31-May-2022

ବଲାଙ୍ଗିର, (ଅନ୍ତର୍ଯ୍ୟାମୀ ସାହୁ) ପାଟଣା ଷ୍ଟେଟ ସମୟର ଆଦି ଶକ୍ତି ଦେବୀ ମା’ ପାଟଣେଶ୍ୱରୀ ମନ୍ଦିର ବିଭିନ୍ନ ସମସ୍ୟାକୁ ନେଇ ନାଗରିକ କମିଟି ଓ ବରିଷ୍ଠ ନାଗରିକ ମଂଚ ମିଳିତ ଭାବେ ମନ୍ଦିର ର ସମସ୍ୟା ନେଇ ଆଲୋଚନା କରିଥିଲେ । ମୁଖ୍ୟ ପୁଜକ ମଳୟ ଦିସ୍ରୀ ଓ ମଧୁ ଦିସ୍ରୀଙ୍କୁ ବିଭିନ୍ନ ସମସ୍ୟାକୁ ନେଇ ଆଲୋଚନା କରିଥିଲେ । ସାମାନ୍ୟ ବର୍ଷା ହେଲେ ଗମ୍ଭିରଗୃହର ପାଣି ଝରୁଛି, ଛାତ ରେ ପାଣି ଝରୁଛି ଓ ଇଷ୍ଟଦେବୀ ପାଖରେ ପାଣି ରହିଯାଉଛି । ୧୯୦୪ ମସିହାର ମନ୍ଦିର ଏବେ ବିପଦମୁଖ ଅବସ୍ଥାରେ । ନାଳ ସୁବିଧା ନ ଥିବାରୁ ନାଳ ପାଣି ମନ୍ଦିରକୁ ପ୍ରବେଶ କରୁଛି । ମା’ଙ୍କ ଅନ୍ନଭୋଗ ରାନ୍ଧିବା ପାଇଁ ରୋଷେଇ ଘର ନ ଥିବାରୁ ଅସନ୍ତୋଷ ପ୍ରକାଶ

ପାଇଥିଲା । ନାଳ ନ ଥିବାରୁ ମନ୍ଦିର ସମ୍ମୁଖରେ ବର୍ଷା ପାଣି ଜମା    ରହୁଛି । ଚାରି ପାଶ୍ୱର୍ର କବାଟ ଏବଂ ମୁଖ୍ୟ ଦ୍ୱାରର କବାଟ ମଧ୍ୟ ଦୁର୍ବଳ ଅବସ୍ଥାରେ । ସିସି ଟିଭି ଅଚଳ ଅବସ୍ଥାରେ ଅଛି । ପୂଜା ପାଇଁ ମନ୍ଦିର ପ୍ରାଙ୍ଗଣରେ ଥିବା ବୋରିଂକୁ ବ୍ୟକ୍ତିଗତ କାରଣ ପାଇଁ ଅଚଳ କରିଦିଆଯାଇଛି । ଏ ବିଷୟରେ ଆଲୋଚନା ହୋଇଥିବା ବେଳେ ଆଗାମୀ ଦିନରେ ଜିଲ୍ଲା ପ୍ରଶାସନଙ୍କ ଆଲୋଚନା କରିବେ ବୋଲି ନାଗରିକ କମିଟି ଓ ବରିଷ୍ଠ ନାଗରିକ ମଂଚ କହିଥିଲେ । । 

ବରିଷ୍ଠ ନାଗରିକ ମଂଚ ସଭାପତି ପ୍ରଭାକର ମିଶ୍ର, ସାଧାରଣ ସଂପାଦକ ମନୋରଂଜନ ମିଶ୍ର, ସଦସ୍ୟ ଅଶୋକ କୁମାର ମିଶ୍ର, ଦୁର୍ଗା ପ୍ରଶନ୍ନ ଛୁରିଆ, ନାଗରିକ କମିଟିର ସଭାପତି ବେଲାର ସିଂ ଭୋଇ, ସାଧାରଣ ସଂପାଦକ ମନୋରଂଜନ ସାହୁ, କୋଷାଧ୍ୟକ୍ଷ ଗଜେନ୍ଦ୍ର ତ୍ରିଭୁବନ ଦାଶ, ସଭ୍ୟ ଗୋପଭୂଷଣ ନାଥ, ମନୋରଂଜନ ପୁରୋହିତ, ଦିବାକର ହୋତା ତଥା ପ୍ରଶନ୍ନ ମିଶ୍ର, ମଧୁ ସୁଦନ ନାୟକ, ଅର୍ଜୁନ ସାହୁ, ପ୍ରଶାନ୍ତ ମହାକୁର, ଭବାନି ଶଙ୍କର ଭୋଇ ପ୍ରମୁଖ ସାମିଲ ଥିଲେ