05-Jul-2022

 ବଲାଙ୍ଗୀର (ପ୍ରେରଣା ଖବର) - ତରଭା ବ୍ଲକ ଅନ୍ତର୍ଗତ ମେଣ୍ଡା ସ୍ଥିତ ମହର୍ଷି ବୁଦ୍ଧରାମ ଡିଗ୍ରୀ ମହାବିଦ୍ୟାଳୟ(ଗୋବିନ୍ଦବିହାର) ଠାରେ କଲେଜର  ଅଧ୍ୟକ୍ଷ ସଚ୍ଚିଦାନନ୍ଦ ରଥଙ୍କ ଅଧ୍ୟକ୍ଷତା ଏବଂ କଲେଜର ଏନ୍ ଏସ୍ ଏସ୍ ଓ ଯୁବ ରେଡ଼ କ୍ରସର ମିଳିତ ଆନୁକୂଲ୍ୟରେ  କାଉନସିଲର୍ ଅଧ୍ୟାପିକା ରୋଜି ମାହାଣା,  ଅଧ୍ୟାପକ ଉମାକାନ୍ତ ନାଗ ଏବଂ ବିକାଶ ଝାଙ୍କରଙ୍କ ପରିଚାଳନାରେ  ବନ ମହୋତ୍ସବ କାର୍ଯ୍ୟକ୍ରମ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପାଇକ ବାହାଲ ସରପଞ୍ଚ ଶ୍ରୀଯୁକ୍ତ ଗଣନାଥ ସାହୁ , ସମ୍ମାନିତ ଅତିଥି ଭାବରେ ନାରାୟଣ ପୁର ବନ ବିଭାଗର  ଫରେଷ୍ଟର ଶ୍ରୀ କିରଣ କୁମାର ବିଶୋଇ,ମହାବିଦ୍ୟାଳୟର ପରିଚାଳନା କମିଟି ସଭାପତି  ବାଳଗୋପାଳ ପଣ୍ଡା , ଅଧ୍ୟାପକ ପ୍ରିୟବ୍ରତ ମହାକୁର, ଅଧ୍ୟାପକ ମଧୁମଙ୍ଗଳ ଖମାରୀ, ଯୋଗ ଦେଇ ବୃକ୍ଷ ରୋପଣର ଆବଶ୍ୟକତା  ବିଷୟରେ ଆଲୋଚନା କରିଥିଲେ । ଅଧ୍ୟାପକ ବିକାଶ ଝାଙ୍କର ଧନ୍ୟବାଦ ଅର୍ପଣ କରିଥିଲେ ।  ମହାବିଦ୍ୟାଳୟର  କମିଟି ସଦସ୍ୟ   ଚୈତନ୍ୟ ବାରିକ, ଶ୍ରୀଯୁକ୍ତ ହୃଷୀକେଶ ପାତ୍ର,  ମହାଦେବ ଜେନା,  ସବ୍ୟସାଚୀ ଦଣ୍ଡ ସେନା,  ସିଦ୍ଧାର୍ଥ ଅଗ୍ରୱାଲ, ଯୋଗ ଦେଇ  ବହୁ ଛାତ୍ର ଛାତ୍ରୀଙ୍କ  ସହିତ ମିଳିତ ଭାବରେ କଲେଜ ପରିସରରେ ବିଭିନ୍ନ ବୃକ୍ଷର ୧୫୦ ରୁ ଉର୍ଦ୍ଧ୍ବ ଚାରା ରୋପଣ କରାଯାଇଥିଲା । କଲେଜର  ସମସ୍ତ କର୍ମଚାରୀ ବୃନ୍ଦଙ୍କ ସହଯୋଗରେ  କାର୍ଯ୍ୟକ୍ରମଟି ସାଫଲ୍ୟ ମଣ୍ଡିତ ହୋଇଥିଲା ।