21-Jun-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନିକଟରେ ଏଚଡ଼ିଏଫସି ବ୍ୟାଙ୍କ ର ଏଟି ଏମ୍ ଉଦଘାଟିତ ହୋଇଯାଇଛି। ମୁଖ୍ଯ ଅତିଥି ଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଳୁଜା ଓ ସମ୍ମାନିତ ଅତିଥି ଭାବେ ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷା ରଞ୍ଜୁବାଲା ବେହେରା  ଯୋଗଦେଇ ଏଟିଏମ ର ଶୁଭ ଉଦଘାଟନ କରିଥିଲେ। ସିନ୍ଧେକେଲା ବଲାଙ୍ଗୀର, କଳାହାଣ୍ଡି ଓ ନୁଆପଡା ଜିଲ୍ଲାର ସୀମାନ୍ତରେ ଅବସ୍ଥିତ ଥିବା ଯୋଗୁଁ ତିନୋଟି ଜିଲ୍ଲାର ସିମାନ୍ତ ରେ ରହୁଥିବା ଲୋକଙ୍କ ଦୈନନ୍ଦିନ ଜୀବନ ପାଇଁ ସିନ୍ଧେକେଲା ଏକ ପ୍ରମୁଖ ସ୍ଥଳ ତେଣୁ ଏହାଏକ ବ୍ୟବସାୟିକ ପେଣ୍ଠ ସ୍ଥଳୀ ରୁପେ ଉଭା ହୋଇଛି । ତଥା ଏଠାରେ ସ୍କୁଲ, କଲେଜ,ହସ୍ପିଟାଲ, ପୋଲିସ ଷ୍ଟେସନ ଭଲି ଅନେକ ସରକାରୀ 

ଓ ବେସରକାରୀ ଅନୁଷ୍ଠାନ ରହିଥିବାରୁ ଏଠାରେ ଏଟି ଏମ୍ ଏକ ଗୁରୁତ୍ୱପୂର୍ଣ୍ଣ ଭୁମିକା ବହନ କରୁଛି ତେଣୁ ଲୋକେ ଏଥିରୁ ବେଶ ଉପକୃତ ହୋଇ ପାରିବେ ବୋଳି ଶ୍ରୀ ସାଳୁଜା ଉପସ୍ଥିତ ଲୋକଙ୍କୁ ନିଜ ବକ୍ତବ୍ଯରେ କହିଥିଲେ। ଅନ୍ୟମାନଙ୍କ ମଧ୍ଯରେ ଏଚଡ଼ିଏଫସି ବ୍ୟାଙ୍କର ସମସ୍ତ କର୍ମଚାରୀଙ୍କ ସହ ସିନ୍ଧେକେଲା ସମିତିସଭ୍ଯ ଭୋଲାନାଥ ବେହେରା, ପୁର୍ବତନ ଜିଲ୍ଲା ପରିଷଦ ସଦସ୍ଯ ସନ୍ତୋଷ ନାଏକ, ଯୁବନେତା ଯୁବରାଜ ବାଗ, ବଙ୍ଗୋମୁଣ୍ଡା ବ୍ଲକ ପୁର୍ବତନ ସରପଞ୍ଚ ସଂଘର ସଭାପତି ଉପେନ୍ଦ୍ର ମେହେର, ଓମପ୍ରକାଶ ସାହୁଙ୍କ ସମେତ ବହୁ ଦଳୀୟ କର୍ମୀ ଓ ଜନ ସାଧାରଣ ଉପସ୍ଥିତ ଥିଲେ । ପରେ ଲୋକଙ୍କ ଅଭିଯୋଗ ଅନୁଯାଇ ସିନ୍ଧେକେଲା ଉନ୍ଦେର ନଦୀରୁ ଆରଡବ୍ଲୁଏସଏସ ବିଭାଗ ତରଫରୁ ପାଇପ ଯୋଗେ ଜଳଯୋଗାଣ ପ୍ରକଳ୍ପ ପାଇଁ ଥିବା ଟ୍ରାନ୍ସଫର୍ମରର ଲୋ ଭୋଲ୍ଟେଜ ସମସ୍ୟା ଯୋଗୁଁ ପାନୀୟଜଳ ଯୋଗାଣ ବାଧାପ୍ରାପ୍ତ ହେଉଥିବାରୁ ତାର ସମାଧାନ ଓ ଟିଟିଲାଗଡ ରାସ୍ତାରେ ଥିବା ଜୈନ ଭବନ ଠାରେ ଥିବା ଟ୍ରାନ୍ସଫର୍ମର ବଦଲାଇବା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ।