06-Jul-2022

ସିନ୍ଧେକେଲା : ଜଣେ କର୍ତ୍ତବ୍ଯରତ ସାମ୍ବାଦିକଙ୍କୁ ବଲାଙ୍ଗୀର ସଦର ଥାନା ଏଏସଆଇ ଆକ୍ରମଣ ଘଟଣାକୁ ଘୋର ନିନ୍ଦା କରିଛନ୍ତି ବଙ୍ଗୋମୁଣ୍ଡା ବ୍ଲକ କାର୍ଯ୍ୟରତ ସାମ୍ବାଦିକ ଗଣ । ରାଜ୍ଯ ସରକାର ପୋଲିସ ପ୍ରଶାସନ କୁ ୫ ଟି ରେ ସାମିଲ କରିଛନ୍ତି । ସାଧାରଣ ଲୋକେ ଥାନାକୁ ଗଲେ ଭଲ ବ୍ୟବହାର ସହ ବସିବା ସହ ପାନୀୟଜଳ ବ୍ୟବସ୍ଥା କରିବାକୁ ଥାନା ମାନଙ୍କୁ ସରକାରୀ ଆଦେଶ ଦିଆ ଯାଇଥିଲା। ଆମ ପୋଲିସ ସମିତି ଭଲି ମାସିକ ବୈଠକ କରି ସାଧାରଣ ଲୋକଙ୍କ ସହ ଅଧିକରୁ ଯୋଡିହେବା ସହ ନିକଟତର ହେବା ପାଇଁ ଥାନା ମାନଙ୍କୁ ନିର୍ଦ୍ଦେଶ ଅଛି । ହେଲେ ଏ ସବୁ ସତେ ଯେମିତି ବଲାଙ୍ଗୀର ଜିଲ୍ଲାରେ ଓଲଟା ରୁପ ନେଇଛି । ସାଧାରଣ ଲୋକଙ୍କ କଥା ତ ଛାଡନ୍ତୁ ଖୋଦ ଗଣତନ୍ତ୍ରର ଚତୁର୍ଥ ସ୍ତମ୍ଭ କୁହା ଯାଉଥିବା କର୍ତ୍ତବ୍ଯରତ ସାମ୍ବାଦିକ ଙ୍କୁ ଆକ୍ରମଣ କରୁଛି ତେବେ ଏ ଜିଲ୍ଲାରେ ସାଧାରଣ ଜନତା କିଭଲି ବ୍ୟବହାର ପାଉଥିବେ ଏହା ନିଶ୍ଚିତ ଅନୁଧ୍ୟାନ ର ବିଷୟ । ଯୋଉ ସାମ୍ବାଦିକ ମାନେ ସମାଜର ଦର୍ପଣ ତାଙ୍କୁ ଆକ୍ରମଣ ନିଶ୍ଚିତ ନିନ୍ଦନୀୟ। ତେଣୁ ଯେଉଁ ପୋଲିସ ଏଏସଆଇ ସାମ୍ବାଦିକଙ୍କୁ ଆକ୍ରମଣ କରିଛନ୍ତି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାର ଆବଶ୍ୟକତା ରହିଛି ବୋଲି ସାମ୍ବାଦିକ ମାନେ ଏହି ଘଟଣାକୁ ନିନ୍ଦା କରିବାସହ ତୁରନ୍ତ ଏସପି ମହୋଦୟ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ ବୋଳି ଦାବି କରିଛନ୍ତି । ଏହି ବୈଠକ ରେ ସାମ୍ବାଦିକ ଦୀପକ ଯାଦବ, ରଶ୍ମିରଞ୍ଜନ ପୁଟେଲ, ହୁଲେଶ୍ବର ହଂସ, ଅଶୋକ ଭୋଇ, ଅନିଲ କୁମାର ତ୍ରିପାଠୀ, ଦିନେଶ ଜୈନ, ନିତ୍ୟାନନ୍ଦ ପୃଷେଠ ପ୍ରମୁଖ ଉପସ୍ଥିତ ଥିଲେ।