21-Jul-2022

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
 ଆଡ଼ିବନ୍ଧ ଉଜାଡି ଦେଲା ଚାଷୀଙ୍କ ସୁନା ଫସଲ । ନଦୀରେ ଭାସିଗଲା  ଚାଷ ଓ ଜମି । ଏପରି ଅଭିଯୋଗ ଆସିଛି  କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ୍ ତେଣ୍ଡାପାଲି ଗ୍ରାମରୁ । ଧର୍ମଗଡ଼ ବ୍ଲକ୍ ଦଣ୍ଡପାଟ ଅଞ୍ଚଳର ନଦୀ ନାଳ ଠାରେ ତିଆରି ହୋଇଛି ଅନେକ ଆଡ଼ିବନ୍ଦ । ଏଥି ପାଇଁ ଖର୍ଚ୍ଚହୋଇଛି କୋଟି କୋଟି ଟଙ୍କା କିନ୍ତୁ ରକ୍ଷଣାବେକ୍ଷଣ ଅଭାବ ଯୋଗୁ  କ୍ଷତି ସହୁଛି ଚାଷୀ । ତେଣ୍ଡାପାଳି ମୁଦ୍ରା ନଦୀ ଠାରେ ମଧ୍ୟ ଓଡିଶା ସରକାରଙ୍କ  ମୁଖ୍ୟମନ୍ତ୍ରୀ ଆଡିବନ୍ଦ  ଯୋଜନାରେ ଜଳସମ୍ପଦ ବିଭାଗ ପକ୍ଷରୁ ତିଆରି ହୋଇଛି ଅନେକ ଆଡିବନ୍ଦ । କିନ୍ତୁ ବିଭାଗୀୟ ଅଧିକାରୀ ଙ୍କ ଅବହେଳା ଓ ରକ୍ଷଣା ବେକ୍ଷଣ ଅଭାବ ଯୋଗୁଁ ଆଜି ଚାଷୀ ଦୁର୍ଦ୍ଦଶା ଭୋଗିଛି । ଗ୍ରାମର ଅନେକ ଚାଷୀ ନଦୀ କୂଳରେ ଥିବ ନିଜ ଚାଷ ଜମିରେ ଚାଷ କରି ପରିବାର ପୋଷଣ କରୁଥିଲେ। ହେଲେ ଆଡ଼ିବନ୍ଧ ର ତ୍ରୁଟି ପୂର୍ଣ୍ଣ ପରିଚାଳନା ଯୋଗୁଁ ଗତ ବାର ତାରିଖ ଦିନ ହୋଇଥିବା ଲଘୁଚାପ ଜନିତ ଲଗାଣ ବର୍ଷା ପ୍ରଭାବ ରେ ପାଣି ଚାଷ ଜମି କୁ ଧସେଇ ପଶି ଜମି ସହ ଚାଷ କୁ ଧୋଇ ନେଇଗଲା ।ଅନେକ ଚାଷୀଙ୍କ ପନିପରିବା,ଚିନାବାଦାମ,ମକା ଧାନ ଚାଷ ଉଜାଡି ଦେଲା ଫଳରେ ଚାଷୀ ମୁଣ୍ଡରେ ହାତଦେଇ ବସିଛି । ଏ ନେଇ କ୍ଷତିପୂରଣ ଦାବି ନେଇ ଧର୍ମଗଡ଼ ତହସିଲ ଦାର ଙ୍କ ନିକଟରେ ଅଭିଯୋଗ କରିଛନ୍ତି ଚାଷୀ । ଜମି ଚିହ୍ନଟ ଓ କ୍ଷୟକ୍ଷତି ଆକଳନ ସରିଛି ତାହାର ରିପୋର୍ଟ ସରକାରଙ୍କୁ ଦିଆଯିବ ଓ ତଦନୁସାରେ ଚାଷୀ କ୍ଷତିପୂରଣ ପାଇବେ ବୋଲି ଧର୍ମଗଡ଼ ତହସିଲଦାର ସୂଚନା ଦେଇଛନ୍ତି।