31-May-2022

ବଲାଙ୍ଗିର,(ଅନ୍ତର୍ଯ୍ୟାମୀ ସାହୁ)- ବିଜୁଳିମୁଣ୍ଡା ସ.ପ୍ର. ସ୍କୁଲ ବଲାଙ୍ଗିର ଠାରେ ବ୍ଲକ ପ୍ରାଥମିକ ଶିକ୍ଷକ ସଂଘର ସଭାପତି ତଥା ସ୍କୁଲ ପ୍ରଧାନ ଶିକ୍ଷକ ଅକ୍ଷୟ କୁମାର ପାଢୀଙ୍କୁ, ଜିଲ୍ଲା ପ୍ରାଥମିକ ଶିକ୍ଷକ ସଂଘର ସାଧାରଣ ସଂପାଦକ ହରେକୃଷ୍ଣ ରଥଙ୍କ ଅଧ୍ୟକ୍ଷତାରେ ଏକ ଶୈକ୍ଷିକ ଆଲୋଚନା ଚକ୍ର ଅନୁଷ୍ଠାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଏହି ସଭାରେ ବଲାଙ୍ଗିର ବ୍ଲକର ଅତିରିକ୍ତ ଗୋଷ୍ଠି ଶିକ୍ଷା ଅଧିକାରୀ ଉତ୍ତମ ନାୟକ ମୁଖ୍ୟ ଅତିଥି ଥିଲେ ଓ ମନୋଜ ଅଗସ୍ତି ସମ୍ମାନିତ ଅତିଥି ଥିଲେ । ମୁଖ୍ୟବକ୍ତା ଭାବେ ଅଶୋକ ନାୟକ ବରିଷ୍ଠ ସାଧନକର୍ମୀ ବଲାଙ୍ଗିର ଜିଲ୍ଲା କାର୍ଯ୍ୟ ନିର୍ବାହ କରିଥିଲେ । ଉକ୍ତ ସଭାରେ ବିଜୁଳିମୁଣ୍ଡା ସ୍କୁଲ ପରିଚାଳନା କମିଟିର ସଭ୍ୟ, ସଭ୍ୟା ବ୍ୟତିତ କେନ୍ଦ୍ର ବିଦ୍ୟାଳୟର ପ୍‌ରଧାନ ଶିକ୍ଷକ ବସନ୍ତ ବୁଡେକ, ସଂଯୋଜକ ଗୋପାଳଜୀ ଚୈାଧୁରୀ ତଥା କବିତା ପଣ୍ଡା, ସୌଭାଗ୍ୟବନ୍ତ ନାୟକ ସଭାରେ ଅଂଶ ଗ୍ରହଣ କରିଥିଲେ । ବିଦାୟ ସମ୍ବର୍ଦ୍ଧନା ବ୍ୟତିତ କୋଭିଡ୍ ୧୯ ପରେ ବିପର୍ଯ୍ୟୟ ପ୍ରାଥମିକ ଶିକ୍ଷା ବ୍ୟବସ୍ଥାର ସମାଧାନ ପାଇଁ ଶିକ୍ଷକମାନଙ୍କର ଭୂମିକା ଉପରେ ଆଲୋଚନା ଚକ୍ରଟି ଅନୁଷ୍ଠିତ ହୋଇଥିଲା । ସଭା ଶେଷରେ ଗୋପାଳଜୀ ଚୌଧୁରୀ ସମସ୍ତ ଉପସ୍ଥିତ ସଭ୍ୟ / ସଭ୍ୟାଙ୍କୁ ଧନ୍ୟବାଦ ଅର୍ପଣ କଲା ପରେ ସଭପତି ସଭା ସାଙ୍ଗ ଘୋଷଣା କରିଥିଲେ ।