20-Jun-2022

ବଲାଙ୍ଗିର(ଅନ୍ତର୍ଯ୍ୟାମୀ ସାହୁ)- ପୁଇଁନ୍ତଲା ବ୍ଲକ ଅନ୍ତର୍ଗତ ଦୁର୍ଗାପାଲି-ତେଣ୍ଡାପଦର ଗ୍ରାମର ଜଣେ ଗରୀବ ଲୋକ ବିଭିଷଣ ଭାଟି ମାଁ ସମଲେଶ୍ୱରୀ ଙ୍କ ପୂଜା ନିଜ ଘରେ କରି ଆସୁଥିଲେ । ମାଁ ଙ୍କ ନିର୍ଦ୍ଦେଶକ୍ରମେ ସେ ବିଭିନ୍ନ ଶ୍ରଦ୍ଧାଳୁଙ୍କ ସହ ଯୋଗା ଯୋଗକରି ଦୀର୍ଘଦିନ ହେଲା ମାଁ ଙ୍କ ପାଇଁ ମନ୍ଦିର ଟିଏ ନିର୍ମାଣ କାର୍ଯ୍ୟ ଆରମ୍ଭ କରିଦେଇଥିଲେ । ଶେଷରେ ତାଙ୍କର ସ୍ୱପ୍ନ ସଫଳ ହେଲା । ମନ୍ଦିର ନିର୍ମାଣ ସହ ରିତିନୀତି ଅନୁଯାୟୀ ଗତ ତିନିଦିନ ଧରି ଚାଲିଥିବା ପ୍ରତିଷ୍ଠା ଉତ୍ସବ ଶେଷ ହୋଇ ମାଁ ଙ୍କୁ ମନ୍ଦିର ରେ ପ୍ରବେଶ କରାଯାଇଛି । ନିଜେ ଶ୍ରୀ ଭାଟି କର୍ତ୍ତାନ ହୋଇ ଅନ୍ୟ ମାନଙ୍କୁ କର୍ତ୍ତା ପାଇଁ ସୁଯୋଗ ଦେଇଥିଲେ ।  ତେଣୁ ପ୍ରତିଷ୍ଠା ଉତ୍ସବରେ ଦୁର୍ଗାପାଲି ଗ୍ରାମର ଗୌନ୍ତିଆ

ଗତିକୃଷ୍ଣ ପଟେଲ ଓ ସୁଦାମ ମଲ୍ଲିକ ସସ୍ତ୍ରୀକ କର୍ତ୍ତା ଦାୟୀତ୍ୱ ତୂଳାଇଥିବା ବେଳେ ମିର୍ଦ୍ଧାପାଲି ଗ୍ରାମର ସରୋଜ ରାଉତ ସହଯୋଗ କରିଥିଲେ । ଯଜ୍ଞ କାର୍ଯ୍ୟଟି ପଣ୍ଡିତ ବିଶ୍ୱଜିତ ମିଶ୍ର ଓ ତ୍ରିବିକ୍ରମ ଷଡଙ୍ଗୀ ତାଙ୍କ ସହଯୋଗୀ  ଙ୍କ ସହ ତୂଳାଇ ଥିଲେ । ଏହି ଉପଲକ୍ଷେ ଅଷ୍ଟ ପ୍ରହରୀ ନାମଯଜ୍ଞ ର ମଧ୍ୟ ଆୟୋଜନ କରାଯାଇଥିଲା । ଏଥିରେ ସଦାଇପାଲି, କଅଗାଁ, ମିର୍ଦ୍ଧାପାଲି, ବୁବେଲ, ଦୁର୍ଗାପାଲି ଓ ତେଣ୍ଡାପଦର ଗ୍ରାମର ୧୧ ଟି ସଂକିର୍ତ୍ତନ ମଣ୍ଡଳୀ ସହଯୋଗ କରିଥିଲେ । ପ୍ରତ୍ୟହ ହଜାର ହଜାର ଶ୍ରଦ୍ଦାଳୁ ଙ୍କ ପାଇଁ ଅନ୍ନପ୍ରସାଦ ର ବ୍ୟବସ୍ଥା ହୋଇଥିଲା । ଏତେ ସଂଖ୍ୟକ ଜନ ସମାଗମରେ ପ୍ରତିଷ୍ଠା କାର୍ଯ୍ୟଟି ଶାନ୍ତିଶୃଙ୍ଖଳାର ସହ ସମାପନ ହୋଇଥିବାରୁ ପ୍ରତ୍ୟକ୍ଷ ତତ୍ୱାବଧାନରେ ଥିବା ସମାଜସେବୀ  ଡ. ଶ୍ରୀକର ମିଶ୍ର ଅଂଚଳବାସୀଙ୍କୁ ସାଧୁବାଦ ଦେବା ସଙ୍ଗେସଙ୍ଗେ ଏପରି ଧାର୍ମିକ କାମରେ ସବୁବେଳେ ସହଯୋଗ କରିବାପାଇଁ ଅନୁରୋଧ କରିଥିଲେ ।