12-Jun-2022

ସୋନପୁର (ମନୋରଞ୍ଜନ ତ୍ରିପାଠି)  ବରୋଦା ବ୍ୟାଙ୍କ ରେ ସୋନପୁର କଲେଜ ର 72 ଲକ୍ଷ ଠକେଇ ଘଟଣା ସ୍ଥାନୀୟ ବରୋଦା ବ୍ୟାଙ୍କ ରୁ  ବାହ୍ୟ ରାଜ୍ୟ ବରୋଦା  ବ୍ୟାଙ୍କ କୁ  ଅନ ଲାଇନ  ଜମା ହୋଇଥିବା  10 ଲକ୍ଷ ଟଙ୍କା କୁ  ସୁରକ୍ଷିତ ଉଦ୍ଧାର ପାଇଁ  ବ୍ୟାଙ୍କ ସହାୟତା ରେ ପୋଲିସ ଏହି ଟଙ୍କା କୁ ବ୍ଲକ କରିଥିବା ଏବଂ  ବାହ୍ୟ ରାଜ୍ୟ ର ଆଉ ଏକ ବ୍ୟାଙ୍କ ରେ  ଜମା ହୋଇଥିବା  କିଛି ଟଙ୍କା କୁ ମଧ୍ୟ ବ୍ଲକ କରାଯିବ ବୋଲି ବିଶ୍ଵସ୍ଥ ସୂତ୍ର ରୁ ସୂଚନା ମିଳିଛି l ଗତ କାଲି ସୋନପୁର ପୋଲିସ ର ଏକ ସ୍ୱତନ୍ତ୍ର ସ୍କ୍ୱାର୍ଡ ଘଟଣା ର ଊଚ୍ଚ ସ୍ତରୀୟ ତଦନ୍ତ  ପାଇଁ ପଶ୍ଚିମବଙ୍ଗ କୁଚ ବିହାର କୁ ଯାତ୍ରା କରିଥିବା ଜଣା ଯାଇଛି l ସୁବର୍ଣ୍ଣପୁର ଏସପି ଶ୍ରୀ ଅମରେଶ ପଣ୍ଡା ଓ କଲେଜ ମେନେଜମେଣ୍ଟ ସଭାପତି ସୁବର୍ଣ୍ଣପୁର ଏ ଡି ଏମ ଶ୍ରୀ ସୂର୍ଯ୍ୟ ନାରାୟଣ ଦାଶ ଘଟଣା ଉପରେ ତୀକ୍ଷ୍ଣ ନଜର ରଖିଥିବା, ଅନୁସନ୍ଧାନ ର ଅପଡେଟ ରିପୋର୍ଟ ସଂଗ୍ରହ  କରୁଥିବା, ଓ ପ୍ରତି ମୁହୂର୍ତ୍ତ ରେ  କଲେଜ ଓ ବ୍ୟାଙ୍କ କର୍ତ୍ତୃପକ୍ଷ ସହିତ ଆଲୋଚନା କରି  ଉଭୟ କର୍ତ୍ତୃପକ୍ଷ ଙ୍କ ମଧ୍ୟରେ ବିଚାର ବିମର୍ଶ ଚାଲିଥିବା ଓ 24 ଘଣ୍ଟା ଏଲର୍ଟ ଥିବା ଜଣାଯାଇଛି l ଏବଂ ଖୁବ ଶୀଘ୍ର ଘଟଣା ର ପର୍ଦାଫାଶ ସହ ସବୁ ଟଙ୍କା ଉଦ୍ଧାର କରି ଶିକ୍ଷାନୁଷ୍ଠାନ ଅର୍ଥ କଳେଙ୍କେରୀ ରେ ଲିପ୍ତ ଥିବା ରାଜ୍ୟ ହେଉ କି ବାହାର ରାଜ୍ୟ ହେଉ ସେଇ ଦୋଷୀ ଙ୍କ ବିରୋଧ ରେ କଡା କାର୍ଯ୍ୟାନୁଷ୍ଠାନ ନେବା କୁ ସୁବର୍ଣ୍ଣପୁର ପୋଲିସ ପକ୍ଷରୁ ସୂଚନା ମିଳିଛି l ସବୁଠୁ ଆଶ୍ଚର୍ଯ୍ୟ  ବିଷୟ ଯେ କଲେଜ ର ଚେକ ବୁକ ସବୁ ନମ୍ୱର ସିରିଏଲ ଓ ସୁରକ୍ଷିତ ଥିବା ଅଧ୍ୟକ୍ଷ ସୂଚନା ଦେଇଥିବା ବେଳେ ପୁରାପୁରି ଅବିକଳ  ଚେକ ବୁକ ର ନିର୍ଦ୍ଧିଷ୍ଟ ନମ୍ବର ଥିବା ସ୍କାନିଙ୍ଗ କପି  ସାଇବର ଠକ ଙ୍କ ପାଖକୁ ଆସିଲା କେମିତି ? ଏବଂ 127 ଟି କଲେଜ କୁ ଆସିଥିବା  ବିଶ୍ୱ ବ୍ୟାଙ୍କ ର କୋଟି କୋଟି ଟଙ୍କା ର ଆଇ ଡି ପି ଅନୁଦାନ ର ପ୍ରଥମେ ଏହି ସୋନପୁର କଲେଜ ର ପୁରା  ତଥ୍ୟ ସାଇବର ଠକ ଙ୍କ ହାତରେ ଲାଗିଲା କେମିତି ? ତାହା ଜନ ସାଧାରଣ ଙ୍କ ମଧ୍ୟରେ ବିରାଟ ପ୍ରଶ୍ନ ବାଚୀ ସୃଷ୍ଟି କରିଛି l