31-Jul-2022

ବଲାଙ୍ଗିର, ଅପରାହ୍ନ ଘ.୩ ସମୟରେ ଶାନ୍ତିପଡା ଦୁର୍ଗା ମଣ୍ଡପ ଠାରେ ସଞ୍ଜୟ ମହାକୁରଙ୍କ ସଭାପତିତ୍ୱରେ ଡୁମାଲ ପରିଷଦ ସହରାଞ୍ଚଳ ବଲାଙ୍ଗିର ର ଏକ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ସର୍ବ ପ୍ରଥମେ ସଂପାଦକ ମଲିଆ ଗଡୁଆ ପୂର୍ବ ବୈଠକର ବିବରଣୀ ପଠନ କରିଥିଲେ ଓ ତାହା ଠିକ୍ ଥିବାରୁ ସଭାରେ ଏହାର ଦୃଢିକରଣ କରାଗଲା । ଆସନ୍ତା ମାସ ରେ ହେବାକୁ ଥିବା ପରିଷଦର ସାଧାରଣ ବୈଠକ ସମ୍ବନ୍ଧରେ ବିଶେଷ ଭାବରେ ଆଲୋଚନା କରାଯାଇଥିଲା ଏବଂ ଅଗଷ୍ଟ ମାସ ତୃତୀୟ ସପ୍ତାହରେ ଅନୁଷ୍ଠିତ କରିବାକୁ ନିଷ୍ପତ୍ତି ଗ୍ରହଣ କରାଗଲା । ଆଗାମୀ ବୈଠକରେ ମେଧାବୀ ଛାତ୍ର / ଛାତ୍ରୀମାନଙ୍କୁ ସମ୍ମାନିତ କରିବା ପାଇଁ ନିଷ୍ପତି ନିଆଗଲା । ବୈଠକରେ ସମ୍ପାଦକ ଶ୍ରୀ ଗଡୁଆ ଆୟ ବ୍ୟୟର ବିବରଣୀ ଉପସ୍ଥାପନ କରିଥିଲେ । ଡୁମାଲ ପରିବାରର ସର୍ଭେକାମ ତ୍ୱରାନ୍ୱିତ କରିବା ପାଇଁ ପ୍ରତ୍ୟେକ କାର୍ଯ୍ୟକାରିଣୀ ସଭ୍ୟମାନଙ୍କୁ ଦାୟିତ୍ୱ ଅର୍ପଣ କରାଗଲା । ଆଜିକାର ବୈଠକରେ ସଭାପତି, ସମ୍ପାଦକଙ୍କ ସମେତ ଉପସଭାପତି ଜିବନ କରନ ଓ ବୃନ୍ଦାବନ ମହାକୁର, ଯୁଗ୍ମ ସଂପାଦକ ଭରତ ମହାକୁର, କାର୍ଯ୍ୟ କାରିଣୀ ସଭ୍ୟ ଦୀନବନ୍ଧୁ ଡାଙ୍ଗ, ଭୋନାଥ ଗୁରହାଣ୍ଡି, ପଲଉ ଚାଉଲିଆ ଏବଂ ମାହେଶ୍ୱରୀ ସେନାର ସୁରେଶ ଚନ୍ଦ୍ର କମ୍ପ, ପାର୍ଥ କୁମାର କର୍ଣ୍ଣ ଉପସ୍ଥିତ ରହି ସଭାରେ ସକ୍ରିୟ ଅଂଶଗ୍ରହଣ କରିଥିଲେ । ପରିଶେଷରେ ବୃନ୍ଦାବନ ମହାକୁର ସମସ୍ତ ସଭ୍ୟବୃନ୍ଦଙ୍କୁ ଧନ୍ୟବାଦ ଅର୍ପଣ କରିଥିଲେ ।