27-Jun-2022

ନୟାଗଡ଼(ପ୍ରଦୀପ କୁମାର ପଣ୍ଡା): ଶହେ ବର୍ଷରୁ ଉର୍ଦ୍ଧ ସମୟ ହେଲା କାର୍ଯ୍ୟକାରୀ ହୋଇଆସୁଥିବା ଉଚ୍ଚପ୍ରାଥମିକ ବିଦ୍ୟାଳୟ କୁ ଜିଲ୍ଲା ତଥା ବ୍ଳକ ପ୍ରଶାସନ ର ଅଣଦେଖା ଏବେ ପାଲଟିଛି ଚର୍ଚ୍ଚାର ବିଷୟ | ଆଠୋଟି ଶ୍ରେଣୀ ଶିକ୍ଷକ ସଂଖ୍ୟା ପାଞ୍ଚ | ଜଣେ ଶିକ୍ଷୟିତ୍ରୀ ଆସୁ ନଥିବା ବେଳେ ଆଞ୍ଚଳିକ ସାଧନା ସଂଯୋଜକ  ଏବଂ ପ୍ରଧାନ ଶିକ୍ଷକଙ୍କ ବିଭିନ୍ନ ସରକାରୀ କାର୍ଯ୍ୟବ୍ୟସ୍ତତାର ଶିକାର ହେଉଛନ୍ତି ବିଦ୍ୟାର୍ଥୀ | ଏପରିକି ବିଜ୍ଞାନ ଯୁଗରେ ଗଣିତ, ବିଜ୍ଞାନ, ସଂସ୍କୃତ ଏବଂ ହିନ୍ଦି ଶିକ୍ଷକଙ୍କ ଅଭାବ ଅଭିଭାବକଙ୍କ ମୁଣ୍ଡବିନ୍ଧାର କାରଣ ପାଲଟି ଥିବା ବେଳେ ଭଗ୍ନାବସ୍ଥାରେ ଶ୍ରେଣୀ ଗୃହ କୋମଳମତି ବିଦ୍ୟାର୍ଥୀଙ୍କ ଜୀବନ ବିପଦପୂର୍ଣ୍ଣ ବୋଲି  ବିଦ୍ୟାଳୟରୁ ଫେରିବା ବାଟକୁ ଚାହିଁ ରହୁଛନ୍ତି ମା ମାନେ | ଏଭଳି ଏକ ଅଣଶୈକ୍ଷିକ ପରିବେଶ ର ଦୃଷ୍ଟିଗୋଚର ହୋଇଛି ନୟାଗଡ ଜିଲ୍ଲା ଖଣ୍ଡପଡା ବ୍ଳକ ଅଧୀନ ଉଚ୍ଚ ପ୍ରାଥମିକ ମଧ୍ୟ ଇଂରାଜୀ ବିଦ୍ୟାଳୟ କୁମ୍ଭାରପଡ଼ା ଠାରେ | ଭଗ୍ନ ଶ୍ରେଣୀଗୃହର ମରାମତି ସହିତ ଶିକ୍ଷକ ଅଭାବ ଭଳି ସମସ୍ୟାର ସମାଧାନ ପାଇଁ ଉକ୍ତ ବିଦ୍ୟାଳୟ ପରିଚାଳନା କମିଟି ତରଫରୁ ଲିଖିତ ଅଭିଯୋଗ ଜିଲ୍ଲପାଳ ମହୋଦୟା, ଜିଲ୍ଲା ଶିକ୍ଷାଧିକାରୀ, ବ୍ଳକ ଶିକ୍ଷାଧିକାରୀ, ଗୋଷ୍ଠି ଉନ୍ନୟନ ଅଧିକାରୀଙ୍କୁ ଦୀର୍ଘ ଦିନ ହେଲା ଦିଆଯାଇଥିବା ବେଳେ ଏଯାବତ କୌଣସି କାର୍ଯ୍ୟାନୁଷ୍ଠାନ ଗ୍ରହଣକରାଯାଇନାହିଁ | ଓଡିଶା ସରକାର ପ୍ରାଥମିକ ଶିକ୍ଷାକୁ ଗୁରୁତ୍ୱ ଦେଇ କୋଟିକୋଟି ଟଙ୍କାର ରାଜସ୍ବ ଖର୍ଚ୍ଚ କରୁଥିବା ବେଳେ ପ୍ରଶାସନିକ ଅଧିକାରୀ ମାନଙ୍କ ଅବହେଳା ହେତୁ କୋମଳମତି ବିଦ୍ୟାର୍ଥୀ ମାନେ ଉତ୍ତମ ଶିକ୍ଷାରୁ ବଞ୍ଚିତ ହେଉଛନ୍ତି | ପ୍ରକାଶଥାଉକି   ୨୦୨୨/୨୩ ଶିକ୍ଷା ବର୍ଷରେ ଉକ୍ତ ବିଦ୍ୟାଳୟର

ବିଦ୍ୟାର୍ଥୀ ଙ୍କ ସଂଖ୍ୟା ୨୨୮ | ଯୁଦ୍ଧକାଳୀନ ଭିତ୍ତିରେ ଉକ୍ତ ରାମଚନ୍ଦ୍ର ଉଚ୍ଚ ପ୍ରାଥମିକ ମଧ୍ୟ ଇଂରାଜୀ ବିଦ୍ୟାଳୟର ସମସ୍ୟା ର ସମାଧାନ କରାନଗଲେ ବିଦ୍ୟାଳୟ ପରିଚାଳନା କମିଟିର ସମସ୍ତ ସଦସ୍ୟଙ୍କ ସମେତ ଅଭିଭାବକ ମାନେ ଧାରଣା ଦେବେ ବୋଲି ଗଣମାଧ୍ୟମ ଆଗରେ ପ୍ରକାଶ କରିଛନ୍ତି | ଅନ୍ୟପଟରେ କୁମ୍ଭାରପଡ଼ା ପଞ୍ଚାୟତ ର ସରପଞ୍ଚ ଚିନ୍ମୟ କୁମାର ପଣ୍ଡା ବିଦ୍ୟାଳୟ ମରାମତି ଏବଂ ଶିକ୍ଷକ ସମସ୍ୟା ଦୁରକରିବାର ପ୍ରତିଶୃତି ଦେଇଥିବାରୁ କେତେଦୂର କାର୍ଯ୍ୟକାରୀ କରୁଛନ୍ତି ତାହା ଦେଖିବାକୁ ବାକିଅଛି ବୋଲି ଶିକ୍ଷାବିତଙ୍କ ମହଲରେ ଚର୍ଚ୍ଚା ହେଉଛି |