10-Aug-2022

କଳାହାଣ୍ଡି,ଭବାନୀ ପାଟଣା(ତ୍ରିନାଥ ବେଶ୍ରl)
କଳାହାଣ୍ଡି ଜିଲ୍ଲା ଭବାନୀପାଟଣା ସ୍ଥିତ ଅମଲା ଭବନ ଠାରେ ଅନୁଧ୍ୟାନ ଖବର କାଗଜ ଓ ଟିଭି ଚ୍ୟାନାଲ ପକ୍ଷରୁ କଳାହାଣ୍ଡି ଜିଲ୍ଲାର ମେଧାବୀ ଛାତ୍ରଛାତ୍ରୀମାନଙ୍କୁ ଏକ ସ୍ୱତନ୍ତ୍ର ଉତ୍ସବରେ ସମ୍ବର୍ଦ୍ଧିତ କରାଯାଇଥିଲା ।ବରିଷ୍ଠ ସାମ୍ବାଦିକ ସତ୍ୟନାରାୟଣ ମହାପାତ୍ରଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଜୁନାଗଡ଼ ବିଧାୟକ କ୍ୟାପଟେନ ଦିବ୍ୟଶଙ୍କର ମିଶ୍ର ମୁଖ୍ୟ ଅତିଥି ଭାବରେ ଯୋଗଦେଇଥିବା ବେଳେ ଭବାନୀପାଟଣା ପୌରାଧାକ୍ଷା ସଂଯୁକ୍ତା ବେହେରା, ଭବାନୀପାଟଣା ସ୍ୱୟଂ ଶାସିତ ମହାବିଦ୍ୟାଳୟର ଅବସରପ୍ରାପ୍ତ ଅଧ୍ୟକ୍ଷ ଡ଼ ଅଜୟ ମିଶ୍ର ଓ ଆଇନଜୀବି ଛବିଲାଲ ନିଆଲ ସମ୍ମାନିତ ଅତିଥିଭାବେ ଯୋଗ ଦେଇଥିଲେ ।କଳାହାଣ୍ଡି ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତି କରିଛି, ଧାନ ଉତ୍ପାଦନରେ ରାଜ୍ୟରେ ଦ୍ୱିତୀୟ ଓ କପା ଉତ୍ପାଦନରେ ଶ୍ରେଷ୍ଠ ସ୍ଥାନ ଅଧିକାର କରିଛି । ଜିଲ୍ଳାରୁ ପ୍ରତିବର୍ଷ ଯୁବକ ମାନେ ଆଇଏସ, ଆଇପିଏସ ପାଉଛନ୍ତି ।
ତେଣୁ ଛାତ୍ରଛାତ୍ରୀ ମାନେ ବଡ଼ ବଡ଼ ସ୍ୱପ୍ନ ଦେଖନ୍ତୁ ଓ ସ୍ୱପ୍ନକୁ ସଫଳ କରିବାକୁ ଉଦ୍ୟମ କରନ୍ତୁ ଓ କଳାହାଣ୍ଡି ପାଇଁ ଗୌରବ ଆଣନ୍ତୁ ବୋଲି ଅତିଥିମାନେ ମେଧାବୀ ଛାତ୍ରଛାତ୍ରୀମାନଙ୍କୁ ଆହ୍ୱାନ କରିଥିଲେ । ଅନୁଧ୍ୟାନ ମିଡିଆ ଗ୍ରୁପ ପକ୍ଷରୁ କଳାହାଣ୍ଡିର ୪୦ ଜଣ ଛାତ୍ରଛାତ୍ରୀଙ୍କୁ ଟ୍ରଫି ଓ ପ୍ରମାଣ ପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟବ୍ୟସ୍ଥତତା ଯୋଗୁଁ ଅନୁଧ୍ୟାନ ମିଡିଆ ଗ୍ରୁପର ସଂପାଦକ ବିକାଶ ଚନ୍ଦ୍ର ସେଠୀ ଯୋଗ ଦେଇପାରିନଥିଲେ ।ଘରୋଇ ବିକାଶ କଲେଜର ୧୦ ଜଣ, ପ୍ରଗତି କଲେଜରୁ ୧୦ ଜଣ, ଦ୍ରୋଣାଚାର୍ଯ୍ୟ କଲେଜରୁ ୧୦ ଜଣ, କେସିଙ୍ଗା ସରସ୍ୱତୀ ଶିଶୁ ବିଦ୍ୟାମନ୍ଦିରରୁ ୧୦ ଜଣ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ୫ ବରିଷ୍ଠ ସାମ୍ବାଦିକଙ୍କୁ ସମ୍ବଦ୍ଧିତ କରାଯାଇଥିଲା ।ଏହି ଅବସରରେ ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ବରିଷ୍ଠ ସାମ୍ବାଦିକ ଚିତ୍ତ ରଞ୍ଜନ ବିଶି, ଅଜିତ ସିଂ, ମନୋଜ ନାଏକ, ହେମନ୍ତ ରାୟ ଓ ଯୁବ ସାମ୍ବାଦିକ କିଶନ ଶର୍ମାଙ୍କୁ ସମ୍ବର୍ଦ୍ଧିତ କରାଯାଇଥିଲା । ଅନୁଧ୍ୟାନ ଖବର କାଗଜ ର ପଶ୍ଚିମ ଓଡିଶା ବ୍ୟୁରୋ ମୁଖ୍ୟ ରଜନୀ କାନ୍ତ ମିଶ୍ର ସ୍ୱାଗତ ଭାଷଣ ଓ କଳାହାଣ୍ଡି ଜିଲ୍ଲା ପ୍ରତିନିଧି ମହାଦେବ ଖଣ୍ଡୁଆଲ ଧନ୍ୟବାଦ ଅର୍ପଣ କରିଥିଲେ।।