31-Jul-2022

ଖପ୍ରାଖୋଲ (ଜପିନ୍ଦ୍ର ସୁନା): ଆଜି ଖପ୍ରାଖୋଲ ବ୍ଲକ ଅନ୍ତର୍ଗତ ତେଲେନପାଲି ଗ୍ରାମ ପଞ୍ଚାୟତର ନବରତ୍ନ ଉଚ୍ଚ ବିଦ୍ୟାଳୟ ରେ ୨୯ତମଜନ୍ମ ବର୍ଷ ପୂର୍ତ୍ତି ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷା ଶ୍ରୀମତୀ ନିରୂପମା ପଟେଲ ଯୋଗଦାନ କରି କାର୍ଯ୍ୟକୁ ଶୁଭାରମ୍ଭ କରିଥିଲେ।ଗଛ ବଞ୍ଚାଅ

ଜୀବନ ବଞ୍ଚାଅ ର ନାରା ଦେଇ ବୃକ୍ଷରୋପଣ କରିଥିଲେ। ଏହି କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବେ ଉପାଧ୍ୟକ୍ଷ ସୁଖିରାମ ସାଣ୍ଡ, ଲାଠୋର ଯୁକ୍ତ ଦୁଇ କଲେଜର  ନାରାୟଣ ପଧାନ,ସ୍କୁଲ

ସଭାପତି ବିପ୍ର ବିଶି ଯୋଗଦାନ କରିଥିଲେ।ସ୍ବେଚ୍ଛାସେବୀ ମହେନ୍ଦ୍ର ଭୋଇ,ବିଜେଡି ସାଧାରଣ ସମ୍ପାଦକ ପବିତ୍ର ପଟେଲ,ବିଧାୟକ ପ୍ରତିନିଧି ରମେଶ ପଧାନ ଜୋନ ୩ ଓ ୪ ଜିଲ୍ଲା ପରିଷଦ ସଭ୍ୟା ସଂଯୁକ୍ତା ମେହେର,ପ୍ରମିଲା ପାଥର ଓ  ସରପଞ୍ଚ ଶକୁନ୍ତଳା ବେହେରା ତଥା ଗ୍ରାମ ପଞ୍ଚାୟତର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ସହଯୋଗ କରିଥିଲେ। ଏହି ଅବସରରେ ବିଦ୍ୟାଳୟର ପ୍ରତିଷ୍ଠା ଉପରେ ଅତିଥି ମାନେ ନିଜ ନିଜର ମତପ୍ରକାଶ କରିଥିଲେ ଏବଂ ଏହି ବିଦ୍ୟାଳୟକୁ ରାଜ୍ୟ ସରକାର 5T ରେ ରୂପାନ୍ତରିତ କରିବାକୁ ଯାଉଥିବାରୁ  ରାଜ୍ୟ ସରକାରକୁ ଧନ୍ୟବାଦ ଜଣାଇଥିଲେ ।