13-Jun-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ଅଞ୍ଚଳକୁ ପ୍ରକୃତିର ଅତୁଲନୀୟ ଅବଦାନ ରହିଛି । ହେଲେ ଏହି ପ୍ରାକୃତିକ ସମ୍ପଦକୁ ଅବାଧରେ କୋରି ଖାଇ ଚାଳିଛନ୍ତି ମୁଷ୍ଟିମେୟ ଖଣିମାଫିଆ। ଲିଜ ପ୍ରକ୍ରିୟା ଅନୁସାରେ ଏକ ନିର୍ଦ୍ଧିଷ୍ଟ ଅବଧି ପର୍ଯ୍ୟନ୍ତ ବାଲି, ପଥର, ମୋରମ ଖଣି ଲିଜ ଦିଆଯାଏ ଯାହାକି ଯେତେ ପରିମାଣର ଲିଜ ଦିଆଯାଇଛି ତା ଠାରୁ ୧୦ ଗୁଣା ଅଧିକ ବାଲି ପଥର କୋରି ନେଇ ବିକ୍ରି କରି ଖଣି ମାଫିଆ ମାନେ ମାଲେମାଲ ହେଉଛନ୍ତି। ସେ ସରକାରୀ ହେଉ

ଅବା ବେସରକାରୀ ଯେ କୌଣସି ନିର୍ମାଣ ପାଇଁ ଦରକାର ହୁଏ ବାଲି। ସିମେଣ୍ଟ ସହ ମିଶାଇବା ପାଇଁ ଜଦି ଭଲ ବାଲି ମିଳି ଯାଉଛି ତ ସେହି ନଦୀ ବାଲିର ବିଶେଷ ଡିମାଣ୍ଡ। ସେହି କାରଣରୁ ହିଁ ସିନ୍ଧେକେଲା ଉନ୍ଦେର ନଦୀ ବାଲି ଦୁର ଦୁରାନ୍ତ ପର୍ଯ୍ୟନ୍ତ ଚାଳାଣ ହେଉଛି। ଉନ୍ଦେର ନଦୀର ବାଲିର ବେଶ ଡିମାଣ୍ଡ ଥିବାରୁ ଉନ୍ଦେର ନଦୀର ବିଭିନ୍ନ ସ୍ଥାନରୁ ବାଲି ଚାଳାଣ ହେଉଛି। ଏବଂ ଏହାକୁ ନଜରରେ ରଖି ବଙ୍ଗୋମୁଣ୍ଡା ତହସିଲ ତରଫରୁ ଉନ୍ଦେର ନଦୀର ଭତାସର, ତେଲସରାଇ, ଚାନ୍ଦୋତରା , ତୁରେକେଲା, ଶ୍ରୀରାମ, ସାଲେବରଟ, ଭୁସଲାଡ, ପଳସଖଣ୍ଡ ଏମିତି ପ୍ରତ୍ୟେକ ଘାଟରେ ଗୋଟିଏ ଗୋଟିଏ ଲିଜ ଧାରୀ ଙ୍କୁ ଲିଜ ଦିଆଯାଇଛି । ହେଲେ କିଛି ଲିଜଧାରୀ ତାଙ୍କ ଲିଜ ପାଇଥିବା ସ୍ଥାନ ଛାଡି ଅନ୍ୟ ଜାଗାରୁ ବାଳି ଉଠାଉଥିବା ଅଭିଯୋଗ ହେଉଛି। ଏହାର ସୁଯୋଗ ନେଇ ଅନ୍ୟ ମାନେ ମଧ୍ଯ ଚୋରାଚାଲାଣ କରୁଛନ୍ତି। ରାଜସ୍ବ ନିରୀକ୍ଷକ ମାନେ କାଁ ଭାଁ କାହାକୁ କେବେ ଧରି ତହସିଲଦାରଙ୍କୁ ଖବର କରୁଥିବାରୁ ଚୋରାଚାଲାଣ ବେଶ ବ୍ୟବସ୍ଥିତ ଭାବରେ ବର୍ଷ ବର୍ଷ ଧରି ଚାଳୁଛି। ଲିଜ ହୋଇଥିବା ଘାଟରୁ ଲିଜ ଧାରୀ ମାନେ ଗୋଟିଏ ଟ୍ରାନଜିଟ ପାସ( ରୟାଳ୍ଟି ) ବିନା ତାରିଖ ଓ ବିନା ସମୟ ପକାଇ ନିଜ ନିଜ ଗାଡି ମାନଙ୍କରେ ଦେଇଥାନ୍ତି । ଯାହା ଫଳରେ କେହି ଅଫିସର କିମ୍ବା କୌଣସି ଚେକିଂ ହେଉଥିବା ଆଭାସ ପାଇଲେ ସେହି ରୟାଳ୍ଟି ଫର୍ମ ପୂରଣ କରି ଦେଖାଇଥାନ୍ତି। ନ ହେଲେ ସେହି ଗୋଟିଏ ରୟାଳ୍ଟି ବଳରେ ଶହଶହ ଟ୍ରିପ ବାଳିର ରାଜସ୍ବ ମାଫିଆ ମାନଙ୍କ ପକେଟକୁ ସିଧାସଳଖ ଯାଉଛି । ଓଡିଶା ବାଲି ନିତି ୨୦୨୧ ଅନୁଯାଇ ବାଲିଘାଟ ଗୁଡିକର ଟିଜିପିଏସ ସର୍ଭେ କରାଯିବା କଥା । ଏହାକୁ ରୋକିବା କିମ୍ବା କାର୍ଯ୍ୟକାରୀ କରିବା ଅଧିକାରୀ ହେଉଛନ୍ତି ତହସିଲଦାର। କିନ୍ତୁ ସକାଳୁ ବାଲି ଚାଳାଣ ଆରମ୍ଭ ହୋଇ ରାତି ୧୧ ଟା ପର୍ଯ୍ଯନ୍ତ ଚାଳୁଥିବା ବେଳେ ପ୍ରତିଦିନ କେବଳ ସିନ୍ଧେକେଲା ଥାନା ଅଞ୍ଚଳରୁ ଟ୍ରାକ୍ଟର, ଟ୍ରକ, ହାଇବା ଲଗାଇ ଶହଶହ ଟ୍ରିପ ବାଲି ଚାଳାଣ ହେଉଛି ଶହଶହ କିଲୋମିଟର ଦୁରକୁ। ତାହାବି ବିନା ଟ୍ରାନଜିଟ ପାସରେ। ଆଉ ଜଦିବି ଟ୍ରାନଜିଟ ପାସ ଗାଡିରେ ଦିଆଯାଉଛି ତେବେ ଗୋଟିଏ ଟ୍ରାନଜିଟ ପାସରେ ସକାଳୁ ରାତି ୧୧ ଟା ପର୍ଯ୍ୟନ୍ତ ନିଶ୍ଚିନ୍ତ ହୋଇ ଚାଳାଣ ଚାଳୁଥିବା ଅଭିଯୋଗ ହେଉଛି।ପ୍ରଶାସନିକ ଅଧିକାରୀ ମାନଙ୍କ ନିଷ୍କ୍ରିୟତା ମନୋଭାବ ଏଠି ସ୍ପଷ୍ଟ କରୁଛି କିଭଲି ଭାବେ ବେଆଇନ ବାଲି ମାଫିଆ ମାନଙ୍କ ସହିତ ତାଙ୍କ ଭିତିରିଆ ସମ୍ପର୍କ ରହିଛି । ଭିତିରି ସମ୍ପର୍କ ଯୋଗୁଁ ତହସିଲ

କାର୍ଯ୍ୟାଲୟରୁ ଦିଆଯାଇଥିବା ଟ୍ରାନଜିଟ ପାସର ଦୁରୁପଯୋଗ କରାଯାଉ ଥିବା ଅଭିଯୋଗ ହେଉଛି । ବାଲି ଲଘୁ ଖଣିଜ ଦ୍ରବ୍ଯ ଅଟେ ତେଣୁ ବାଲିଘାଟର ଲିଜର ନିୟମ ଅନୁଯାଇ ପ୍ରଥମେ ଲିଜ ପରେ ପରିବେଶ ମଞ୍ଜୁରୀ,ପ୍ରଦୁଷଣ ବିଭାଗର ମଞ୍ଜୁରୀ, ଏବଂ ପଲ୍ଲିସଭା ପରେ ଯାଇଁ ବାଲି ଉଠାଣର ନିୟମ ରହିଛି । ବାଲିଘାଟ ନିଲାମ ହେଲାପରେ ବାଲିଘାଟରୁ କେତେ ବାଲି ଉଠିଲା , କେଉଁ ଗାଡିରେ କେତେ ବାଲି କୈଉଁଠିକୁ ଗଲା ଓ କଣ ପାଇଁ ବ୍ୟବହାର ହେଲା ସବୁର ହିସାବ ରାଜସ୍ବ ବିଭାଗ ରଖିବ। କିନ୍ତୁ ଏଠି ସବୁ ଧର୍ମକୁ ଆଖିଠାର। ତଳୁ ଉପର ପର୍ଯ୍ୟନ୍ତ ସବୁ ସେଟିଂ ତେଣୁ ଜିଲ୍ଲା ପ୍ରଶାସନ ଏ ଉପରେ ସ୍ବତନ୍ତ୍ର ଦୃଷ୍ଟି ଦେଲେ ସରକାରଙ୍କ ରାଜସ୍ବ ଆଦାୟ ବଢିପାରିବ ବୋଳି ମତପ୍ରକାଶ ପାଇଛି ।