13-Jun-2022

ସିନ୍ଧେକେଲା/ କରୋନା ମହାମାରିର କଟକଣା ଯୋଗୁଁ ରଥଯାତ୍ରା ବନ୍ଦ ଥିଲା । କେବଳ ନୀତିକାନ୍ତି ପାଇଁ ଅନୁମତି ଥିଲା। ତେବେ ଚଳିତ ବର୍ଷ ରଥଯାତ୍ରା ପାଇଁ ସ୍ଥିତି ଅନୁକୂଳ ଅଛି । ତେଣୁ ଏଥର ମହାପ୍ରଭୁଙ୍କୁ ନିଜ ପାଖରେ ପାଇବେ ଭକ୍ତ ଓ ଶ୍ରଦ୍ଧାଳୁ । ଏହାକୁନେଇ ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଚଳିତ ରଥଯାତ୍ରା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଅଛି । ଶ୍ରୀ ଜଗନ୍ନାଥ ମନ୍ଦିର କମିଟି ସଭାପତି ଉମାକାନ୍ତ ସାହୁ , ସାଧାରଣ ସମ୍ପାଦକ ଅନିଲ ତ୍ରିପାଠୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଚଳିତ ପବିତ୍ର ରଥଯାତ୍ରା ମହୋତ୍ସବ କୁ କିପରି ଶୃଙ୍ଖଳିତ ତଥା ବ୍ୟବସ୍ଥିତ ଭାବେ ଆୟୋଜନ କରାଯିବ ସେ ଉପରେ ଆଲୋଚନା କରାଗଲା । ବୈଠକରେ ରଥଯାତ୍ରା ନିମନ୍ତେ ଆବଶ୍ୟକ ଆନୁଷଙ୍ଗିକ ବିଧି ବ୍ୟବସ୍ଥା କୁ ସୁନିଶ୍ଚିତ କରିବା ସହ ସମ୍ପୃକ୍ତ ସେବାୟତ ଆଦି କୁ ନିଜ ନିଜର ଦାୟିତ୍ୱ କୁ ଗୁରୁତ୍ୱ ଦେବାକୁ ପରାମର୍ଶ ଦେବାସହ ଆଲୋଚନା କରାଗଲା। ଦେବସ୍ନାନ ପୂର୍ଣ୍ଣିମା ଠାରୁ ନୀଳାଦ୍ରି ବିଜେ ପର୍ଯ୍ୟନ୍ତ ଠାକୁରଙ୍କ ବିଶେଷ ନୀତିକାନ୍ତ ତଥା ରଥ ପ୍ରସ୍ତୁତି ଉପରେ ବିଶେଷ ଆଲୋଚନା ହୋଇଥିଲା ।  ବୈଠକରେ ଅନ୍ୟମାନଙ୍କ ମଧ୍ୟରେ ସିନ୍ଧେକେଲା ରାଜ ପରିବାର ମୁଖ୍ଯ ଅରୁଣ ସିଂହଦେଓ, କମିଟି କୋଷାଧ୍ୟକ୍ଷ

ଜଗନ୍ନାଥ ଜୈନ , ବଣିକ ସଙ୍ଘ ସଭାପତି ସୁବାଷ ଜୈନ , ପୂର୍ବତନ ସଭାପତି ସରୋଜ ଜୈନ , ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ , କମିଟି ଉପଦେଷ୍ଟା କରମ ଚନ୍ଦ ଜୈନ , ମୁନିରାମ ଜୈନ , ଅଶୋକ ଜୈନ , ପ୍ରସନ୍ନ ଜୈନ , ହରିହର ସାହୁ , ଅନିଲ ନାଏକ, କାର୍ଯ୍ୟକାରିଣୀ ସଦସ୍ଯ ବିପିନ ପଣ୍ଡା, ତପନ ଚନ୍ଦା , ଗୋପୀ ସାହୁ , ନରେଶ ରଣା , ରଂଜନ ଷଡଙ୍ଗୀ , ତ୍ରିନାଥ ସାହୁ , ହେମନ୍ତ ସାହୁ , ବିନୋଦ ସରାଫ , ସନ୍ତୋଷ ବାମିଡି , କିଶୋର ଜୈନ , ତପନ ଜୈନ , ଚନ୍ଦନ ସିଂଦେଓ, ପିଣ୍ଟୁ ସାହୁ , ଭଜନ କଣ୍ଠଶିଳ୍ପୀ ଅଶୋକ ସାହୁ , ସୁଧାକର ସାହୁ , ରଥ ମିସ୍ତ୍ରୀ ଲକ୍ଷ୍ମୀକାନ୍ତ ସାହୁ , ମନ୍ଦିର ମୁଖ୍ୟ ପୂଜକ ପ୍ରମୋଦ ପାଣିଗ୍ରାହୀ , ସାମ୍ବାଦିକ ଦିନେଶ ଜୈନ ପ୍ରମୁଖ ପ୍ରସ୍ତୁତି ବୈଠକ ରେ ସାମିଲ ହୋଇ ନିଜନିଜ ମନ୍ତବ୍ଯ ରଖିଥିଲେ ।