12-Jun-2022

ବରଗଡ: ବରଗଡ଼ ଜିଲ୍ଲା ସ୍ୱାସ୍ଥ୍ୟ ସମିତି ଏବଂ ସ୍ଵେଚ୍ଛାସେବୀ ଅନୁଷ୍ଠାନ ଆଜ୍‌କା ପାଇକମାଲର ମିଳିତ ସହଯୋଗରେ ଆଶା କର୍ମୀ ମାନଙ୍କ ଟ୍ରେନିଂ ମଡ୍ୟୁଲ୍  ଛଅ ଓ ସାତ ର ଚତୁର୍ଥ ପର୍ଯ୍ୟାୟ ତା. ୦୮.୦୬.୨୦୨୨ ରୁ  ଆଜ୍ କା  ତାଲିମ କେନ୍ଦ୍ର ପାଇକମାଲ ଠାରେ ଆରମ୍ଭ ହୋଇ ଆଜି ଉଦଯାପିତ ହୋଇଯାଇଛି । ଏଥି ସହିତ କ୍ରମାନ୍ବେୟେ ଚାରୋଟି ପର୍ଯ୍ୟାୟ ଟ୍ରେନିଂ ଶେଷ ହୋଇଛି । ଏହି ତାଲିମ ରେ ବରଗଡ଼ ଜିଲ୍ଲାର ପାଞ୍ଚଟି ବ୍ଳକ୍ ବରପାଲି, ଅତାବିରା, ଅମ୍ବାଭନା, ପଦ୍ମପୁର ଏବଂ ଝାରବନ୍ଧ ରୁ ମୋଟ ୨୮ ଜଣ ଆଶା ପ୍ରଶିକ୍ଷଣାର୍ଥିନୀ ଯୋଗ ଦେଇଥିଲେ । ପ୍ରଶିକ୍ଷିକା ସନ୍ତୋଷିନୀ ମହାପାତ୍ର ଏବଂ ପ୍ରଶିକ୍ଷକ ସୁଧୀର କୁମାର ପଣ୍ଡା ତାଲିମ ପ୍ରଦାନ କରିଥିଲେ । ଏହି ଚତୁର୍ଥ ପର୍ଯ୍ୟାୟ ଟ୍ରେନିଂର ବିଷୟବସ୍ତୁ ମଧ୍ୟରେ ହିଂସା, ହିଂସାର ପ୍ରକାରଭେଦ, ହିଂସାର ଚକ୍ର, ହିଂସାର ଚିହ୍ନ ଓ ସଙ୍କେତ, ହିଂସାର ପରିଣାମ, କେଉଁ ମହିଳା ଅତ୍ୟଧିକ ହିଂସାରେ ଶିକାର ହେବାର ସମ୍ଭାବନା ଅଧିକ, ମହିଳା ସୁରକ୍ଷା ନିମନ୍ତେ ବିଭିନ୍ନ ଆଇନ ର ବ୍ୟବସ୍ଥା, ମହିଳା ହିଂସାରେ ଆଶାର ଭୂମିକା ଇତ୍ୟାଦି ପରିସରଭୁକ୍ତ ଥିଲା  ଅନୁଷ୍ଠାନର ପ୍ରୋଗ୍ରାମ କୋଅର୍ଡିନେଟର ନିତ୍ୟାନନ୍ଦ ଜେନା ତାଲିମ ର ସୁପରିଚାଳନା କରିଥିବାବେଳେ ଯୁଗଳ କିଶୋର ନାୟକ ଏବଂ କୁମୁଦିନୀ ପ୍ରଧାନ ପୂର୍ଣ୍ଣ ସହଯୋଗ କରିଥିଲେ । ଶେଷରେ ନିତ୍ୟାନନ୍ଦ ଜେନା ସମସ୍ତଙ୍କର ସହଯୋଗ ନିମନ୍ତେ ଧନ୍ୟବାଦ ଜଣାଇ ଟ୍ରେନିଂ ର ପରିସମାପ୍ତି ଘୋଷଣା କରିଥିଲେ