13-Aug-2022

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ଆଜି ରେଢ଼ାଖୋଲ ସହରରେ ଦେଖିବାକୁ ମିଳିଥିଲା ୩ ଶହ ମିଟର ବିଶିଷ୍ଟ ତ୍ରିରଙ୍ଗା । ଏହି ତ୍ରିରଙ୍ଗା ଯାତ୍ରାକୁ ଝିପ ଝିପ ବର୍ଷାରେ ମଧ୍ୟ ଦେଖବାକୁ ସହରରେ ଲାଗିଥିଲା ଭିଡ଼ । ସ୍ବାଧୀନତାର ୭୫ ବର୍ଷ ପୂର୍ତ୍ତି ଅବସରରେ ସାରା ଦେଶ ପାଳୁଛି ଅମୃତ ମହୋତ୍ସବ। ଏହି ପରିପ୍ରେକ୍ଷୀରେ ଅମୃତ ମହୋତ୍ସବ ତ୍ରିରଙ୍ଗା ଯାତ୍ରା କମିଟି ରେଢ଼ାଖୋଲ ପକ୍ଷରୁ ତିନି ଶହ ମିଟର ତ୍ରିରଙ୍ଗା ପ୍ରସ୍ତୁତ କରାଯାଇଥିଲା । ବରିଷ୍ଠ ବିଜେପି ନେତା ତଥା ସମାଜସେବୀ ଗୋବିନ୍ଦ ଅଗ୍ରୱାଲଙ୍କ ନେତୃତ୍ବରେ ଦିନ ୧୨ଟା ବେଳେ ସ୍ଥାନୀୟ କଦମ୍ବ ପଡ଼ିଆରୁ ଶୋଭାଯାତ୍ରା ବାହାରି ରଥସାହି , ଭୀମଭୋଇ ଛକ ଦେଇ ଡାକ୍ତରଖାନା ଛକ ପର୍ଯ୍ୟନ୍ତ ଆସି ସହର ପରିକ୍ରମା କରିଥିଲେ । ଏହି ତ୍ରିରଙ୍ଗା ଯାତ୍ରାରେ ବରିଷ୍ଠ ବିଜେପି ନେତା ପ୍ରତାପ ପ୍ରଧାନ , ରେଢ଼ାଖୋଲ ଏନ‌ଏସି ଅଧ୍ୟକ୍ଷ ଶିବରାମ ସାହୁ , ଜିଲ୍ଲା ପରିଷଦ ସଦସ୍ୟ ଶରତ କୁମାର ପ୍ରଧାନ , ଏନ‌ଏସି

ଉପାଧ୍ୟକ୍ଷ ଅନୂସୁୟା ପ୍ରଧାନ , କାଉନସିଲର କୁମୁଦ ନାଗ,   କାଉନସିଲର ରଶ୍ମିରଞ୍ଜନ ଭଞ , ଦିଲ୍ଳୀପ ପ୍ରଧାନ , ରବିନାରାୟଣ ପ୍ରଧାନ,  ପ୍ରହ୍ଲାଦ ପ୍ରଧାନ , ଲବ କିଶୋର ପ୍ରଧାନ , ଅବନୀ ମେହେର , ମଣ୍ଟୁ ପୁରୋହିତ, ପ୍ରଶାନ୍ତ ପଧାନ ପ୍ରମୁଖ ସାମିଲ ହୋଇଥିଲେ ଏଥିରେ ବେଶ ଉସ୍ଚାହର ସହିତ ବିଭିନ୍ନ ସ୍କୁଲର ଛାତ୍ରଛାତ୍ରୀ ଓ ଜନ ସାଧାରଣ ମଧ୍ୟ ସାମିଲ ହୋଇ ତ୍ରିରଙ୍ଗା ଧରି ଅମୃତ ମହୋତ୍ସବ ପାଳନ କରିଥିଲେ ।