13-Jul-2022

ବରଗଡ:-ପଞ୍ଚାୟତ ହାଇସ୍କୁଲ ସମ୍ବଲପୁରୀ ଠାରେ ଆଜି ବନମହୋତ୍ସବ ପାଳିତ ହୋଇଯାଇଛି। ପାଇକମାଳ ବ୍ଳକ ଅନ୍ତର୍ଗତ ସରେଇକେଲା ଗ୍ରାମପଞ୍ଚାୟତ ର ସରପଞ୍ଚ ଶ୍ରୀମାନ ଉପେନ୍ଦ୍ର ପଟେଲ ମୁଖ୍ୟ ଅତିଥି ଭାବେ ଯୋଗ ଦେଇ ବୃକ୍ଷ ହିଁ ଜୀବନ ର ଏକ ଅଂଶ ବିଶେଷ ଉପରେ ଆଲୋକପାତ କରିଥିଲେ। ସମ୍ମାନୀତ ଅତିଥି ଭାବେ ସମିତି ସଭ୍ୟ ଅନୀତା ସାହୁ ଯୋଗଦାନ କରି ସ୍କୁଲ ର ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ । ଫରେଷ୍ଟର ପୂର୍ଣ୍ଣଚନ୍ଦ୍ର ଦୋରା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ସ୍କୁଲ ପରିସରରେ ଛାତ୍ର ଛାତ୍ରୀ ତଥା

ଶିକ୍ଷକବୃନ୍ଦ ବୃକ୍ଷ ରୋପଣ କରିଥିଲେ। ପ୍ରାରମ୍ଭରେ ମୁଖ୍ୟ ଅତିଥି ଶ୍ରୀମାନ ପଟେଲ ନିଜେ ଗାତ ଖୋଳି ଗଛଟିଏ ଲଗାଇବା ପରେ ଏହି କାର୍ଯ୍ୟକ୍ରମ କୁ ଛାତ୍ର ଛାତ୍ରୀ ମାନେ ଆଗେଇ ନେଇଥିଲେ । ପ୍ରଧାନ ଶିକ୍ଷକ ମହିପାଲ ବେହେରା, ଶିକ୍ଷକ ବିନୋଦ ବିହାରୀ ସାହୁ, ନରସିଂହ ନାୟକ, ଧର୍ମ ପ୍ରଧାନ,ପ୍ରମୋଦ କୁମାର ନାୟକ, ରାଜ୍ୟପାଳ ଗଡତିଆ,ଜେହେରୁ ଡନସନା, ଗଦାଧର ପୋଡ, ମନୋଜ ଅଗ୍ରୱାଲ ପ୍ରମୁଖ ସମସ୍ତ ପ୍ରକାର ସହଯୋଗ କରିଥିଲେ।