24-Jul-2022

ବଲାଙ୍ଗିର (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଲାଠୋର ଥାନା ଅନ୍ତର୍ଗତ ଚୋରମୁଣ୍ଡା ଗ୍ରାମନିକଟ ରେଳଓ୍ବେ ଫାଟକ ପାଖରେ ବାପା ଓ ପୁଅଙ୍କୁ ମାରପିଟ କରି ହାତରୁ ବାଇକ ଛଡାଇ ଛୁ ଚମ୍ପଟ ମାରିବାକୁ ଉଦ୍ୟମ କରୁଥିବା ସମୟରେ ବାପ ପୁଅ ଚୋର ଚୋର ବୋଲି ଚିତ୍କାର କଲା ପରେ ଚୋରମୁଣ୍ଡା ଗ୍ରାମବାସୀ ଘଟଣାସ୍ଥଳକୁ ଦୌଡି

ଆସିଥିଲେ। ବାଇକ୍ କୁ ଉଦ୍ଧାର କରିବା ସହ ଚୋରକୁ ଅଟକ ରଖି ଲାଠୋର ପୋଲିସକୁ ଖବର ଦେଇ ଥିଲେ l ଚୋରକୁ ଗ୍ରାମବାସୀ ଜିମା ଦେଇଥିଲେ।ସୂଚନା ଅନୁସାରେ ବାପ ପୁଅ ସୋନପୁର ଜିଲ୍ଲା ବିନିକା ଅଞ୍ଚଳର ନୂଆପଡା ଜିଲ୍ଲା ପଟକରପାଲି ଗ୍ରାମ ର ତାଙ୍କର ସଂମ୍ପର୍କୀୟ ଘରକୁ ଆସିଥିଲେ।ହେଲେ ବାପ ପୁଅ କୌଣସି କାମ ପାଇଁ ଲାଠୋର ପଟକୁ ଯିବା ରାସ୍ତାରେ କୋମନା ଥାନା ଜଡଗଡ ପଞ୍ଚାୟତ ଗଡଗଡବାଲ ଗ୍ରାମର ରମାକାନ୍ତ ଖଇଁରା ରାସ୍ତାରେ ମତେ ବସେଇ ନିଅ କହିବାରୁ ବାଇକ ରେ ନେଇ ଆସିଥିଲେ। ହେଲେ ରାସ୍ତାରେ ଧମକ ଚମକ ଦେଇ ବାଇକ୍ ଲୁଟି ଫେରାର ହେବା ସମୟରେ ଚୋରମୁଣ୍ଡା ଗ୍ରାମବାସୀ ଲୁଟେରା ଙ୍କୁ ଅଟକ ରଖି ପୋଲିସକୁ ଖବର ଦେଇଥିଲେ।ଲାଠୋର ପୋଲିସ ଘଟଣାସ୍ଥଳରେ ପହଞ୍ଚି ବାଇକ୍ ଓ ଲୁଟେରାକୁ ଥାନାକୁ ଆଣି ତଦନ୍ତ ଚଲାଇ ଛନ୍ତି।