10-Aug-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ ସ୍ଥାନୀୟ ଆଦିବାସୀ ଭବନ ଠାରେ ବିଶ୍ୱ ଆଦିବାସୀ ଦିବସ ମହା ସମାରୋହରେ ପାଳନ କରାଯାଇଅଛି l  ଉକ୍ତ ଦିବସକୁ ସରସ ସୁନ୍ଦର କରିବା ପାଇଁ ଲୋଇସିଂହା ବ୍ଲକର ୨୦ ଟି ପଞ୍ଚାୟତର  କର୍ମକର୍ତ୍ତା ମାନେ ଯୋଗ ଦେଇଥିଲେ l ଉକ୍ତ ବୈଠକରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ସତ୍ୟ ନାରାୟଣ ଭୋଇ ତଥା ବଲାଙ୍ଗିର ଜିଲ୍ଲା ଆଦିବାସୀ ସଂଘର ମୁଖ୍ୟ ଉପଦେଷ୍ଟା ଯୋଗଦାନ କରିଥିଲେ l ଅପର ପକ୍ଷରେ ଶ୍ରୀଯୁକ୍ତ ବଂଶୀଧର କାଳସାଏ ସଭା ପରିଚାଳନା କରିଥିଲେ l ଗୋଣ୍ଡୱାନା ଗୋଣ୍ଡ ମହାସଭାର ଜିଲ୍ଲା ସଭାପତି ଶ୍ରୀଯୁକ୍ତ ଶ୍ୟାମସୁନ୍ଦର ଭୋଇ ମୁଖ୍ୟ ବକ୍ତା ହିସାବରେ ଯୋଗଦାନ କରିଥିଲେ ଓ ଶ୍ରୀଯୁକ୍ତ ଦଶରଥ ଛତ୍ରିଆ ସଭା ପରିଚାଳନାରେ ସହଯୋଗ କରିଥିଲେ l ସଭାର ମୁଖ୍ୟ ଅତିଥି ଓ ମୁଖ୍ୟବକ୍ତା ତାଙ୍କର ଅଭିଭାଷଣରେ ପ୍ରକାଶ କରିଥିଲେ ଯେ ଆଦିବାସୀ ମାନଙ୍କର ଭାଷା ,ପରମ୍ପରା ଓ ସଂସ୍କୃତିକୁ କୁ ଗୁରୁତ୍ଵ ଦେବା ପାଇଁ ଆହ୍ଵାନ କରିଥିଲେ l ଯଦି ଆମେ ନିଜର ପରମ୍ପରା ଓ ସଂସ୍କୃତିକୁ ଭୁଲି ଅନ୍ୟ ପରମ୍ପରା କୁ ଆପଣେଇବା ଆମେ ଦିନେ ସର୍ବ ସାଧାରଣ ତଥା ଜାତି ସମାଜକୁ କୁଠାରଘାତ କରି ଆଦିବାସୀ ମାନ୍ୟତା ହରାଇ ଦେବାକୁ ବେଶୀ ସମୟ ଲାଗିବା ନାହିଁ l ଏଣୁ ଆଦିବାସୀ ପରମ୍ପରା ତଥା ସଂସ୍କୃତି କୁ ବଜାୟ ରଖିବା ପାଇଁ ଆହ୍ଵାନ କରିଥିଲେ l ଉକ୍ତ ଦିବସକୁ ଆଗାମୀ ଦିନରେ ଛୁଟି ଘୋଷଣା କରିବାକୁ ସରକାରଙ୍କ ଠାରେ ଦାବି ଉପସ୍ଥାପନା କରିବାକୁ  ଘୋଷଣା କରିଥିଲେ। ଏବଂ ଆଗାମୀ ଦିନରେ ଜିଲ୍ଲା ଆଦିବାସୀ କଲ୍ଯାଣ ସଂଘ ଲୋଇସିଂହା ବ୍ଲକ ତରଫରୁ ମାଗଣା ସ୍ୱାସ୍ଥ୍ୟ ଶିବିର ଲୋଇସିଂହା ଆଦିବାସୀ ଭାବନ ଠାରେ କରିବା ପାଇଁ ସର୍ବ ସମ୍ମତି କ୍ରମେ ପ୍ରସ୍ତାବ ଗୃହିତ କରାଗଲା । ଉକ୍ତ ଶିବିରକୁ ଲୋଇସିଂହା ବ୍ଲକରେ ଥିବା ସମସ୍ତ ଆଦିବାସୀ ସମ୍ପ୍ରଦାୟର ଡାକ୍ତର ଡାକ୍ତରାଣୀ ସହଯୋଗ କରି

ଶିବିରକୁ ସାଫଲ୍ଯ କରିବେ ବୋଲି ନିବେଦନ କରାଯାଇ ଥିଲା । ଏହାଦ୍ବାରା ଗରିବ ଶ୍ରେଣୀର ଲୋକ ଉପକୃତ ହୋଇ ପାରିବେ । ଆଜିକାର ଏହି ଦିବସ ପାଳନରେ ଶ୍ରୀଯୁକ୍ତ  କୁମର ସଲତର, ଶ୍ରୀଯୁକ୍ତ ଗୋପାଳ ପଧାନ,ଦେବରାଜ ଭୋଇ ,ଦୁର୍ଜନ କୁମୁରା,ଗୋବର୍ଦ୍ଧନ ଧରୁଆ ,ଦୁଖୀଶ୍ୟାମ ଧରୁଆ,କଷ୍ଟମଣି ଧରୁଆ ,ଦେବାଶିଷ ବିଶୋଇ ,ରୁକ୍ମଣ ଧରୁଆ ,ଫକିର ପଧାନ ,ପୂର୍ଣଚନ୍ଦ୍ର ଭୋଇ ,ନେପାଲ ବର୍ଗେ, ଭୀଷ୍ମ ବରିହା ମିଶ୍ର ବରିହା ପ୍ରମୁଖ ଯୋଗଦାନ କରିଥିଲେ l ଶେଷରେ ରାଜେଶ ଭୋଇ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥିଲେ l