15-Aug-2022

ବଲାଙ୍ଗୀର(ବିନୋଦ ଦୀପ)- ଅର୍ଣ୍ଣପୂର୍ଣ୍ଣା ଫାଇନାନ୍ସ ବଲାଙ୍ଗୀର ଜୋନ୍ ତରଫରୁ ଜୋନାଲ ମେନେଜର ଆଲୋକ ବରିସଲ୍ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବଲାଙ୍ଗୀରରେ ସ୍ୱାଧୀନତାର ଅମୃତ ମହୋତ୍ସବ ପାଳିତ ହୋଇଯାଇଛି । ପ୍ରଥମେ ନେତାଜୀ ସୁବାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଅର୍ଣ୍ଣପୂର୍ଣ୍ଣାର ଏରିଆ ମେନେଜର ପର୍ଶୁୁରାମ ବଳିୟାର ସିଂହ ଓ ମିଟୁ ବଳ, କ୍ରେଡିଟ ମେନେଜର ସନ୍ତୋଷ ଦାସ, ଅଡିଟ୍ ପ୍ରତିନିଧି ପ୍ରଦୀପ ସାହୁ, ବଲାଙ୍ଗୀର ଶାଖା ପରିଚାଳକ ପ୍ରିୟ ରଂଜନ ସ୍ୱାଇଁ ଓ ଶାଖାର କର୍ମଚାରୀ ମାନେ ସହଯୋଗ କରଥିଲେ । ମହିଳା ସ୍ୱୟଂ ସହାୟକ ଗୋଷ୍ଠୀର ପ୍ରାୟ ୨୫ଜଣ ସଦସ୍ୟ ଯୋଗ ଦେଇଥିଲେ । ଶାଖା କାର୍ଯ୍ୟାଳୟ ଠାରୁ ରାଜେନ୍ଦ୍ର କଲେଜ ଛକ ପର୍ଯ୍ୟନ୍ତ ନଗର ପରିକ୍ରମା କରାଯାଇଥିଲା । ପରେ ଏକ ମୋଟର ସାଇକେଲ ରେଲି ର ଆୟୋଜନ କରାଯାଇଥିଲା ।