06-Jul-2022

ଉଲୁଣ୍ଡା (ଗୌରଚନ୍ଦ୍ର ପରିଛା) ଉଲୁଣ୍ଡାକୁ ଗତକାଲି ଆରଡିସି ସୁରେଶ ଚନ୍ଦ୍ର ଦଲେଇ ଗସ୍ତ କରିଛନ୍ତି । ପ୍ରଥମେ ବ୍ଲକର ପାତାଳୀ ଶ୍ରକ୍ଷେତ୍ରକୁ ପରିଦର୍ଶନ କରିଥିଲେ । ସେଠାରେ ଆଡପମଣ୍ଡପରେ ଠାକୁରଙ୍କ ଦର୍ଶନ କରିବା ସହ ପୁଜାର୍ଚନା କରିଥିଲେ । ପରେ ଆରଡିସିଙ୍କ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା । ବୈଠକରେ ସୁବର୍ଣ୍ଣପୁର ଜିଲ୍ଲାପାଳ ଆବୋଲି ସୁନିଲ ନରୱାଣେ, ବୀରମହାରାଜପୁର ଉପଜିଲ୍ଲାପାଲ ଅଶୋକ ଭୋଇ, ଉଲୁଣ୍ଡା ବିଡିଓ ହେମସାଗର ଭୋଇ ଯୋଗ ଦେଇଥିଲେ । ବିଶେଷକରି ବିଭିନ୍ନ ଉନ୍ନୟନମୂଲକ ଯଥା ଓଟିଡିସି, ଘାଟିରାସ୍ତା, ମନ୍ଦିର ନିର୍ମାଣ, ଯାନବାହାନ ପାର୍କିଂ ବ୍ୟବସ୍ଥା ଉପରେ ସମୀକ୍ଷା କରିଥିଲେ । ଟ୍ରଷ୍ଟର ସଦସ୍ୟ ପୁର୍ଣ୍ଣଚନ୍ଦ୍ର ପାଢୀ ପାତାଳୀ ଶ୍ରୀକ୍ଷେତ୍ରରେ ରହିଥିବା ବିଭିନ୍ନ ସମସ୍ୟା ଉପରେ ଅଧିକାରୀ ମାନଙ୍କୁ ଅବଗତ କରାଇଥିଲେ । ସେହିପରି ବିଶିପଡା ୫ଟିମଡେଲ ହାଇସ୍କୁଲକୁ ଆରଡିସି ଏବଂ ଜିଲ୍ଲାପାଲ ପରିଦର୍ଶନ କରିଛନ୍ତି । ପ୍ରଥମେ ବିଦ୍ୟାଲୟରେ ପହଂଚିଲା ପରେ ତାଙ୍କୁ ବିଦ୍ୟାଲୟ ତରଫରୁ ସ୍ୱାଗତ କରାଯାଇଥିଲା । ପରେ ବିଦ୍ୟାଲୟର ପ୍ରଧାନ ଶିକ୍ଷକ ଦିଲ୍ଲିପ କୁମାର ପାଢୀଙ୍କ ସହ ବିଭିନ୍ନ ସମସ୍ୟା ଉପରେ ଆଲୋଚନା କରିବା ସହ ବିଭିନ୍ନ ବିଷୟ ଉପରେ ପରାମର୍ଶ ଦେଇଥିଲେ । ପରେ ବିଜ୍ଞାନଗାରରେ ଶିକ୍ଷକ କେଶବ କୁମାର ଦାସ, କମ୍ପୁଟର ଲେବରେ ମାନଭଂଜନ ପାଢୀ ଏବଂ ସ୍ମାର୍ଟ କ୍ଲାସରେ ସନ୍ତୋଷ ମହାକୁର ପାଠ ପଢାଉଥିବା ଦେଖି ଖୁସି ବ୍ୟକ୍ତ କରିବା ସହ ଛାତ୍ରଛାତ୍ରୀଙ୍କ  ସହିତ ଭାବର ଆଦାନ ପ୍ରଦାନ କରିଥିଲେ । ଆରଡିସି ଓ ଜିଲ୍ଲାପାଲଙ୍କ ଗସ୍ତ  ସମୟରେ ଡେପୁଟି କଲେକ୍ଟର ଅଭିଲାଷ କୁମାର ପୁରୋହିତ, ଉପଜିଲ୍ଲାପାଲ, ବିଡିଓଙ୍କ ସମେତ ବିଦ୍ୟାଲୟର ଶିକ୍ଷକ ବୀରମିତ୍ର ବାଘ, ପୁଷ୍ପାଞ୍ଜଲି ନାଏକ, ପ୍ରହଲ୍ଲାଦ ନାଏକ ପ୍ରମୁଖ ଉପସ୍ଥିତ ରହିଥିଲେ ।