13-Jul-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ ଡିଗ୍ରୀ ମହାବିଦ୍ୟାଳୟର ସଂସ୍କୃତ ବିଭାଗ ପକ୍ଷରୁ ସମସ୍ତ ଛାତ୍ରଛାତ୍ରୀ ମାନଙ୍କୁ ନେଇ ଗୁରୁ ପୂର୍ଣ୍ଣିମା ଦିବସ ପାଳନ କରାଯାଇଛି।ଏହି ସଭାରେ ଅଧ୍ୟକ୍ଷତା କରିଥିଲେ ରାଜନିତି ବିଭାଗର ବରିଷ୍ଠ ଅଧ୍ୟାପକ ଶ୍ରୀଯୁକ୍ତ ରୁଦ୍ରନାରାୟଣ ଦାସ। ପ୍ରଥମ ଗୁରୁ ହେଉଛନ୍ତି ନିଜର ମା ତଥା ତାପରେ ଶିକ୍ଷା ଗୁରୁ ଏବଂ ବ୍ୟାସଦେବ ହେଉଛନ୍ତି ସମସ୍ତଙ୍କ ଗୁରୁ ବୋଲି ଛାତ୍ରଛାତ୍ରୀ ମାନଙ୍କୁ ବୁଝାଇଥିଲେ।ସଭା ପ୍ରାରମ୍ଭରେ ସଂସ୍କୃତ ବିଭାଗର ଅଧ୍ୟାପକ ଶ୍ରୀଯୁକ୍ତ ହରିଶ୍ଚନ୍ଦ୍ର ହୋତା ବେଦପାଠ  କରିବା ସହିତ ସଭାର ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ। ମୁଖ୍ୟବକ୍ତା ଭାବେ ବରିଷ୍ଠ  ଇଂରାଜି ଅଧ୍ୟାପକ  ବାଣୀପ୍ରସାଦ ବିଶ୍ବାଳ ବ୍ୟାସଦେବଙ୍କ ଜନ୍ମତିଥିକୁ ଗୁରୁ ପୂର୍ଣ୍ଣିମା ଦିବସ ରୂପେ ପାଳନ କରାଯାଏ ବୋଲି ଛାତ୍ରଛାତ୍ରୀ ମାନଙ୍କୁ ବୁଝାଇଥିଲେ।
ଏହି ସଭାରେ ଉପସ୍ଥିତ ଥିଲେ ଅଧ୍ୟାପିକା ଦିପ୍ତୀରାଣୀ ସ୍ବାଇଁ, ପ୍ରମିତା ମିଶ୍ର,ବିଘ୍ନେଶ୍ୱରୀ ପୂଜାରୀ,ଜାନକୀ ସାମିନୀ,ଦୀପିକା ବାରିକ, ଅଧ୍ୟାପକ ମାନେ ହେଲେ ଭଗବାନ ସାହୁ,ମାନସ ରଞ୍ଜନ ମିଶ୍ର,।ସଭାକୁ ପରିଚାଳନା କରିଥିଲେ ଅର୍ଥଶାସ୍ତ୍ର ବିଭାଗର ଅଧ୍ୟାପକ ଶ୍ରୀଯୁକ୍ତ ବିଶ୍ଵନାଥ ମିଶ୍ର।ସଭା ଶେଷରେ ଧନ୍ୟବାଦ ଅର୍ପଣ କରିଥିଲେ ସଂସ୍କୃତ ବିଭାଗର ଛାତ୍ର ଅଚ୍ୟୁତ ସାହୁ ।ସେହିପରି ବିନିକା ସହରର ସମସ୍ତ ସରକାରୀ ବେସରକାରୀ ଅନୁଷ୍ଠାନ ମାନଙ୍କରେ ମଧ୍ୟ ଗୁରୁପୂର୍ଣ୍ଣିମା ଦିବସ ଆଡ଼ମ୍ବରପୂର୍ଣ୍ଣ ଭାବରେ ପାଳିତ ହୋଇଯାଇଛି ।