14-Jul-2022

ବଲାଙ୍ଗିର(ପ୍ରେରଣା ଖବର) ସ୍ଥାନୀୟ ତେଲିଗୋଠପଡା ସ୍ଥିତ ଚିତ୍ର, ସଂଗୀତ, ନୃତ୍ୟ ମହାବିଦ୍ୟାଳୟ “କଳାଧାମ” ଠାରେ ଆଦି କବି ବ୍ୟାସଦେବ ଙ୍କ ଜନ୍ମ ତିଥିରେ ଗୁରୁ ପୂର୍ଣ୍ଣିମା ଓ ଗୁରୁ ପୂଜନୋତ୍ସବ  ହର୍ଷଉଲ୍ଲାସରେ ପାଳିତ ହୋଇଯାଇଛି । ଏ ଅବସରରେ କଳାଧାମ ର ଛାତ୍ର ଛାତ୍ରୀ ତଥା ଅଭିଭାବକ ବୃନ୍ଦ ଉପସ୍ଥିତ ରହି ଗୁରୁ ପୂଜନୋତ୍ସବକୁ ପରିଚାଳନା କରିଥିଲେ । “କଳାଧାମ” ର ଅଧ୍ୟକ୍ଷ ତଥା ଗୁରୁଶ୍ରୀ ଦିଲ୍ଲିପ କୁମାର ସିଂହଦେଓ ସର୍ବ ପ୍ରଥମେ ଆଦିକବି ବ୍ୟାସଦେବ ଏବଂ ନିଜ ଗୁରୁମାନଙ୍କୁ ଦୀପ, ଧୂପ ଓ ଫୁଲ ଚନ୍ଦନ ଦେଇ ପୂଜନ କରିବା ସହ କିଭଳି ଭାରତୀୟ ପରମ୍ପରାରେ ଆଦିକାଳ ରୁ ବର୍ତ୍ତମାନ ପର୍ଯ୍ୟନ୍ତ ବ୍ୟକ୍ତିତ୍ୱ ଓ ସମାଜ ଗଠନରେ ଗୁରୁଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଛି ସେ ସମ୍ବନ୍ଧରେ ଛାତ୍ର ଛାତ୍ରୀଙ୍କୁ ମାର୍ଗ ଦର୍ଶନ କରିଥିଲେ । ପରେ ଛାତ୍ର ଛାତ୍ରୀମାନେ ଫୁଲ, ଚନ୍ଦନ, ମିଷ୍ଟାନ୍ନ ତଥା ଉପଢୈାକନ ଓ ନିଜ ଆଗ୍ରହ ଅନୁଯାୟୀ ଅନିତ ଦ୍ରବ୍ୟ ଗୁରୁଦକ୍ଷିଣା ପୂର୍ବକ ଗୁରୁଙ୍କୁ ନିଜର ଭକ୍ତି ଅର୍ଘ୍ୟ ଅର୍ପଣ କରିଥିଲେ । ଉପସ୍ଥିତ ସମସ୍ତଙ୍କୁ ମିଷ୍ଟାନ୍ନ ବଣ୍ଟନ ପୂର୍ବକ ଗୁରୁ ପୂଜନ କାର୍ଯ୍ୟକ୍ରମକୁ ସଂପାଦକ କରାଯାଇଥିଲା ।