04-Aug-2022

ବଲାଙ୍ଗୀର(ଅନ୍ତର୍ଯ୍ୟାମୀ ସାହୁ)-ବଲାଙ୍ଗୀର ସହରକୁ ଏକ ସବୁଜ ସୁନ୍ଦର ସହର ଭାବେ ଗଢ଼ି ତୋଳିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଏକ ଅଭିନବ ଯୋଜନା ହାତକୁ ନିଆଯାଇଛି ।  ବଲାଙ୍ଗୀର ବନବିଭାଗ ପକ୍ଷରୁ ଚାରା, ଚାର ରୋପଣ ପାଇଁ ଆବଶ୍ୟକୀୟ ସାମଗ୍ରୀ ଓ ତାର ଜାଲି ଆଦି ବଲାଙ୍ଗୀର ମୁନିସିପାଲିଟିକୁ ପ୍ରଦାନ କରାଯିବ । ଚାରାରୋପଣ ଓ ଓ ଏହାର ରକ୍ଷଣାବେକ୍ଷଣ ଦାୟିତ୍ୱ ବଲକାଙ୍ଗୀର ମୁନିସିପାଲିଟି ଉପରେ ନ୍ୟସ୍ତ କରାଯାଇଛି । ଏଥିରେ

ବଲାଙ୍ଗୀର ସହରର ବିଭିନ୍ନ ସ୍ୱେଚ୍ଛାସେବୀ ସଂଗଠନ  ସହଯୋଗ କରିବେ ବୋଲି ଜଣାପଡିଛି । ସହରକୁ ସବୁଜ ସୁନ୍ଦର କରିଗଢ଼ିତୋଳିବାର ଯୋଜନାକୁ ସଫଳ ରୂପାୟନ ଦେବା ପାଇଁ ଆଜି ବଲାଙ୍ଗୀର ବନ ବିଭାଗ ଓ ବଲାଙ୍ଗୀର ମୁନିସିପାଲିଟିର ଏକ ସମନ୍ୱୟ ବୈଠକ ମୁନିସିପାଲିଟି ସଭାଗୃହ ଠାରେ ଅନୁଷ୍ଠିତ ହୋଇଥିଲା । ବଲାଙ୍ଗୀର ମୁନିସିପାଲିଟି ପୌରାଧ୍ୟକ୍ଷା ଲିକା ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ବଲାଙ୍ଗୀର ଡିଏଫ୍‌ଓ ନିତିଶ କୁମାର,

ମୁନିସିପାଲିଟି କାର୍ଯ୍ୟନିର୍ବାହୀ ଅଧିକାରୀ, ମୁନିସିପାଲିଟି ଅନ୍ତର୍ଗତ ୨୧ଟି ୱାର୍ଡର  କାଉନସିଲରଙ୍କ ସମେତ ବିଙ୍ଗ ହ୍ୟୁମେନ ଫାଉଣ୍ଡେସନ, କର୍ତ୍ତବ୍ୟ ଫାଉେଣ୍ଡେସନ, ନାରୀ ଶକ୍ତି ଫାଉଣ୍ଡେସନ, ମାହେଶ୍ୱରୀ ସେବା ସଂଗଠନ, ଜି୍‌ଲା କରାଟେ ସଂଘ, ରାଜମିସ୍ତ୍ରୀ ନିର୍ମାଣ ସଂଘ, ମାଁ ସମଲେଶ୍ୱରୀ ଆରତି କମିଟି, ପଶ୍ଚିମ ଓଡ଼ିଶା ଯୁବା ମଂଚ, ସୁନି ସଦର କମିଟି, ମିତ୍ର ଚେରିଟେବୁଲ ସଂଘ, ଜିଲ୍ଲା ୟାଏକଣ୍ଡୋ କମିଟିର କର୍ମକର୍ତ୍ତା ମାନେ ଏହି ସମନ୍ୱୟ ବୈଠକରେ ଯୋଗ ଦେଇ ନିଜର ମତାମତ ଉପସ୍ଥାପନ କରିଥିଲେ ।