13-Jun-2022

ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ରେ ୨୦ଟି ଗ୍ରାମ ପଞ୍ଚାୟତ ରେ ମନରେଗା ଯୋଜନାରେ ମେସିନରେ କାମ ଚାଲିଥିବା ସୂଚନା ମିଳେ । ବିଶ୍ଵସ୍ତ ସୂତ୍ରରୁ ପ୍ରକାଶ ଯେ ଏହି ପ୍ରଜେକ୍ଟରେ ଜିଲ୍ଲା ବିଭାଗୀୟ କତୃପକ୍ଷଙ୍କ ଟାର୍ଗେଟ ଅନୁଯାଇ ୫୨୨ଫାର୍ମ ପଣ୍ଡ ଅନୁମୋଦନ ହୋଇଥିବା ବେଳେ ୧୩୦ଟି ସମ୍ପୂର୍ଣ ହୋଇ, ୪୦୦ ବାକି ଥିବା ବିଭାଗୀୟ ଅଧିକାରୀଙ୍କ ଠାରୁ ସୂଚନା ମିଳେ । ଏହି ଯୋଜନାଟି ଗରିବ ଲୋକଙ୍କ ପାଇଁ ହୋଇ ଥିବା ବେଳେ କାମ କରୁଛି ମେସିନ,ମାଲେମାଳ ହେଉଛନ୍ତି l  ଅନେକ କାର୍ଯ୍ୟରେ ଚତୁରତାର ସହ କାମ କରୁଛନ୍ତି ଦଲାଲ lଏମିତିକି ମେସିନରେ କାମ କରି ଜବ୍ କାର୍ଡଧାରୀଙ୍କୁ  ସହେ,ଦୁଇଶହରେ କିଣି ତାଙ୍କ ନାଁ ରେ ଟଙ୍କା ଉଠାଉଛନ୍ତି  ଦଲାଲ। ଆଗଲପୁର ବ୍ଲକର ବିଭିନ୍ନ ପଞ୍ଚାୟତରେ ମନରେଗା ଯୋଜନାରେ ଦୁର୍ନୀତି ହୋଇଥିବା ଅଭିଯୋଗ ହୋଇଛି ।ବ୍ଲକର ଲୁହୁରlମୁଣ୍ଡା ଗ୍ରାମପଞ୍ଚାୟତ,ଭରସୂଜା, ଉପରବାହାଲ,ବଡଟିକl ଗାଁ ରେ ତଥା ଅନ୍ୟାନ୍ୟ ଗ୍ରାମପଞ୍ଚାୟତରେ  ଚାଷୀ ମାନଙ୍କୁ ନେଇ ଫାର୍ମ ପଣ୍ଡ ରେ ଆବେଦନ କରାଇ ତା ପରେ ବିନା ସୂଚନାଫଳକରେ ମେସିନ ମାଧ୍ୟମରେ କାମ କରୁଛନ୍ତି l କାମ ଶେଷ ହେବା ପରେ ସୂଚନା ଫଳକ ଲଗାଇ ବିଲ କରୁଛନ୍ତି ଦଲାଲ ।ଯାହା ଫଳରେ ଲୋକ ନିଜର ପ୍ରାପ୍ୟ ପାଇ ପାରୁ ନାହିଁ ଏବଂ ବାହାର ରାଜ୍ୟକୁ ଦାଦନ ଖଟି ଯାଉଛନ୍ତି । ଜିଲ୍ଲା ବିଭାଗୀୟ ଅଧିକାରୀ, ବ୍ଲକ କର୍ମଚାରୀ, ଦଲାଲଙ୍କ ସଲସୁତୁରା ଓ ମଧୁଚନ୍ଦ୍ରିକା ଯୋଗୁ ମାଲେମାଲ ହେଉଛନ୍ତି ।ବ୍ଲକର ବଡ଼ଟୀକା ଗ୍ରାମର ହିମାଳୟ ଦଳପତି,ଗଣ୍ଡ ପାଲି ଗ୍ରାମର ମହେନ୍ଦ୍ର ସାହୁ,ମହାଦେବ ସାହୁ,ତୁଳା ରାମ ସାହୁ, ଦର୍ଲିପାଲି ଗ୍ରାମର ନିମାଇ ସାହୁ, ରତନା ସାହୁ,ସରଧ୍।ପାଲି ର ପାର୍ବତୀ ସାହୁ,ଭକ୍ତ ରାମ ସାହୁ,ସୁଶାନ୍ତ ସାହୁ, ସା ହଜ ଛପର ଗ୍ରାମର ବିରଞ୍ଚି ଧାରୁଆ ପ୍ରମୁଖ ଙ୍କ ଫାର୍ମ ପଣ୍ଡ କାର୍ଯ ଶେଷ କରି ଥିବା ଏହି ଚାଷୀଙ୍କ ଠାରୁ ସୂଚନା ଦେଇଛନ୍ତି।ଏହା ଏକ ଲକ୍ଷ କୋଡ଼ିଏ ହଜାର ଓ ଏକ ଲକ୍ଷ ସତୁର ହଜାରର ହୋଇ ଥାଏ ବୋଲି ଚାଷୀଙ୍କ ଠାରୁ ସୂଚନା ମିଳିଛି ।ଦେଖିବାର ବାକି ରହିଲା ଜିଲ୍ଲା ପ୍ରଶାସନ ପକ୍ଷରୁ କି ପଦକ୍ଷେପ ଗ୍ରହଣ କରାଯାଇଛି l ବଲାଙ୍ଗିର ଜିଲା ଏହି ଅଭିଯୋଗ ବିଷୟରେ ଚର୍ଚ୍ଚା ଜୋର ଧରିଛି l