14-Aug-2022

ବଲାଙ୍ଗୀର(ପ୍ରେରଣା ଖବର ବ୍ୟୁରୋ) ବଲାଙ୍ଗୀର ଜିଲ୍ଲାରେ ଛତୁ ଫୁଟିଲା ପରି ଘରୋଇ ଇଙ୍ଗିଲିସ୍  ପବ୍ଳିକ ସ୍କୁଲ ଗୁଡିକ ଖୋଳା ଯାଇଥିବା ବେଳେ ଆବଶ୍ୟକ କାଗଜପତ୍ର କିମ୍ବା ସରକାରୀ ଗାଇଡ ଲାଇନକୁ ବେଖାତିର କରି ଚାଳିଥିବା ଅଭିଯୋଗ ହେଉଛି  । ଏପରି ଏକ ଘଟଣା ଦେଖିବାକୁ ମିଳିଛି ତୁଷୁରା ସହରରେ ଥିବା ବେସରକାରୀ ଶିକ୍ଷା ଅନୁଷ୍ଠାନ ସୀତାଦେବୀ ପବ୍ଳିକ ସ୍କୁଲରେ  । ଏହି ସ୍କୁଲ ଏବେ ଯେଉଁଠି ଚାଳିଛି, ଉକ୍ତ ପ୍ଳଟଟି ବିବାଦୀୟ ରହିଛି । ଏହି ସ୍କୁଲ ପାଇଁ ରେଜିଷ୍ଟ୍ରେସନ ଗୋଟିଏ ପ୍ଳଟରେ ହୋଇଥିବା ବେଳେ ସ୍କୁଲ ଅନ୍ୟ ଏକ ପ୍ଳଟରେ ବେଆଇନ ଭାବେ ଚାଳିଥିବା  ସୂଚନା ଅଧିକାର ଆଇନ ବଳରେ ମଗାଯାଇଥିବା ତଥ୍ଯରୁ ଜଣାପଡିଛି । ମିଳିଥିବା ସୂଚନା ଅଧିକାର ଅନୁଯାଇ  ତୁଷୁରା ମ୍ୟୈଜାର ପ୍ଳଟ ନମ୍ବର ୪୩୪୵୧୬୧୫ରେ ସୀତାଦେବୀ ପବ୍ଳିକ ସ୍କୁଲ ଚାଳିବା ପାଇଁ ୧୬ ନଭେମ୍ବର ୨୦୧୮ ମସିହାରେ  Tenancy Agreement ଜରିଆରେ ୫ବର୍ଷ ପାଇଁ ରେଜିଷ୍ଟ୍ରେସନ

ହୋଇଛି। କିନ୍ତୁ ଏବେ ଉକ୍ତ ସ୍କୁଲଟି ୫ଜଣଙ୍କ ମାଳିକାକାରରେ  ତୁଷୁରା ତହସିଲ ଖାତା ନମ୍ବର ୪୨୧୵୧୦୮୩ର ପ୍ଳଟ ନମ୍ବର ୪୩୪୵୧୬୨୭ ଓ ୧୬୫୩୵୨୭୩୯ ରେ ଚାଳିଛି।  ଏଥି ପାଇଁ  ପ୍ରାୟ ସମୟରେ ବିବାଦୀୟ ଦେଖା ଦେଉଥିବା ମଧ୍ଯ ନଜିର ରହିଆସିଛି । ଏହାରି ଭିତରେ ଶିକ୍ଷା ବିଭାଗ ନିରବ ସଜିବା ପଛରେ କି ରହସ୍ଯ ରହିଛି ବୋଳି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି l ଏନେଇ ସ୍କୁଲ କର୍ତ୍ତୃପକ୍ଷ କିଛି କହିବାକୁ ମନା କରୁଥିବା ବେଳେ ଜିଲ୍ଲାଶିକ୍ଷାଧିକାରୀଙ୍କୁ ପଚାରିବାରୁ ସେ କଣ ହୋଇଛି ଦେଖି ପଦକ୍ଷେପ ନିଆଯିବ ବୋଳି ପ୍ରକାଶ କରିଥିଲେ।