21-Jul-2022

ପାଟଣାଗଡ଼ ( ପୂର୍ଣ ଶଶୀ ଶେଖର ରାଓ )::ସାରା ଓଡ଼ିଶାର ଗର୍ବ ଓ ଗୌରବ ତଥା  ଦେଶର ୧୫ ତମ ରାଷ୍ଟ୍ରପତି ଭାବେ ଆଦିବାସୀ ମହିଳା ରାଷ୍ଟ୍ରପତି  ନିର୍ବାଚିତ ହୋଇଥିବା ବେଳେ ସାରା ରାଜ୍ୟରେ ଖୁସିର ଲହରୀ ଖେଳିଯାଇଛି। ରାଜ୍ୟର ସମସ୍ତ ଗାଁ ଗାଁ ରେ ଓ ସହର ମାନଙ୍କରେ ଆଜି ବିଜୟ ଉତ୍ସବ ପାଳନ କରାଯାଉଛି। ଏହି ପରିପ୍ରେକ୍ଷୀରେ ଆଜି ପାଟଣାଗଡ଼ ଉପଖଣ୍ଡ ଖପ୍ରାଖୋଲ ସହରରେ ପୂର୍ବତନ ମନ୍ତ୍ରୀ କନକବର୍ଦ୍ଧନ ସିଂହଦେଓ ଓ ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂ ଦେଓ ଙ୍କ ନିର୍ଦ୍ଦେଶକ୍ରମେ ଖପ୍ରାଖୋଲ ବ୍ଳକ ସାଂସଦ ପ୍ରତିନିଧି ପ୍ରବୀଣ ଅଗ୍ରୱାଲ ଙ୍କ ନେତୃତ୍ବରେ ଭାରତୀୟ ଜନତା ପାର୍ଟି ପକ୍ଷରୁ

ମିଷ୍ଟାନ୍ନ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଶହ ଶହ ମାତ୍ରାରେ ଲୋକଙ୍କୁ ମିଷ୍ଟାନ୍ନ ବଣ୍ଟନ କରି ଆନନ୍ଦ ସହକାରେ ବାଣ ଫୁଟାଇ ଥିଲେ। ଏହି କାର୍ଯ୍ୟକ୍ରମ ରେ ସାଂସଦ ପ୍ରତିନିଧି ପ୍ରବୀଣ ଅଗ୍ରୱାଲ, ଯୁବ ମୋର୍ଚ୍ଚା ସଭାପତି ଉପେନ୍ଦ୍ର ଭୋଇ, ଜେନେରାଲ ସେକ୍ରେଟାରୀ ଶିବା ସୁନା,୩ ନମ୍ବର ଜୋନ୍ ସଭାପତି ଶଶୀଭୂଷଣ ପୁଝାରୀ,୪ ନମ୍ବର ଜୋନ୍ ସଭାପତି ବବି ପାଣିଗ୍ରାହୀ, ସତ୍ୟାନନ୍ଦ ସେନ୍ଦ୍ରିଆ ବିଜେପି ପାର୍ଟି ର ଉପସଭାପତି ଙ୍କ ସମେତ ଭାରତୀୟ ଜନତା ପାର୍ଟିର ଅନେକ ବିଜେପି କର୍ମୀ ଯୋଗ ଦେଇ ସହଯୋଗ କରିଥିଲେ।