03-Jun-2022

 ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ସୋନପୁର ବାଳିକା ହାଇସ୍କୁଲର ବରିଷ୍ଠ ଶିକ୍ଷୟିତ୍ରୀ ଶ୍ରୀମତୀ ମିନତୀ ବହିଦାର ଗତ ୩୧ ତାରିଖ ଦିନ ସରକାରୀ କାର୍ଯ୍ୟରୁ ଅବସର ଗ୍ରହଣ କରିଛନ୍ତି l ଏହି ଉପଲକ୍ଷେ ବିଦ୍ୟାଳୟର ନୂତନ ପ୍ରଧାନ ଶିକ୍ଷକ ବୈଦ୍ୟନାଥ କର୍ଣ୍ଣ ଙ୍କ ଅଧ୍ୟକ୍ଷତାରେ ଏକ ବିଦାୟ କାଳୀନ ସମ୍ବର୍ଦ୍ଧନା ସଭା ଆୟୋଜନ କରାଯାଇଥିଲା l ଉପଢୌକନ ପ୍ରଦାନ ପୂର୍ବକ ଶ୍ରୀମତି ବହିଦାର କର୍ତ୍ତବ୍ୟନିଷ୍ଠାର ଭୁୟସୀ ପ୍ରଶଂସା କରଯାଇ ଉଜ୍ଵଳ ଭବିଷ୍ୟତ କାମନା କରଯାଇଥିଲା l ପ୍ରକାଶ ଥାଉ କି ଯେ ଶ୍ରୀମତୀ ବହିଦାର ୧୯୮୨ ଜୁନରେ ଲୋଇସିଂହା ସରକାରୀ ବାଳିକା ହାଇସ୍କୁଲ ରେ ଶିକ୍ଷୟିତ୍ରୀ ଭାବରେ ଯୋଗଦାନ କରି ଏପ୍ରିଲ ୨୦୦୫ ରେ ତରଭା ଶିବତଲା ହାଇସ୍କୁଲକୁ ବଦଳି ହୋଇ ଆସିଥିଲେ l ଶେଷରେ ୨୦୦୭ ଅକ୍ଟୋବରରେ ସୋନପୁର ସରକାରୀ ଉଚ୍ଚ ବିଦ୍ୟାଳୟରେ ସହକାରୀ ପ୍ରଧାନ ଶିକ୍ଷୟିତ୍ରୀ ଭାବେ ଯୋଗଦାନ କରି ସବୁଠି ନିଷ୍ଠା ଓ ଦକ୍ଷତାର ସହ କାର୍ଯ୍ୟ କରି ଶ୍ରୀମତୀ ବହିଦାର ପ୍ରଶଂସା ଭାଜନ ହୋଇଛନ୍ତି l ଦୁଇ ବର୍ଷ ପୂର୍ବରୁ ସିନିୟର ଏସ ସି ଏସ ପଦକୁ ପଦୋନ୍ନତି ପାଇ ମଧ୍ୟ ଏ ପଦବୀକୁ ସେ ପ୍ରତ୍ୟାଖାନ କରି ନିଜ ସହରର ଝିଅ ମାନଙ୍କ ଉତ୍ତମ କ୍ୟାରିୟର ଓ ଭଲ ମଣିଷ କରି ଗଢି ତୋଳିବା ପାଇଁ ସଂକଳ୍ପ ନେଇଥିଲେ l ତାଙ୍କ ନିଷ୍ଠା, ସମୟାନୁବର୍ତ୍ତିତା ଓ ଶୃଙ୍ଖଳା ପାଇଁ ଶ୍ରୀମତୀ ବହିଦାରଙ୍କୁ ସବୁ ସ୍କୁଲରେ ତାଙ୍କୁ ସବୁବେଳେ ଗୁରୁତ୍ବପୂର୍ଣ୍ଣ ଦାଇତ୍ୱ ଦିଆ ଯାଇଥିଲା l ସେ ସବୁ ଦାଇତ୍ୱକୁ ଠିକ ଭାବେ ପରିଚାଳନା କରି ଊଚ୍ଚ କର୍ତ୍ତୃପକ୍ଷଙ୍କ ଆସ୍ଥାଭାଜନ ସାଙ୍ଗକୁ ସହକର୍ମୀ ମାନଙ୍କ ପାଇଁ ଉଦାହରଣ ହୋଇ ରହିଥିଲେ l ଅନ୍ୟଙ୍କ ପାଈଁ ସେ ପ୍ରେରଣା ସାଜିଥିବା ବେଳେ ତାଙ୍କ ଅବସର ପରେ ଏହି ବିଦ୍ୟାଳୟ ଜଣେ ଆଦର୍ଶ ଶିକ୍ଷୟତ୍ରୀଙ୍କ ଅନୁପସ୍ଥିତି ଅନୁଭବ କରିବ ବୋଲି ଆଶା କରାଯାଉଛି l