଏ । ଏଡିସ୍ ମଶା ଜମି ରହିଥିବା ପରିଷ୍କାର ପାଣିରେ ଅଣ୍ଡା ଦେଇ ବଂଶ ବୃଦ୍ଧି କରିଥାଏ ଏବଂ ଦିନ ବେଳା କାମୁଡିଥାଏ । ନିୟମିତ ମଶାରୀ ବ୍ୟବହାର କରିବା । ପୁରା ଦେହକୁ ଘୋଡାଇ ରଖିଲା ପରି ପୋଷାକ ପିନ୍ଧିବା । ପାଣି ରଖିବା ପାଇଁ ପାଣିଟାଙ୍କି,କୁଲର ଇତ୍ୟାଦି ଥରକୁ ଥର ସଫା ପାଣି ବଦଳାଇବା, ଘର ଚାରିପଟେ ପରିଷ୍କାର ପରିଚ୍ଛନ୍ନ ରଖିବା, ପାଣି ଜମା ହେବା ପାଇଁ ଦେବା ନାହିଁ । ଏହି ରୋଗର ଲକ୍ଷଣ ହେଲା ମାତ୍ରେ ତୁରନ୍ତ ସ୍ୱାସ୍ଥ୍ୟକର୍ମୀ ଓ ଡାକ୍ତରଖାନାର ପରାମର୍ଶ ନେବା ବୋଲି ଅତିଥିଗଣ ମତପ୍ରକାଶ କରିଥିଲେ । ଏହି ଅବସରରେ ଗ୍ରାମର କାନ୍ଥମାନଙ୍କୁ ସଚେତନତା ପୋଷ୍ଟର ମରାଯାଇଥିଲା  ଓ ଗ୍ରାମବାସୀମାନଙ୍କୁ ଲିଫଲେଟ୍ ବଣ୍ଟନ କରାଯାଇଥିଲା । କାର୍ଯ୍ୟକ୍ରମରେ ରେଡକ୍ରସ କର୍ମୀ ଶେଖର ମେହେର ପରିଚାଳନା କରିଥିବା ବେଳେ ସୁମିତ ମହାନନ୍ଦ ଧନ୍ୟବାଦ ଅର୍ପର୍ଣ କରିଥିଲେ ।