21-Jul-2022

ଚିପିଲିମା (ସଂଜୀବ ପାଣିଗ୍ରାହୀଙ୍କ ରିପୋର୍ଟ): ସମ୍ବଲପୁର ଜ଼ିଲ୍ଲା ଧନକଉଡା ବ୍ଲକ ଅଧିନସ୍ଥ କର୍ଡୋଲା,କଳାମାଟି,ବସନ୍ତପୁର ଓ କୁଦ ଗୁଣ୍ଡେରପୁର ଭଳି ୪ଟି ପଞ୍ଚାୟତକୁ ନେଇ ଚାରପାଲି ମାର୍କେଟୟାର୍ଡ ପରିସରରେ ଏକ ଭୀମଭୋଇ ଭୀନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି I ଜ଼ିଲ୍ଲା ପ୍ରଶାସନ ପକ୍ଷରୁ ଶିବିରଟି ଆୟୋଜନ କରାଯାଇଥିବାବେଳେ, ଏଥିରେ ବିଡିଓ ବସନ୍ତ ହାତୀଙ୍କ ତତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ,ଜିଲା ସାମିଜିକ ସୁରକ୍ଷା ଅଧିକାରୀ ସନ୍ତୋଷ ନାୟକ, ଜିଲା ପୁନର୍ନିବାସ ଭିନ୍ନକ୍ଷମ ଥଇଥାନ କେନ୍ଦ୍ର ଅଧିକାରୀ ରବିନ୍ଦ୍ର ଶତପଥି ପ୍ରମୁଖ ଯୋଗଦାନ କରି ଦୀପ ପ୍ରଜ୍ବଳନ ପୂର୍ବକ ଶିବିର ଉଦ୍ଘାଟନ କରିଥିଲେ I ଏହି ଶିବିରରେ ସର୍ବମୋଟ ୩୨୧ ଜଣ ଦିବ୍ୟାଙ୍ଗ ନାମ ପଞ୍ଜିକରଣ କରିଥିଲେ I ଏହି ଶିବିରରେ ଅସ୍ତିଶଲ୍ୟ ବିଶେଷଜ୍ଞ ଡ.ସଚ୍ଚିତାନନ୍ଦ ଖୁଣ୍ଟିଆ,ମାନସିକ ବିଶେଷଜ୍ଞ ଡା,ସୁଲତା ପତି,ଶ୍ରବଣ ବିଶେଷଜ୍ଞ ଡା.ଓମପ୍ରକାଶ ସିଂ ସାମନ୍ତ,ଅସ୍ତିଶଲ୍ୟ ଇଂ ସନ୍ତୋଷ ମିଶ୍ର,ଚକ୍ଷୁ ବିଶେଷଜ୍ଞ ଡା.ମଞ୍ଜୁଲତା ଦାସ,ଭ୍ରାମ୍ୟମାଣ ପରାମର୍ଶଦାତା ଭବାନୀ ମୁଦୁଲୀ ପ୍ରମୁଖ ଯୋଗଦାନ କରି ଭିନ୍ନକ୍ଷମ ମାନଙ୍କ ସ୍ବାସ୍ଥ୍ୟ ଯାଞ୍ଚ କରି ରିପୋର୍ଟ ପ୍ରଦାନ କରିଥିଲେ।ଶିବିରରେ ଟ୍ରାଇସାଇକଳ ୧୩ଜଣ, ଆଶାବାଡି ୮ଜଣ,କାଲିପର ପାଇଁ ୧୭ ଜଣ,ଶ୍ରବଣ ମେସିନ ପାଇଁ ୩୨ ଜଣ, ହ୍ବିଲଚେୟାର ପାଇଁ ୧୭ ଜଣ, ସିପି ଚେୟାର ପାଇଁ ୧୦ ଜଣ, ଡିଆଇଆଇ ଋଣ ପାଇଁ ୩ଜଣ, ବାଣୀଶ୍ରୀ ବୃତ୍ତି ପାଇଁ ୧୧ଜଣ,ଓ୍ବାକିଙ୍ଗ ଷ୍ଟିକପାଇଁ ୬ଜଣ,କୋନର ଚେୟାର ପାଇଁ ୫ଜଣ,ଓ ବାର୍ଦ୍ଧକ୍ୟ ଭତ୍ତା ପାଇଁ ୬୯ ଜଣ ମନୋନୀତ ହୋଇଥିବା ସୂଚନା ମିଳିଛି I ଆୟୋଜିତ ଶିବିରରେ ବ୍ଲକର ସମସ୍ତ ଅଧିକାରୀ,ଧନକଉଡା ଜୋନ ୨ ଜ଼ିଲ୍ଲା ପରିଷଦ,ସମସ୍ତ ସରପଞ୍ଚ, ସମିତି ସଭ୍ୟସଭ୍ୟା,ଓ୍ବାର୍ଡମେମ୍ବର, ଅଙ୍ଗନବାଡୀ କର୍ମୀ ସହଯୋଗ କରିଥିଲେ I