20-Jun-2022

ବୀରମହାରାଜପୁର,  ( ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କେନଝିରିଆପାଲି ପଞ୍ଚାୟତ ଅନ୍ତର୍ଗତ ବାରଝୁଲା ଗ୍ରାମରେ ଅଭାବନୀୟ ଘଟଣା ଦେଖିବାକୁ ମିଳିଛି, ଭଗବାନ କେବେ କାହାକୁ କେଉଁ ପରିସ୍ଥିତିରେ ରଖିଥାଏ ସେକଥା ତାକୁହିଁ ଜଣାଥିବ ଅଧା ବୟସରେ ସ୍ୱାମୀ ଛାଡ଼ି ଆରପାରିକୁ ଚାଲିଗଲେ। ଯେଉଁ ଝାଟିମାଟି ଘର ଓ ଜମିବାଡ଼ି ଥିଲା, ପୁଅମାନେ ସେସବୁ ବିକ୍ରି କରି ଶ୍ୱଶୁର ଘରେ ଯାଇ ରହିଲେ। ନିଜର ବୋଲି ଏଦୁନିଆରେ କେହି ରହିଲେ ନାହିଁ। ଏପରି ସ୍ଥିତିରେ ବର୍ଷେ କି ଦିବର୍ଷ ନୁହେଁ ଦୀର୍ଘ ୧୨ ବର୍ଷ ହେଲାଣି ବିଜୁଳି ସେଠୀ ନାମକ ମହିଳାଙ୍କ ଠିକଣା ପାଲଟିଛି ଗାଁରେ ଥିବା ଖୋଲା ମଣ୍ଡପ। ଶୀତ ଖରା ବର୍ଷା ସବୁ ତା ପାଇଁ ସବୁ ସମାନ ହୋଇଯାଇଛି । ସେଠାରେ ସେ ବର୍ଷ ବର୍ଷ ଧରି ରହି ଆସୁଛନ୍ତି। ସରକାରଙ୍କ ଦୃଷ୍ଟି ତାଙ୍କ ଉପରେ ପଡ଼ୁ ନଥିବାରୁ ଭାଗ୍ୟକୁ ଆଦରି ବିଜୁଳି ସେଠାରେ ପଡ଼ି ରହିଛନ୍ତି। ଏମିତି ଏକ ଦୃଶ୍ୟ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା  ବୀରମହାରାଜପୁର ବ୍ଲକ ଅନ୍ତର୍ଗତ କେନଝିରିଆପାଲି ପଞ୍ଚାୟତ ଅନ୍ତର୍ଗତ ବାରଝୁଲା ଗ୍ରାମରେ।   ୩ ପୁଅ ଓ ସ୍ୱାମୀଙ୍କୁ ନେଇ ବାରଝୁଲା ଗାଁରେ ଖୁସିରେ ରହୁଥିଲେ ବିଜୁଳି। ହେଲେ ସ୍ୱାମୀଙ୍କ ମତ୍ୟୁ ଓ ପୁଅମାନଙ୍କ ବାହାଘର ପରେ ସବୁକିଛି ଓଲଟ ପାଲଟ ହୋଇଗଲା। ବଡ଼ ପୁଅର ମୃତ୍ୟୁ ହୋଇଗଲା ପରେ ଅନ୍ୟ ଦୁଇପୁଅ ଗାଁରେ ଥିବା ଜମିବାଡ଼ି ଓ ଘରଦ୍ୱାର ସବୁକିଛି ବିକ୍ରି କରି ନିଜ ନିଜ ଶଶୁର ଘରେ ରହୁଛନ୍ତି। ବୃଦ୍ଧ ମା’ କଥା କେହିବି ବୁଝିବାକୁ ନାରାଜ। ଏବେ ବିଜୁଳିଙ୍କୁ ୭୦ ବର୍ଷ ପାର ହେଲାଣି। ଆଖିରେ ଭଲ ଦେଖାଯାଉ ନାହିଁ। ଭଲରେ ଦୁଇ ପଦ କଥା ବି

କହିପାରୁ ନାହାନ୍ତି। ପରିଣତ ବୟସରେ ବିଜୁଳିଙ୍କ ପାଖରେ ଘର ଖଣ୍ଡେ ନ ଥିବାରୁ ଗାଁ ମଣ୍ଡପରେ ରହୁଛନ୍ତି। ସରକାରଙ୍କ ପକ୍ଷରୁ ତାଙ୍କୁ ନାଁ ଘର ଖଣ୍ଡେ ମିଳୁଛି କି  ରାସନ ସାମଗ୍ରୀ ମିଳୁଛି, କେବଳ ୫୦୦ ଟଙ୍କା ଭତ୍ତା ପାଇ ସନ୍ତୁଷ୍ଟ ହୋଇ ଦୟନୀୟ ଅବସ୍ଥାରେ ଜୀବନ ବିତାଉଥିବା ଅଭିଯୋଗ କରିଛନ୍ତି। ଏନେଇ ବୀରମହାରାଜପୁର ଗୋଷ୍ଠୀ ଉନ୍ନୟନ ଅଧିକାରୀ ମୋତିଲାଲ ସୁଲିଆଙ୍କୁ ଯୋଗାଯୋଗ କରାଯିବାରୁ ଜାଣିଶୁଣି ଫୋନ ଉଠାଇ ନଥିଲେ।