31-Jul-2022

ବଲାଙ୍ଗିର (ପ୍ରେରଣା ଖବର) ଆଜି ଆକାଶବାଣୀ ବଲାଙ୍ଗୀର କେନ୍ଦ୍ରମୁଖ୍ୟ ଲଷ୍ମଣ କୁମାର ପଣ୍ଡା ଙ୍କ ଅବସର କାଳିନ ସମ୍ବର୍ଦ୍ଧନା ସଭା ଆକାଶବାଣୀ କେନ୍ଦ୍ର ପରିସରରେ ଅନୁଷ୍ଠିତ ହୋଇଯାଇଛି l ଉଦଘୋଷକ ରାଜୀବ ଲୋଚନ ଆଚାର୍ଯ୍ୟ ଙ୍କ ଆବାହକତ୍ୱରେ ଅନୁଷ୍ଠିତ ସଭାରେ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ବରିଷ୍ଠ

ଉପସ୍ଥାପକ ନଵୀନ କୁମାର ସାହୁ l ଏହାପରେ କେନ୍ଦ୍ର ର ସମସ୍ତ ଉଦଘୋଷକ, ଉଦଘୋଷିକ, ଯୁବବାଣୀ, କିଷାନବାଣୀ, ଗୃହଲଷ୍ମୀ ବିଭାଗର ସମସ୍ତ ଉପସ୍ଥାପକ ଉପସ୍ଥାପିକା ଶ୍ରୀଯୁକ୍ତ ପଣ୍ଡାଙ୍କ ଆକାଶବାଣୀ ପ୍ରତିଥିବା ଅବଦାନ ଓ ସ୍ମୃତି ଅନୁଭୂତି ଉପସ୍ଥାପନ କରି ପଣ୍ଡାସାର ଆକାଶବାଣୀରୁ ଅବସର ନେଇଛନ୍ତି କିନ୍ତୁ ଆମକୁ ପରାମର୍ଶ ଦେବାକୁ ନୁହେଁ ଆମେ

ଯେତେବେଳେ ଯାହା ଜାଣିବାକୁ ଚାହିଁବୁ ତାଙ୍କୁ ପଚାରିବୁ ଓ ସେ ଆମକୁ ପରାମର୍ଶ ଦେଉଥିବେ ବୋଲି ଅନୁରୋଧ  କରିଥିଲେ l ଶ୍ରୀଯୁକ୍ତ ପଣ୍ଡା ନିଜ ବକ୍ତବ୍ୟରେ ସମସ୍ତଙ୍କୁ କର୍ମତତ୍ପର ହୋଇ ଆକାଶବାଣୀ ରେ କାମକରିବା ସହିତ ସବୁବେଳେ ଜ୍ଞାନ ଆହରଣ ର ଅଭ୍ୟାସରଖିବା ଓ ଜୀବନରେ ଜଣେ ଭଲ ମଣିଷ ହେବାକୁ ପରାମର୍ଶ ଦେଇଥିଲେ l ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ କେନ୍ଦ୍ରର କାର୍ଯ୍ୟକ୍ରମ ପ୍ରସାରଣ ଅଧିକାରୀ ଦେବବ୍ରତ ଭୋଇ  l