11-Jul-2022

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) ଭରସୁଜା ପଂଚାୟତ ଅଧିନସ୍ଥ ଛେଳିଆପାଟ ନୋଡାଲ ଉଚ୍ଚ ବିଦ୍ୟାଳୟରେ  :୭୩ତମ ବନୋ ମହୋତ୍ସବ ପାଳିତ ହୋଇଯାଇଛି l ହାଇସ୍କୁଲର ପ୍ରଧାନ ଶିକ୍ଷକ ଦିଲ୍ଲୀପ କୁମାର ପାଢ଼ୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ବଲାଙ୍ଗୀର ଜିଲ୍ଲା ପରିଷଦ ଅଧ୍ୟକ୍ଷl ଶ୍ରୀମତୀ ଦେବକୀ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଆଗଲପୁର ଉପାଧ୍ୟାକ୍ଷl ଶ୍ରୀମତୀ ନିରୁପମା ପଧାନ ଓ ଲୋଇସିଂହା ବନାଞ୍ଚଳ ଅଧିକାରୀ ପାଉଲ ହରପାଳ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ଲ ବିଦ୍ୟାଳୟର ସବୁଜ ବାହିନୀ ଇକୋକ୍ଲବ ଆନୁକୂଲ୍ୟରେ ଆୟୋଜିତ ଏହି ଉତ୍ସବରେ ଇକୋକ୍ଲବ ଭାରପ୍ରାପ୍ତ ଶିକ୍ଷକ ଆନନ୍ଦ କୁମାର ସାହୁ ଅତିଥି ମାନଙ୍କ ପରିଚୟ ପ୍ରଦାନ ସହ ସ୍ୱାଗତ ଭାଷଣ ଦେଇଥିଲେ l ଇକୋକ୍ଲବ ଛାତ୍ରଛାତ୍ରୀ ସ୍କୁଲ ସଂଲଗ୍ନ ପଡିଆରେ ୩ଶହ ଗୋଟି ସାଗୁଆନ, ଶିଶୁ ଓ ଦେବଦାରୁ ଚାରାରୋପଣ କରିଥିଲେ l ଏହି ଚାରାରୋପଣ କାର୍ଯ୍ୟକ୍ରମକୁ ସରଗାଡ଼ ବନପାଳ ସୁନିଲ କୁମାର ମିଶ୍ର,

ସାଲେଭଟା ବନପାଳ ବିମ୍ବାଧର ବେହେରା ଓ ବନରକ୍ଷୀ ମୋତିଲାଲ ସାହୁ, କବି ପଧାନ ଓ ଶିକ୍ଷକ ସଞ୍ଜୟ କୁମାର ସାହୁ, ଦିଗାମ୍ବର ସାହୁ, ଧନଞ୍ଜୟ ଭୋଇ ପ୍ରତ୍ୟକ୍ଷ ତତ୍ୱାବଧାନ କରିଥିଲେ l ଏହି ଅବସରରେ ବିଦ୍ୟାଳୟର ଚଳିତ ବର୍ଷର ହାଇସ୍କୁଲ ସାର୍ଟିଫିକେଟ ପରୀକ୍ଷାରେ ଭଲ ନମ୍ବର ପାଇଥିବା ଛାତ୍ର ବିରାଜ ସାହୁ, ଆଦିତ୍ୟ ନାରାୟଣ ସାହୁ ଓ ଛାତ୍ରୀ ଅର୍ଚନା ପଧାନଙ୍କୁ ମୁଖ୍ୟ ଅତିଥି ମାନପତ୍ର ଓ ଉପଢ଼ୋକନ ପ୍ରଦାନ କରିଥିଲେ l ସିଆରସିସି ରମେଶ ଚନ୍ଦ୍ର ତ୍ରିପାଠୀ ଧନ୍ୟବାଦ ଅର୍ପଣ କରିଥିବା ବେଳେ ଶିକ୍ଷୟତ୍ରୀ ସୁଜାତା ସାହୁ, ଲୋଚନା ସାହୁ ଓ ସୁଜ୍ଞାରାଣୀ ସାହୁ ଉକ୍ତ କାର୍ଯ୍ୟରେ ବିଶେଷ ସହଯୋଗ କରିଥିଲେ l